Esai 30:10 - Maktub gə́ To gə Kəmee

¹⁰ Deḛ d’ula njénékooje pana: Maji kar sí toje njénékooje el! Tɔɓəi d’ula njéteggintaje pana: Tegje gintaje gə́ tɔgərɔ ar síje el tɔ. Nɛ taje gə́ ka̰ su kəm loo ɓa ula síje ləm, Tegje gintaje gə́ rii ar síje ləm tɔ!

Esai 30:10 ပူးပေါင်းရင်းမြစ်များ

1 Mbaije 21:20

Akab dəji Eli pana: I gə́ to njeba̰ ləm lé ɓogənè iŋgam ŋga ta! Ndá yeḛ tel ilá keneŋ pana: Ma m’iŋgai ya mba̰ mbata i un rɔi ndogo gə mba ra ne né gə́ majel kəm Njesigənea̰’g.

1 Mbaije 22:27

Bèe ɓa Mise ilá keneŋ pana: Ɓó lé i tel ree gə meekulɔm ya ndá Njesigənea̰ pata gə ndum el. Yeḛ ila ta keneŋ tɔɓəi pana: Seḭ koso-dəwje lai, maji kar sí ooje ya!

2 Sôrta Gḭka Israɛlje 16:10

Mee Asa ḭ səa pu dɔ njekoota-mee-Ala’g ndá yeḛ wá ilá daŋgai’g mbata mée ea̰ dəa’g. Tɔɓəi mee ndəaje gən ya Asa ula kəm dəwje gə́ na̰je ndòo yaa̰ tɔ.

2 Sôrta Gḭka Israɛlje 25:16

Loo gə́ yeḛ aar pata bèe ɓəi ndá Amasia ulá pana: See jeḛ j’undai gə́ njekwɔji-takəmkar lə mbai wa. Ɔd tam’g! See gelee ban ɓa i ndigi kar dee tɔli wa. Njetegginta lé ɔd təa’g ndá pana: Ma m’gər gao Ala wɔji-kwɔji tujii mbata né gə́ i ra neelé ləm, mbata i ndigi koo takwɔji-kəmkàr ləm el ləm tɔ.

Maktub gə́ wɔji dɔ Jɔb 41:3

See na̰ ɓa un né am unda ne ɓaŋg dɔm’g mba kam m’uga wa. Néje lai gə́ to gin dara’g lé to kama ya.

Esai 28:15

Seḭ pajena: Jeḛ manje rɔ sí j’ar yoo ləm, Jeḛ j’ɔmje ta lə sí na̰’d gə ɓee lə njé gə́ d’wəi ləm tɔ, Loo gə́ néyoo gə́ a kun loo lad-lad a dəs Ndá a teḛ dɔ sí’g el, Mbata taŋgɔmje ɓa gə́ njo̰loo-kula-dɔ lə sí ləm, Néra gə́ gə goo rəbee el ɓa gə́ né gə́ o̰ dɔ sí ləm tɔ.

Esai 29:10

Mbata Njesigənea̰ ɔm ndil gə́ tɔl sí gə ɓi pərəg dɔ sí’g Yeḛ libi kəm sí. (Rɔta kəm sí neelé wɔji dɔ njéteggintaje.) Yeḛ kə́ dɔ sí gə né. (Rɔta dɔ sí neelé wɔji dɔ njénékooje.)

Esai 5:20

Meeko̰ a koso dɔ deḛ gə́ ɓar né Gə́ majel gə́ né gə́ maji ləm, Gə ɓar né gə́ maji gə́ né gə́ majel ləm, Deḛ gə́ d’oo lookàr gə́ loondul ləm, D’oo loondul gə́ lookàr ləm, Deḛ gə́ d’oo né gə́ adə gə́ né gə́ kul ləma, D’oo né gə́ kul gə́ né gə́ adə ləm tɔ.

Jeremi 11:21

Gelee gə́ nee ɓa Njesigənea̰ pata koma̰ ne dəwje gə́ Anatot gə́ saŋg loo tɔlm gə́ d’ulam pana: Maji kam m’tegginta gə ri Njesigənea̰ el nà n’a tɔlmje lé!

Jeremi 23:17

Deḛ d’ula njékḛji neḛ bəḭ-bəḭje pana: Njesigənea̰ pana: Seḭ a kiŋgaje meelɔm, Tɔɓəi deḛ d’ula Njé njaa gə goo takə̰ji gə́ meḛ dee’gje pana: Némajel kára kara a teḛ dɔ sí’g el.

Jeremi 26:11

Yen ŋga njékinjanéməsje gə njéteggintaje pata togə́bè d’ar ŋgan-mbaije gə koso-dəwje lai pana: Dəw neelé kəm karee wəi ya, mbata yeḛ tegginta ila dɔ ɓee-boo’g neelé to gə́ seḭ ooje gə mbi sí lé ya.

Jeremi 29:27

Ɓasinè, see gə mba ɗi ɓa Jeremi, dəw gə́ Anatot gə́ tegginta mbuna sí’g lé i ndaŋgee wa.

