Esai 30:13 - Maktub gə́ To gə Kəmee

¹³ Néra kori-kori neelé a kwɔji dɔ sí Asəna gə ndògo-bɔrɔ gə́ ŋgal gə́ ta̰ kédé ɓa aree təd ɓəi Aree teḛ gə́ raga təd kalaŋ gə́ léegəneeya:

Esai 30:13 ပူးပေါင်းရင်းမြစ်များ

1 Mbaije 20:30

Ges deeje d’aḭ d’aw mee ɓee-boo gə́ Apek ndá ndògo-bɔrɔ təd unda dee-deḛ dəwje gə́ tɔl-dɔg-loo rɔ-jo-gir-dee-siri (27.000) gə́ naḭ lé tɔl dee. Ben-Adad aḭ iya rəa mee ɓee-boo’g ndá yeḛ lɔm rəa gə mee kəi-kəi.

Maktub gə́ wɔji dɔ Jɔb 36:18

Maji kar meekḭ jugugu ndɔri aw səi əw el ləm, Maji kar nébaoje ləi gə́ yaa̰ gə́ tuji lé ari taa rəw gə́ raŋg el ləm tɔ.

Pakɔsje 62:3

Oiyo, yeḛ lé to biri mbal ləm Gə njegin kaji ləm ya ləm tɔ. Yeḛ to njo̰loo-kula-dɔ ləm gə́ to tar sab, Bèe ɓa né a yə ne ŋgiram yaa̰ el.

Pakɔsje 62:4

See ndɔ gə́ ra ɓa seḭ a kəwje kḭ kɔmje na̰ dɔ dəw’g lé wa. See ndɔ gə́ ra ɓa seḭ lai a kəwje kḭ saŋgje loo mbata kṵdáje Kareje to asəna gə ndògo-bɔrɔ gə́ to podé lé Esé asəna gə ŋgalaŋ gə́ unda naŋg bèe lé wa.

Gosota-Kəmkàrje 29:1

Dəw gə́ kəm kar dee ndaŋgee nɛ yeḛ uba gwɔbkelkwɔi lé A təd njigi-njigi gə́ léegəneeya kar loo gɔlee a godo.

Gosota-Kəmkàrje 6:15

Gelee gə́ nee ɓa tuji ləa a teḛ dəa’g wai, Rea a təd njigi-njigi gə́ léegəneeya, Lal né gə́ a kajee.

Esai 22:14

Njesigənea̰ gə́ njeboo-néje riba dɔ ta nee Am m’oo pana: Tɔgərɔ ya, néra majel lə sí neelé Mee neḛ a koso lemsé dɔ’g el Saar a kwəije ne! Njesigənea̰ gə́ njeboo-néje ɓa pa bèe.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 29:5

Njéba̰je ləi gə́ bula digi-digi lé D’a to kasəna gə nduji naŋg ləm, Njérɔje nee gə́ bula digi-digi lé kara D’a to tana gə tisa kó gə́ lel ula ne bèe ləm tɔ. Ndá léegəneeya! asəna gə né gə́ teḛ wai bèe,

Esai 30:26

Ndogó lə naḭ a tel to to gə́ ka̰ kàr bèe ləm, Kɔs lə kàr lé siŋgá a kur dɔ kɔs’g ləa gə́ ndɔ kára as gɔl siri ləm tɔ Loo gə́ Njesigənea̰ a tɔ ta doo lə koso-dəwje ləa Kar ta dooje gə́ d’iŋga loo gə́ yeḛ kunda dee lé ər kəmsə.

Esai 47:11

Meeko̰ a koso dɔ sí’g Lal kar sí gərje loo gə́ ḭ keneŋ, Tuji-boo a koso dɔ sí’g Kar né gə́ a kar sí teḛje ta’g godo, Nétujije d’a ɓugu na̰ dɔ sí’d gə́ léegəneeya Lal kar sí ooje rəbee.

Esai 48:3

Ta néje gə́ d’a gə ree lé Ma m’pa taree ləw-ləw ba, Taree teḛ tam’g ndá Ma m’ila mberee to: Léegəneeya m’ra né ndá Néje lé d’aw lée’g béréré ya.

Esai 58:12

Njé’g ləi d’a kunda kəi Dɔ gineje gə́ ləw gə́ tuji’g ləm, I a gɔl gineje gə́ ləw karee ḭtar gogo ləm tɔ. D’a ɓari njegɔl kəm ndògo-bɔrɔje gə́ ta̰ ləm, Gə yeḛ gə́ njegɔl rəwje ləma, Gə yeḛ gə́ gɔl ɓee ar dəwje D’isi keneŋ ləm tɔ.

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Matiyo 7:27

Ndi ər ɓai-ɓai ar manee ula kəŋgəŋ-kəŋgəŋ gin kəi’g ləm, lel ula mbḭ-mbḭ dɔ kəi’g aree oso naŋg rəb ləm tɔ. Koso gə́ yee oso neelé to ɓəl yaa̰.

Lugu 6:49

Nɛ yeḛ gə́ oo tapam ɓa ra née el ndá yeḛ to asəna kára ba gə dəw gə́ unda kəi ləa dɔ naŋg’d lal kuru bwa ɓa tum ne ginee. Loo gə́ mán bélm aw ula unda kaar kəi pəji-pəji ndá léegəneeya kəi lé təd kuyum oso naŋg tɔ ndá tuji gə́ oso dɔ kəi’g neelé to tuji gə́ boo ya.