Esai 30:1 - Maktub gə́ To gə Kəmee

¹ Njesigənea̰ pana: Meeko̰ a koso dɔ ŋgan njékaltaje’g Gə́ d’wɔji-kwɔji ra né lal meḛdigi ləm ləm, Gə d’ɔm na̰’d lal ndukun ləm ləm tɔ Gə mba kar kaiya ḭ ne dɔ maree’d gə́ kédé-kédé!

Esai 30:1 ပူးပေါင်းရင်းမြစ်များ

2 Mbaije 18:21

Aa oo, i ɔm məəi dɔ Ejiptə’g, i gəd rɔi dɔ twatɔg nee gə́ təd gə́ ɔs ji nana ɓa gə́ njegəd rəa dɔ’g mbudu lé. Parao̰, mbai gə́ Ejiptə lé to togə́bè mbata dəwje lai gə́ d’ɔm meḛ dee dəa’g lé.

2 Mbaije 18:24

See i a ra to gə́ ban ɓa i a kɔs ne ɓé-njérɔje gə́ kára mbuna kuraje’g lə ɓémje gə́ lam ba nee ŋgərəŋ wa. I ɔm məəi dɔ Ejiptə’g gə mba kiŋga ne pusu-rɔje gə njérɔ gə kundaje ɓa.

Pakɔsje 61:4

Mbata i lé to njo̰loo-kula-dɔ ləm ya ləm, Gə kəi-kaar-kɔgərɔ gə́ duu dɔ loo no̰ njéba̰je’g ləm ya ləm tɔ.

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Esai 1:5

Loo gə́ kɔs ta rəw lə sí ḭ dɔ maree’d gə́ kédé-kédé lé See bo̰ néra sí gə́ sigi Gə́ ra ɓa kəm karee ɔs ta sí’g wa. Rɔko̰ ta dɔ sí bura pəl-pəl ləm, Meḛ sí bura kara tila ŋgaḭla-ŋgaḭla ləm tɔ.

Esai 28:15

Seḭ pajena: Jeḛ manje rɔ sí j’ar yoo ləm, Jeḛ j’ɔmje ta lə sí na̰’d gə ɓee lə njé gə́ d’wəi ləm tɔ, Loo gə́ néyoo gə́ a kun loo lad-lad a dəs Ndá a teḛ dɔ sí’g el, Mbata taŋgɔmje ɓa gə́ njo̰loo-kula-dɔ lə sí ləm, Néra gə́ gə goo rəbee el ɓa gə́ né gə́ o̰ dɔ sí ləm tɔ.

Esai 28:20

Tira a gwɔji ɗugusu ba as ndɔji rɔ keneŋ el ləm, Pal-kubu kila dɔ’g kara a pèrèrè ba as kə́ ne rɔ el ləm tɔ.

Esai 29:15

Meeko̰ a koso dɔ deḛ Gə́ d’iya néje gə́ d’wɔji-kwɔji ra lé Mba kar Njesigənea̰ oo el, Néra deeje lé deḛ ra loondul’g Ndá deḛ pana: See na̰ ɓa oo neḛje wa. See na̰ ɓa gər neḛje wa.

Esai 30:9

Mbata to koso-dəwje gə́ njékaltaje ləm, Deḛ to ŋganje gə́ njépa taŋgɔmje ləma, Deḛ to ŋganje gə́ ndigi koo godndu Njesigənea̰ lé el ləm tɔ.

Esai 31:1

Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Esai 32:2

Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Esai 4:5

Ndá mee looje lai gə́ dɔ mbal gə́ Sio̰ ləm, Gə loo-mbo̰-dɔ-na̰je lə koso-dəwje ləm tɔ lé Njesigənea̰ a kar mum gə́ to asəna gə sa pər bèe oso dan kàrá ləm, A kar pər gə́ ndəa̰ teḛ bilim-bilim Ndogó ɔr jol-jol loondul’g ləm tɔ, Mbata nérɔnduba gə́ rara kara né a ko̰ dəa mbèd ya.

Esai 5:18

Meeko̰ a koso dɔ deḛ gə́ Ndɔr néra gə́ kori-korije goo dee’g gə kulaje gə́ ŋgɔm ləm, Gə deḛ gə́ ndɔr kaiya goo dee’g To gə́ ndɔr ne pusu-kodo-né gə kúla bèe ləm tɔ.

Esai 63:10

Nɛ deḛ to njékɔsta-rəwje ləm, Deḛ d’ula kəm ndilee gə́ to gə kəmee ndòo ləm tɔ. Yeḛ tel to ne njeba̰ lə dee ləm, Yeḛ rɔ ne sə dee ləm tɔ.

