Esai 30:18 - Maktub gə́ To gə Kəmee

¹⁸ Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 30:18 ပူးပေါင်းရင်းမြစ်များ

Maktub gə́ wɔji dɔ Jɔb 35:14

Ɓó lé i pana: I ée el kara Ta ləi to nea̰’g: maji kari ŋginá ɓa.

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Pakɔsje 27:14

Maji kari ar məəi to yel gə́ dɔ Njesigənea̰’g! Maji kari wa diŋgam məəi’g ɓó gə wa məəi kɔgərɔ! Maji kari ar məəi to yel gə́ dɔ Njesigənea̰’g ya.

Pakɔsje 34:8

Kura lə Njesigənea̰ gə́ dara ula ŋgalaŋ gugu ne dɔ deḛ gə́ ɓəlee, Yeḛ ɔr dee ne dan tuji’g.

Pakɔsje 84:12

Mbata Njesigənea̰, Ala to kàr ləm, gə dər-rɔ ləm tɔ, Meenoji gə rɔnduba lé Njesigənea̰ ɓa ar dee, Deḛ gə́ njaa gə goo rəw gə́ danasur lé Yeḛ ɔg dee némaji kára kara bèe el.

Pakɔsje 99:4

Maji kar dee d’ila riɓar dɔ siŋgamoŋ’g Le mbai gə́ njekunda meekarabasur dan kəmee’g lé ya, Néra gə́ danasur lé I nja aree to njaŋg ləm, Meekarabasur gə néra gə́ gə dɔ najee lé kara I nja ra mbuna njé’g lə Jakob lé ləm tɔ.

Teḛ-Raga 34:6

Njesigənea̰ dəs no̰ Moyis’g pa gə ndia gə́ boi wəl pana: Njesigənea̰, Njesigənea̰, Ala gə́ njemeekoso lemsé ləm gə njekookəmtondoo ləm, yeḛ gə́ oŋg ḭ səa kalaŋ el ləma, meemaji gə kankəmta lé yeḛ nja to gə́ babeeje ya ləm tɔ,

Gosota-Kəmkàrje 16:20

Dəw gə́ ə̰ji ta maji dɔ né’g ɓa ra ndá Iŋga majee ləm, Yeḛ gə́ ɔm mée jəb-jəb dɔ Njesigənea̰’g ndá Rea lelee ləm tɔ.

Esai 18:4

Mbata Njesigənea̰ ulam ta togə́bè pana: Neḛ n’isi lɔm loo-si neḛ’g N’aa loo n’oo To gə́ loonṵga lə lookàr gə́ ndɔḭ wər-wər lé ləm, To gə́ mum gə́ tàl aree oso naḭ kinja kó’g lé ləm tɔ.

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Esai 33:2

Njesigənea̰, maji kari oo kəmtondoo lə sí ya kari! Jeḛ j’undaje meḛ sí yel gə́ dɔi’g. Maji kari la sə sí teḛ gə ndɔ gə ndɔje kára-kára lai ləm, Gə taa dɔ sí ndɔ néurti’g ləm tɔ.

Esai 33:5

Njesigənea̰ lé ur dɔ loo’g Mbata yeḛ si dɔ looje gə́ tar, Yeḛ ar néra gə́ danasur gə néra gə́ gə dɔ najee Taa loo pəl-pəl mee ɓee gə́ Sio̰.

Esai 40:31

Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Esai 42:14

Ləw ba m’pata el, M’isi dɔmṵdu, m’ɔg rɔm ra né, M’a ra né pénéné To gə́ dené gə́ si tur ndóo bèe ləm, M’a taa kəmə ta-ta ləma, M’a kəmə biriri-biriri ləm tɔ.

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 48:9

Mbɔl dɔ rim ɓa M’ya̰ ne goo oŋg ləm yɔgɔ, Gə mbata rɔnduba ləm ɓa M’ɔg ne rɔm dɔ sí’g Lal tuji sí ne pugudu gə no̰.

