Esai 3:8 - Maktub gə́ To gə Kəmee

⁸ Njé gə́ Jerusalem ləŋg ləm, Njé gə́ Juda kara d’unda naŋg rəb ləm tɔ Mbata tapa dee gə néra dee ɔs ta lə Njesigənea̰ rəw ləm Deḛ d’ɔs boo-ronduba ləa rəw ləm tɔ.

Esai 3:8 ပူးပေါင်းရင်းမြစ်များ

2 Sôrta Gḭka Israɛlje 28:18

Pilistije d’ur mee ɓee-booje gə́ to mee ndag-loo gə́ wɔji dɔ dɔkɔl lə Juda ndá deḛ taa Bet-Semes, gə Ajalo̰, gə Gederot, gə Soko gə ɓee-kogoje ləa, gə Timna gə ɓee-kogoje ləa, gə Gimjo gə ɓee-kogoje ləa ndá deḛ d’isi keneŋ tɔ.

2 Sôrta Gḭka Israɛlje 33:11

Yen ŋga Njesigənea̰ ar ɓé-njérɔje gə́ Asiri ree d’wa Manasə teá gə kúla lar, deḛ teá gə kúla larkas njim-njim d’aw səa Babilɔn tɔ.

Gosota-Kəmkàrje 26:27

Yeḛ gə́ uru bwa ndá Yeḛ nja a koso keneŋ ləm, Yeḛ gə́ nduburu mbal ndá Mbal lé a tel koso dəa-yeḛ’g ya tɔ.

Esai 1:7

Ɓee lə sí to nduba ləm, Pər roo ɓee-booje lə sí ləm, Dəw-dɔ-ɓeeje tuji ndɔje lə sí, Kəm sí’g ya pugudu-pugudu ləma, Deḛ d’undá naŋg rə̰dəŋ-rə̰dəŋ Gə tuji pugudu-pugudu To gə́ dəw-mee-kɔrje bèe ləm tɔ.

Esai 49:19

Mee looje lə sí gə́ tuji d’wa ŋgɔ njag-njag ləm, Mee ɓee lə sí gə́ tuji pugudu-pugudu ləm tɔ lé Njé’g lə sí gə́ d’isi keneŋ lé Loo a kas dee el ŋga, Deḛ gə́ njétuji sí pugudu-puguduje lé kara D’a kɔr rɔ dee si ŋgərəŋ tɔ.

Esai 57:4

See na̰ ɓa seḭ kənje səa wa. See na̰ ɓa seḭ teḛje ta sí ləgəgə-ləgəgə ləm, Gə tɔrje ndo̰ sí béləm-béləm gə́ dəa’g wa. See seḭ toje ŋgan njékaltaje Gə́ gin sí gə́ gin taŋgɔm el wa.

Esai 59:3

Mbata məs wa ji sí mbəgə-mbəgə ləm, Ŋgan ji sí ra néje gə́ majel ləm tɔ, Taŋgɔm rusu ta sí tub-tub ləm, Ndo̰ sí teḛ gə ta néra gə́ kori-kori ləm tɔ.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Esai 9:17

Mbata némeeyèrje lé o̰ loo to gə́ pər Gə́ roo kun-pɔrɔrɔje gə kunje bèe, Yee taa mee kag-kɔr gə́ ndər lé Ar sa pər uba keneŋ ŋgɔg-ŋgɔg.

Jeremi 23:36

Nɛ a paje pana: Ndərta lə Njesigənea̰ to nékodo gə́ wɔi lé a paje bèe el ŋga mbata nana kara ta gə́ teḛ təa’g ya a to nékodo gə́ wɔi mbata ləa-ləa. Seḭ lé seḭ turuje taje lə Ala gə́ njesikəmba, Njesigənea̰ gə́ njeboo-néje, Ala lə sí lé ilaje gel.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Jeremi 26:6

m’a ra gə kəi neelé to gə́ m’ra gə Silo bèe ləm, m’a kar ɓee-boo neelé tel to nékila ndɔl dɔ’g lə ginkoji dəwje gə raŋg lai gə́ dɔ naŋg nee ləm tɔ.