Esai 65:2

M’duu jim gə ndɔje kára-kára lai Par gə́ rɔ koso-dəwje gə́ njékɔsta-rəwje’g Gə́ njaa rəw gə́ majel’g Gə goo takə̰jije lə dee ləm,

Esai 8:11

Yee ɓa Njesigənea̰ ulam ta nee togə́bè loo gə́ yeḛ wam gə jia ŋgəji ləm, yeḛ ndəjim ne bər-bər gə mba kam njaa rəw-kaw koso-dəwje’g neelé el ləm tɔ pana:

Esai 8:12

Taje lai gə́ koso-dəwje neelé ɓaree ko̰-njuma̰ lé Maji kar sí ɓareeje ko̰-njuma̰ el ləm, Né gə́ deḛ ɓəlee lé maji kar sí ɓəleeje Ndəbje nea̰’g pəd-pəd el ləm tɔ.

Esai 8:19

Ɓó lé d’ula sí pana: Aw dəjije deḛ gə́ njéɓar ndil dəwje gə́ d’wəi ləm, gə njéndo̰-ərje ləm, gə njétel ndu dee pa ne taje ləma, gə njéto̰ gə taje ləm tɔ ndá seḭ a tel kila deeje keneŋ pajena: See koso-dəwje lé d’a dəji Ala lə dee ɓa ta el wa. See d’a dəji dəwje gə́ d’wəi ɓa kar dee pata maji lə njé gə́ d’isi kəmba wa.

Jeremi 17:5

Njesigənea̰ pa togə́bè pana: Ndɔl wa dɔ dəw gə́ ɔm mée dɔ dəw maree’g ləm, Gə oo dəw ɓa gə́ négəd-rɔ ləa ləma, Gə ar mée tel ne gir gə Njesigənea̰ ləm tɔ.

Jeremi 2:18

Ɓasinè lé see ɗi ɓa seḭ a raje Mba kaw ne Ejiptə Kaw kai ne mán baa gə́ ria lə Nil lé wa. See ɗi ɓa seḭ a raje mba kaw ne Asiri Kaw kai ne mán baa gə́ ria lə Epratə lé wa.

Jeremi 37:7

Njesigənea̰, Ala lə Israɛlje pa togə́bè pana: Seḭ a kulaje mbai gə́ Juda gə́ ula sí ar sí reeje rɔm’g lé pajena: Aa ooje, njérɔje lə Parao̰ gə́ d’aw ree gə mba la sə sí lé d’ɔs tel d’aw ɓee lə dee Ejiptə gogo.

Jeremi 4:17

Deḛ d’aḭ dɔ Jerusalem sub To gə́ deḛ gə́ njéŋgəmndɔje D’aḭ ne dɔ ndɔ sub bèe, Mbata to ma ɓa d’ḭ d’ɔsm rəw, Njesigənea̰ ɓa pa bèe.

Jeremi 42:19

Njesigənea̰ ula sí pana: Seḭ ges Judaje gə́ nai lé awje Ejiptə el. Maji kar sí gərje gao to gə́ ma m’ɔg sí dɔ’g ɓogənè ya.

Jeremi 5:23

Dəwje neelé to gə́ mbim-oo-ta-elje ləm, Gə njékɔsta-rəwje ləm tɔ, Deḛ mbad koo ta ləm, D’ɔd par-par d’aw ləm tɔ.

Ejekel 11:2

Njesigənea̰ ulam pana: Ma ŋgon-dəw lé dəwje neelé to njéla̰ji tor néraje gə́ kori-kori meḛ deeje’g ləm, gə njékula taje gə́ majel meḛ dəwje gə́ mee ɓee-boo’g neelé ləm tɔ.

Ejekel 2:3

Yeḛ ulam pana: Ma ŋgon-dəw lé neḛ n’ulam gə́ rɔ Israɛlje’g, rɔ koso-dəwje nee gə́ to njékɔsta-rəwje gə́ d’ḭ d’ɔs ta lə neḛ rəw lé, deḛ ləm, gə bɔ deeje-je ləm tɔ lé ra kaiya d’ɔs ne ta lə neḛ rəw saar teḛ ne ndɔ gə́ j’aar keneŋ ɓogənè ya.

Ejekel 24:3

Maji kari un gosota pa ar gel-bɔje gə́ to njékɔsta-rəwje lé ula dee ne pana: Mbaidɔmbaije gə́ Njesigənea̰ pa togə́bè pana: Wa dɔ gɔl jo-lar unda dɔ pər’d Ɔm mán keneŋ.