Esai 5:16

Rəwta gə́ gaŋg gə goo rəbee lé A riba dɔ boo lə Njesigənea̰ gə́ njeboo-néje ləm, Néreaje gə́ gə dɔ najee lé A riba dɔ meenda londoŋ lə Ala ləm tɔ.

Esai 55:8

Mbata takə̰jije ləm-ma lé D’asəna gə takə̰jije lə sí-seḭ el ləm, Rəw néraje lə sí-seḭ kara To d’asəna gə rəw néraje ləm-ma el ləm tɔ, Njesigənea̰ ɓa pa bèe.

Esai 57:16

Ma m’ndigi ndaŋg dee saar-saar el ləm, Esé ŋgəm oŋg ləm saar-saar gə no̰ el ləm tɔ Nà dəwje gə́ m’unda lé d’a kwəi.

Esai 61:8

Mbata ma Njesigənea̰ m’unda néra gə́ gə dɔ najee dan kəm’g Ndá m’ə̰ji ɓogo gə néra gə́ kori-kori bəḭ-bəḭ, M’a kar dee nékoga-dɔ-ji dee gə goo rəbee ləm, Ma jeḛ sə deeje j’a manrɔ sí kar na̰ Gə manrɔ gə́ to gə no̰ ləm tɔ.

Esai 64:4

I ɔr no̰ yeḛ gə́ ra né gə́ gə dɔ najee gə rɔlel ləm, Gə no̰ deḛ gə́ njaa gə kila-rəwje ləi, D’ar meḛ dee olé ne dɔi’g ləm tɔ. Nɛ məəi ḭ səi jugugu mbata jeḛ n’raje kaiya. Yee ɓa jeḛ j’isije ne dan némeeko̰’g kur sí əw Saar ɓa i ɔr sí danee’g ɓəi.

Esai 8:17

Ma m’unda məəm yel dɔ Njesigənea̰’g, yeḛ gə́ iya kəmee gə ŋgaka Jakobje lé, m’ɔm məəm dəa’g ya.

Jeremi 17:7

Ndutɔr nai gə yeḛ gə́ ɔm mée dɔ Njesigənea̰’g ləm, Gə́ Njesigənea̰ ɓa to nékunda-mee-yel dɔ’g ləa ləm tɔ.

Jeremi 42:7

Ndɔ dɔg goo’g ndá Njesigənea̰ ula Jeremi ta.

Loo gə́ killa rea kəm Daniel’g 12:12

Rɔlel a nai gə yeḛ gə́ a ŋgina pèrèrè teḛ ne mee ndəa gə́ tɔl-dɔg gə dəa gə́ tɔl-munda gə rɔ-munda-giree-mi (1.335) lé.

Ojee 1:7

Nɛ m’a kar məəm ti mbidi dɔ koso-dəwje gə́ Juda ya, ɓandaŋg, əsé kiambas, əsé nérɔ, əsé njérɔ gə kundaje ɓa m’a kaji dee ne el nɛ jim-ma Njesigənea̰, Ala lə dee ɓa m’a kaji dee ne ya.

Ojee 2:14

N’a tuji kag-nduúje ləa gə kag-kodéje ləa gə́ yeḛ pa ne pana: To né gə́ njéto sə neḛje d’ar neḛ Gə́ nékoga dɔ ji neḛ lé! N’a kar dee tel to kag-kɔr Kar daje gə́ wala d’a sɔ lai-lai tɔ.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Malasi 2:17

Tapa sí lé ar Njesigənea̰ dao ne, nɛ seḭ pajena: See seḭ areeje dao ne to gə́ ban wa. To loo gə́ seḭ pajena: Nana ɓa gə́ ra né gə́ majel lé yeḛ to dəw gə́ maji kəm Njesigənea̰’g, yeḛ nja ɓa mée lelee dəa’g. Esé see Ala gə́ njegaŋgta gə goo rəbee lé si ra wa.