Jeremi 4:13

Aa ooje, njetujiloo lé Si ree gə́ nee asəna gə mum, Pusu-rɔje ləa d’aiŋgwɔd To gə́ lel-mal bèe ləm, Gɔl kundaje ləa wɔilɔ pélé-pélé To gə́ niŋgatə̰də bèe ləm tɔ. Meeko̰ oso dɔ sí’g mbata jeḛ n’tuji ŋga!

Jeremi 44:3

mbata néra majel lə dee gə́ deḛ ra d’aw roo ne néje gə́ ə̰də sululu d’ar magəje ləm, deḛ pole magəje gə́ deḛ əsé seḭ əsé bɔ síje-je gər deeje el lé ləm tɔ d’ar məəm ḭ ne səm pu dɔ dee’g lé.

Nɔ̰-ndôo gə́ wɔji dɔ Jerusalem 1:9

Yiro wa kubu gə́ rɔ dee’g Aree mina̰ jɔmri-jɔmri ləm, Deḛ d’ə̰ji dɔ né gə́ a teḛ dɔ dee’g el ləm, Koso gə́ deḛ d’oso lé Ar kaar dee wa dee ne paḭ ləm, Dəw kára kara gə́ njegɔl dee godo ləm tɔ. Ǝi Njesigənea̰, maji kari oo kəm sí loo to ndòo’g ya! Ti-rɔ lə njeba̰ lé Ḭ dɔ maree’d gə́ kédé-kédé.

Ejekel 8:12

Ndá yeḛ dəjim pana: Ma ŋgon-dəw lé see m’oo né gə́ ŋgatɔgje lə gel-bɔje lə Israɛl d’aw ra loondul’g, nana kara mee kəi’g ləa-ləa gə́ néndajije taa ne loo pəl-pəl lé wa. Mbata deḛ pana: Njesigənea̰ oo sí el, Njesigənea̰ uba ɓee lé ya̰ gə kya̰.

Ejekel 9:9

Yeḛ tel ilam keneŋ pana: Néra kori-kori lə gel-bɔje lə Israɛl gə Juda al dɔ loo sula. Kila məs taa mee ɓee pəl-pəl ləm, néra gə́ lal najee rusu ɓee-boo tub-tub ləm tɔ. Mbata deḛ pana: Njesigənea̰ uba ɓee ya̰ ləm, Njesigənea̰ oo né kára kara keneŋ el ləm tɔ.

Ojee 5:5

Beelé lə Israɛlje lé ɓa ila ta dɔ dee’g, Néra kori-korije lə Israɛlje gə Eprayimje lé Yee ɓa a kar dee d’oso ne, Judaje kara d’a koso ne sə dee na̰’d tɔ.

Ojee 7:16

Deḛ d’ɔs badm tel gə́ rɔ Njekurdɔloo’g el, Deḛ to d’asəna gə kag ɓandaŋg gə́ nduni koŋ-koŋ. Mbaije lə dee d’a toso ta kiambas’g Mbata kəsta gə́ rusu ta dee tub-tub lé. Yee ɓa a kar dee tel to ne nékogo mee ɓee gə́ Ejiptə’g.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Misee 6:12

Baoje gə́ mee ɓee’g neelé néra gə́ kərm-kərm ɓa taa rɔ dee pəl-pəl ləm, Dəw-mee-ɓeeje lé taŋgɔm ɓa oji na̰ ta dee’g ləma, Ndo̰ dee teḛ gə ta sukəmloo ləm tɔ.

Habakuk 1:13

Kəmi àr ŋgad-ŋgad kəm kila dɔ né gə́ majel’g el ləm, I un kəmi rəw dɔ néra gə́ kori-kori’g lé ləm tɔ. See gelee ban ɓa i aa njéndɔji pɔdɔdɔje gərərə Ndá ila tai maree’g ndag Loo gə́ njemeeyèr aar busu yeḛ gə́ nérea to gə dɔ najee undá-yeḛ lé ɓəi wa.

1 Njé gə́ Kɔrḭtə 10:22

See j’a kɔs gel kəmkəḭ lə Mbaidɔmbaije wa. See siŋga sí ur dɔ kea̰’g wa.

Jude 1:15

gə mba gaŋg rəwta dɔ dəwje’g lai ya ləm, mba kar bo̰ néra gə́ yèr lai gə tapa gə́ yèr lai gə́ njékaiyaje gə́ to njéndɔl-Alaje gə́ d’isi mbuna dee’g d’ila dəa’g lé ɔs ne ta dee’g ləm tɔ.