Ejekel 29:16

Ɓeeko̰ neelé a to nékunda-mee-yel lə gel-bɔje lə Israɛl el ŋga, yee a kar meḛ dee olé dɔ néra kori-korije’g lə dee loo gə́ deḛ tel kəm dee gə́ rɔ Ejiptəje’g. Bèe ɓa d’a gər to gə́ neḛ n’to Mbaidɔmbaije gə́ Njesigənea̰ ya.

Ejekel 3:9

N’a kar ŋgo nɔm kədərə to gə́ jər gə́ ɓaree diama̰ bèe ləm, kədərə unda kɔr mbal ləm tɔ. Lée deḛ to gel-bɔje gə́ njékɔsta-rəwje ya kara maji kam m’ɓəl dee el.

Ojee 11:6

Gelee gə́ nee ɓa rɔ a tuji ne ɓee-booje lə dee ləm, A tuji loo gə́ deḛ gəd rɔ dee dɔ’g pugudu ləm tɔ Mbata némajelje lə dee gə́ deḛ d’wɔji-kwɔji ra lé.

Ojee 13:2

Ɓasinè lé d’aar njaŋg dɔ kaiya ra dee’g ləm, Deḛ léḛ larnda lə dee gə́ néndajije Ar dee to magəje lə dee gə goo takə̰jije lə dee ləm tɔ. Néje lai neelé to kula ra njégər goso kulaje. Dəwje pata d’wɔji ne dɔ dee pana: Maji kar deḛ gə́ d’inja néməs d’ar dee lé Ton néndaji ŋgan maŋgje gə ndo̰ dee.

Ojee 7:13

Meeko̰ a koso dɔ dee’g Mbata deḛ d’aḭ’m! Tuji a koso dɔ dee’g Mbata deḛ d’ila ŋgonkoji dɔm’g el! Ma m’ndiŋga rɔm mba kaji dee ya, Nɛ deḛ pata ŋgɔmje ɓa dɔm’g d’ɔsm ne rəw.

Jakari 4:6

Tɔɓəi yeḛ tel ilam’g pana: Yee neelé to ta gə́ Njesigənea̰ ula Jorobabel pana: To gə goo né gə́ wɔji dɔ siŋgamoŋ lə njérɔje gə́ d’aw rɔ ne el ləm, Esé gə goo siŋgamoŋ lə dəw el ləm tɔ, Nɛ gə goo Ndil neḛ-neḛ nja kára ba, Njesigənea̰ gə́ njeboo-néje lé ɓa pa bèe.

Bula lə Israɛlje 32:14

Aa ooje, seḭ taaje tor bɔ síje asəna gə kó dəwje gə́ njékaiyaje gə mba kar oŋg lə Njesigənea̰ ḭ ne dɔ maree’d gə́ kédé-kédé dɔ Israɛlje’g ya tɔɓəi.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

Tel tura Godndu 29:19

Njesigənea̰ a ndigi səa mba kar mée oso lemsé dəa’g el. Nɛ oŋg gə kəmkəḭ lə Njesigənea̰ a kḭ səa pu dɔ diŋgam’g neelé kar ndɔlje lai gə́ ndaŋg taree mee maktub’g neelé a nai dəa’g ləm, Njesigənea̰ a tuji ria gin dara’g ləm tɔ.

Tel tura Godndu 9:24

Seḭ toje njékɔsta lə Njesigənea̰ rəwje un kudee mee ndəa gə́ ma m’gər sí ne lé ya.

Tel tura Godndu 9:7

Arje meḛ sí olé dɔ né gə́ seḭ raje ɔsje ne oŋg lə Ala lə sí gə́ Njesigənea̰ ilaje dɔ sí’g dɔdilaloo’g lé arje meḛ sí wəi dɔ’g el. Un kudee mee ndəa gə́ seḭ undaje ne loo mee ɓee gə́ Ejiptə teḛje ne loo gə́ nee’g lé seḭ toje njékaltaje ɔsje ne Njesigənea̰ rəw ya.

2 Timote 3:13

Nɛ dəwje gə́ njémeeyèrje ləm, gə njékəstaje ləm tɔ lé néra dee gə́ majel a kal dɔ loo gə́ kédé-kédé. D’a sula ne mar deeje kar dee ndəm ne ləm, darɔ dee-deḛ nja kara d’a kigi ne pá ləm tɔ.

Jujé 9:14

Koso-dəwje gə́ Israɛl lé taa ges nésɔje lə dee nɛ deḛ dəji Njesigənea̰ ta né gə́ kəm ra sə dee el.