Esai 30:17 - Maktub gə́ To gə Kəmee

¹⁷ Dəwje tɔl-dɔg (1.000) d’a kaḭ no̰ dəw kára ba gə́ ndaŋg dee ləm, Ndu ndaŋg lə dəwje gə́ mi ba lé Seḭ a kaḭje ne ləm tɔ Saar mba kar sí naije Asəna gə nétɔji bèe dɔ sém mbal’g ləm, Asəna gə nétɔji gə́ to dɔdərloo’g bèe ləm tɔ.

Esai 30:17 ပူးပေါင်းရင်းမြစ်များ

Gosota-Kəmkàrje 28:1

Njemeeyèr mbudu ŋgwɔd aḭ al kar dəw kore gée ləm, Njemeekarabasur ndá mée kaḭ to gə́ kura toboḭ bèe ləm tɔ.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Esai 6:13

Ɓó lé ges njéɓeeje gə́ kudu dɔg nai loo kára Ndá d’a tel tuji pugudu. Nɛ to gə́ tuga ne kag-terebḭtə gə kag-sɛnə D’ar dɔ jigi dee nai lé Ginka gə́ to gə kəmee kara A kḭ gin koso-dəwje’g neelé tɔ.

Jeremi 37:10

Lée seḭ dumje dɔ njérɔje gə́ Kalde gə́ d’aw rɔ sə sí lé lai arje dəwje gə́ d’iŋga doo ya ɓa nai kara deḛ lai lé nana kara a kunda loo mee kəi-surum’g ləa teḛ roo ɓee-boo neelé dula-dula ya.

Nɔ̰-ndôo gə́ wɔji dɔ Jerusalem 4:19

Njékula kəm sí ndooje lé Rɔ dee wɔilɔ pélé-pélé unda niŋgatə̰dəje Gə́ d’aw pə̰ dara’g bèe, Deḛ korə sí dɔ mbalje’g ləm, Deḛ d’um sí dɔdilaloo’g ləm tɔ.

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Ləbije 26:36

Deḛ gə́ mbuna sí’d gə́ d’a si kəmba mee ɓee’g lə njéba̰je lə dee lé m’a kar meḛ dee təd mán, kaa kamje gə́ lel ula ne lé a ɓar goo dee’g kar dee d’aḭ, tɔɓəi d’a kaḭ ne gə́ kaḭ to gə́ dəw aḭ ne no̰ kiambas’g bèe ləm, lé dəw tuba dee el kara d’a toso kwəi ləm tɔ.

Ləbije 26:8

Dəwje mi mbuna sí’g d’a korə njéba̰je lə sí gə́ tɔl ləm, deḛ gə́ tɔl mbuna sí’g d’a tuba deḛ gə́ tɔl-dɔg-loo-dɔg ləm tɔ ndá njéba̰je lə sí d’a kwəi yoo-kiambas no̰ sí’g ya.

Amɔs 2:14

Dəw gə́ njerɔkwɔilɔ lé a kaskəm kaḭ el ləm, Dəw gə́ njesḭga lé a kaskəm ra né gə siŋgá el ləma, Yeḛ gə́ to bao-rɔ kara a kaji rəa el ləm tɔ.

Soponi 3:12

N’a kya̰ koso-dəwje gə́ d’ula dɔ dee ləm, Gə njénékəmndooje ləm tɔ mbuna sí’g, Deḛ gə́ d’a saŋg njo̰loo kula dɔ lə dee gin ri Njesigənea̰’g lé.

Njé gə́ Rɔmə 11:17

Kag-koiyo lé ɓó lé deḛ tuga barkəmeeje gə́ na̰je nɛ i gə́ to gə́ koiyo gə́ mee kɔr’g lé deḛ d’ḭjai ree kɔdé kəm kagɓee d’ulai tor barkəmeeje gə́ tuga lé mba kari orè na̰ gə kagɓee dɔ ŋgira’g ləm, gə dɔ bodee’g ləm tɔ

Tel tura Godndu 28:25

Njesigənea̰ a kar njéba̰je lə sí dum sí, seḭ a teḛje kawje gə mba rɔje sə dee gə rəw gə́ kára ba ndá seḭ a kaḭje no̰ dee’g gə rəwje siri, tɔɓəi seḭ a toje né rɔkul gə́ boo lə ɓeeko̰je lai gə́ dɔ naŋg nee.

Tel tura Godndu 32:30

Ɓó lé yeḛ gə́ to mbal lə dee Uba dee ya̰ dee el ləm, Ɓó lé Njesigənea̰ ya̰ dee ji dee’g el ləm tɔ ndá, See dəw kára ba a tuba goo dəwje gə́ tɔl-dɔg (1.000) to gə́ ban wa, Esé see dəwje joo ba d’a kar dəwje gə́ tɔl-dɔg-loo-dɔg (10.000) d’aḭ to gə́ ban wa.

Jujé 23:10

Dəw kára ba mbuna sí’g tuba dəwje gə́ tɔl-dɔg (1.000) ar dee d’aḭ nea̰’g, mbata Njesigənea̰, Ala lə sí rɔ gə mbata lə sí to gə́ yeḛ pa ne taree ar sí lé tɔ.