Jeremi 36:29

M’a pata kwɔji ne dɔ Jojakim, mbai gə́ Juda lé pana: Njesigənea̰ pa togə́bè pana: I roo maktub neelé pa ne pana: See ban ɓa m’ndaŋg taje neelé keneŋ pana: Mbai gə́ Babilɔn a ree tuji ɓee neelé pugudu ləm, a kar dəwje gə daje godo keneŋ mbad-mbad ləm tɔ wa.

Jeremi 38:4

Bèe ɓa ŋgan-mbaije d’ula mbai pana: Dəw neelé kəm karee wəi mbata yeḛ ila mber togə́bè ar meḛ dəwje gə́ njérɔje gə́ nai mee ɓee-boo’g neelé ləm, gə koso-dəwje lai ləm tɔ ila kas bilim. Dəw neelé saŋg maji lə koso-dəwje el nɛ meeko̰ lə dee ɓa.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Amɔs 2:12

Nɛ seḭ lé seḭ arje deḛ gə́ saŋg rɔ dee D’unda rɔ dee gə kəmee lé D’ai mán-nduú gə́ mi ləm, Seḭ unje ndu sí arje njéteggintaje pajena: Seḭ a tegje ginta el ləm tɔ!

Amɔs 7:13

Nɛ maji kari tegginta Betel el ŋga mbata to kəi gə́ to gə kəmee lə mbai ləm, to kəi-mbai lə mbai ləm tɔ.

Misee 2:11

Ɓó lé dəw aiŋgwɔd goo lel’g ləm, Un kudu pa taŋgɔmje ləm tɔ pana: Neḛ ndigi tegginta gə́ wɔji dɔ mán-nduú ləm, Gə nékaije gə́ mḭ yaa̰ ləm tɔ! Ndá koso-dəwje d’a koo debee neelé gə́ njetegginta ya.

Misee 2:6

Deḛ pana: A tegginta el. Maji kam m’tegginta mwɔji ne dɔ néje gə́ bèe lé el! Ta rɔkul gə́ m’pa lé a teḛ dɔ neḛje’g el!

Tagə́maji gə́ Ja̰ ndang 7:7

Njé gə́ dɔ naŋg nee d’ə̰ji sí bəḭ-bəḭ el, nɛ ma lé deḛ d’ə̰jim mbata ma lé m’to gə́ njekɔrgoo néra gə́ majel lə dee gə́ deḛ ra lé gə́ raga.

Tagə́maji gə́ Ja̰ ndang 8:45

Ma lé kankəmta gə́ m’ula sí ɓa seḭ ɔmje ne meḛ sí dɔm’g el gə mbəa.

Néra Njékaḭkulaje 4:17

Nɛ mba kar néra dee lé nea̰ oso gə loo mbidi-mbidi mbuna koso-dəwje’g el ndá maji kar sí j’ɔg dee rədədə kar dee pata gə ri dəw neelé d’ar nana kara gogo el ŋga.

Néra Njékaḭkulaje 5:28

See kédé lé j’ɔg sí dɔ ndoo dəwje ta gə ri dəw neelé rədədə el wa. Aa ooje, ta lə sí gə́ seḭ ndooje dəwje lé taa Jerusalem pəl-pəl. See seḭ raje togə́bè mba kar ta məs dəw neelé wa dɔ síjeḛ nja ŋga wa.

Njé gə́ Rɔmə 16:18

Mbata dəwje neelé ra kula gə́ wɔji dɔ meḛ dee-deḛ ɓó deḛ ra kula gə mba kar Mbaidɔmbaije lə sí lé el. Ta gə́ rii ləm gə ta lèbè ne kəm dəwje ləm tɔ ɓa deḛ pəl ne meḛ njémeekwɔilɔje.

Njé gə́ Galati 4:16

Kankəmta gə́ ma m’ula sí lé see yee ɓa m’tel m’to ne njeba̰ lə sí wa.

2 Timote 4:3

Mbata ndəa gə́ kàree a gə teḛ lé dəwje d’a taa ta ndoo gə́ gəd lé el. Nɛ mbi dee a ndo̰ dee səgə-səgə mba koo ne ta gə́ rii ndá d’a mbo̰ ne njéndoo dee néje gə́ d’a bula yaa̰ dɔ dee’g to gə́ meḛ dee-deḛ nja wɔji.

2 Timote 4:4

D’a kun mbi dee rəw dɔ kankəmta’g, nɛ d’a kur mbi dee njor gə́ dɔ sutaje’g.

Loo gə́ killa rea kəm Ja̰’g 11:7

Loo gə́ d’a tɔl ŋgaŋ kɔr goo ta lə dee bém mba̰ ndá da gə́ ḭ mee bwa-wəl gə́ ɔr duu’g lé a rɔ sə dee ləm, a dum dee ləma, a tɔl dee ləm tɔ.

1 Samel 9:9

Kédé gə́ ləw mee ɓee gə́ Israɛl lé loo gə́ dəw a gə kaw dəji Ala ta ndá deḛ pana: Reeje ar sí j’awje rɔ njenékoo’g! Mbata dəw gə́ ɓaree njetegginta ɓogənè lé kédé deḛ ɓaree njenékoo ya.