Lugu 15:20

Yeḛ uba naŋg ḭ mba kaw ɓee lə bɔbeeje lé. Nɛ loo gə́ yeḛ nai əw ya ɓəi ndá bɔbeeje aa loo ée ŋga mee bɔbeeje tɔsee gə no̰ mbigi-mbigi aree aiŋgwɔd aw tée tub wá kaaree’g sud.

Lugu 2:25

Dəw kára si Jerusalem ria lə Simeo̰. Yeḛ to dəw gə́ njemeekarabasur ləm, gə njekwa Ala lé mée’g ləm tɔ. Yeḛ ŋgina né gə́ a kar meḛ Israɛlje to lɔm lé ləm, Ndilmeenda dəb dəa’g bigim ləm tɔ.

Néra Njékaḭkulaje 5:31

Ala lé unee gə jikɔlee undá tar aree to gə́ Mbai ləm, gə Njekaji dəwje ləm tɔ, gə mba kar Israɛlje d’wa ne ndòo rɔ dee dɔ kaiya’g lə dee kar mée ti ne mbidi dɔ’g.

Njé gə́ Rɔmə 5:20

Godndu Moyis lé ree gə mba kila kalta gə́ raga kɔd, nɛ loo gə́ kaiya kila rəa keneŋ ndá noji ɓa turu dəa pubug

Njé gə́ Rɔmə 9:22

Ɓó lé Ala ndigi tɔji oŋg ləa gə kar dee gər ne siŋgamoŋ ləa lé ɓa yeḛ ila ne mée dɔ bai-oŋg’d ləa dɔ joje gə́ tuji wɔji dee lé

Njé gə́ Epesə 1:6

Maji kar noji gə́ yeḛ wa sə sí gin yeḛ gə́ to ŋgonkəmee lé a nduba ne rəa gə́ raga kar dee pidee ne.

Njé gə́ Epesə 1:8

gə́ Ala ɔm ne dɔ sí’g yɔl-yɔl gə goo kəmkàr gə gosonégər ɓəd-ɓəd gə́ yeḛ ar sí lé.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Maktub gə́ Jak ula ne ar ngan-Allaje 5:11

Aa ooje, jeḛ m’pana: Deḛ gə́ d’ai meḛ dee sam-sam dan némeeko̰’g lé a maji dɔ dee’g. Seḭ ooje ta meekai sam-sam lə Jɔb ləm, tɔɓəi seḭ ooje né gə́ Mbaidɔmbaije aree ndɔ gə́ rudee un’g lé ləm tɔ mbata Mbaidɔmbaije lé koo kəmtondoo gə meekɔrjol taa rəa pəl-pəl ya.

2 Piɛrə 3:15

Maji kar sí gərje gao, boo-meekila lə Mbaidɔmbaije lé tel to kaji lə sí ya, to gə́ ŋgoko̰ sí gə́ Pool gə́ jeḛ j’undá dan kəm sí’g lé yeḛ kara ndaŋg taree ar sí gə goo kəmkàr gə́ Ala aree lé tɔ.

2 Piɛrə 3:9

Mbaidɔmbaije lé to njekuba goo ndukun ləa kyá̰ el. Njé gə́ na̰je ɓa la̰ji meḛ dee’g pana: Yeḛ uba yá̰ gə́ kyá̰ ŋga nɛ yeḛ ila mée dɔ sí’g po̰ mbata yeḛ ndigi kar dəw kára kara tuji el, nɛ yeḛ ndigi kar sí-seḭ lai unje kəm sí dɔ kaiya’g lə sí rəw ya.

1 Samel 2:3

Paje ta beelé bèe el ləm, Maji kar ta kəsta teḛ ta sí’g el ləm tɔ Mbata Njesigənea̰ to Ala Gə́ njegər néje lai ləm, Yeḛ nja wɔji kwɔi lə néra dəwje lai ləm tɔ.