Esai 3:3 - Maktub gə́ To gə Kəmee

³ Mbai dɔ dəwje gə́ rɔ-mi gə njeriɓar ləma, Njekwɔji ta kəmkàr gə njegoso tɔl néje Gə njegoso sukəmloo ləm tɔ.

Esai 3:3 ပူးပေါင်းရင်းမြစ်များ

Maktub gə́ wɔji dɔ Jɔb 22:8

Ɓee lé to ka̰ dəw gə́ njesiŋgamoŋ Ndá njekəsta ɓa si keneŋ.

Teḛ-Raga 18:21

Nɛ mbuna dəwje’g lai lé maji kari mbər diŋgamje gə́ siŋga dee to kɔgərɔ-kɔgərɔ ləm, deḛ gə́ ɓəl Ala ləm, diŋgamje gə́ gel dee godo ləma, deḛ gə́ to mwəiyoolarje el ləm tɔ, maji kari unda dee gə́ njékaa dɔ mar deeje: njékaa dɔ dəwje gə́ tɔl-dɔg-dɔg (1.000) ləm, njékaa dɔ dəwje gə́ tɔl-tɔl (100) ləm, njékaa dɔ dəwje gə́ rɔ-mi rɔ-mi (50) ləma, gə njékaa dɔ dəwje gə́ dɔg-dɔg (10) ləm tɔ.

Teḛ-Raga 4:10

Moyis ula Njesigənea̰ pana: Ǝi Mbaidɔmbaije, ma lé m’to dəw gə́ njetakwɔi. Né neelé un kudee tagə́nè el ləm, ndɔkanona el ləma, to mee ndəa gə́ i un kudu kwɔji ne ta gə kura ləi lé el ləm tɔ, mbata tam gə ndo̰m wɔi yaa̰ ya.

Esai 3:2

Yeḛ a kɔr bao-rɔ gə njerɔ gə́ keneŋ ləm, Gə njegaŋ-rəwta gə njetegginta Gə njenékoo gə ŋgatɔg ləm,

Esai 3:4

Njesigənea̰ pana: N’a kar basaje ɓa to mbaije lə dee ləm, Ŋganje gə́ kas ɓa d’a to njéko̰ dɔ deeje ləm tɔ.

Esai 5:13

Gelee gə́ nee ɓa koso-dəwje ləm lé D’a kwa dee gə́ ɓərje kaw sə dee ɓee-ɓər’g, Dəwje lə dee gə́ boo-boo d’a kwəi yoo-ɓoo ləm, Koso-dəwje lə dee gə́ bula digi-digi lé d’a kwəi yoo-kunda ləm tɔ.

Esai 9:15

Deḛ gə́ d’ɔr no̰ koso-dəwje neelé D’ar dee ndəm ləm, Deḛ gə́ d’ya̰ loo d’ar dee d’ɔr no̰ dee lé Deḛ ndəm ne rəw ləm tɔ.

Tel tura Godndu 1:15

Bèe ɓa ma m’ɔr mbaije mbuna ginkojije’g lə sí gə́ to dəwje gə́ njékəmkàrje gə́ seḭ gər deeje ndá ma m’unda dee dɔ sí’d gə́ mbai dɔ dəwje gə́ tɔl-dɔg-dɔg (1.000) ləm, gə mbai dɔ dəwje gə́ tɔl-tɔl (100) ləm, gə mbai dɔ dəwje gə́ rɔ-mi rɔ-mi ləma, gə mbai dɔ dəwje gə́ dɔg-dɔg ləm tɔ, m’ar dee to njékun dɔ síje mbuna ginkojije’g lə sí.

Njéga̰g-Rəwtaje 8:18

Yee dəji Jeba gə Salmuna pana: See dəwje gə́ seḭ tɔl deeje Tabɔr lé to dəwje gə́ ban wa. Deḛ d’ilá keneŋ pana: Deḛ to to gə́ i bèe ya, nana kara to asəna gə ŋgolə mbai bèe.

1 Samel 8:12

Yeḛ a kunda dee gə́ mbai dɔ dəwje gə́ tɔl-dɔg-dɔg (1.000) ləm, gə mbai dɔ dəwje gə́ rɔ-mi rɔ-mi ləm, yeḛ a kar dee to kura-kwɔsje ləa ləm, a kar dee to njékinjakoje ləa ləma, gə njékoo nérɔje ləa gə njéra néje gə́ mee pusu-rɔje’g ləa ləm tɔ.