Esai 3:26 - Maktub gə́ To gə Kəmee

²⁶ Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 3:26 ပူးပေါင်းရင်းမြစ်များ

Maktub gə́ wɔji dɔ Jɔb 2:13

Deḛ d’isi səa dɔ naŋg’d ya ndɔ siri dan kàrá gə loondul’g ar dəw kára kara ulá ta el mbata deḛ d’oo néɓəŋgərəti ləa gə́ al dɔ loo sula lé.

Maktub gə́ wɔji dɔ Jɔb 2:8

Togə́bè Jɔb un seŋgəre ŋgə ne rəa ləm, si ne dan bu’g ləm tɔ.

Esai 14:31

Seḭ gə́ síje tarəwkəi’g lé Gə́ tuma̰je ŋgururu-ŋgururu! Seḭ gə́ síje ɓee-boo’g lé Gə́ no̰je rɔ sí! Seḭ njéɓeeje gə́ Pilisti lai lé Undaje bala! Mbata sa pər ḭ gə́ dɔgel si ree ləm, Mbuna loo-kaar njéba̰je lé udu jigi-jigi ləm tɔ.

Esai 29:2

M’a kaḭ dɔ Ariel sub gə rɔ Ndá no̰ ndòo gə tuma̰ ŋgururu-ŋgururu d’a taa loo keneŋ, Bèe ɓa ɓee-boo lé a to kasəna gə́ Ariel mbam-ma ya.

Esai 32:14

Kəi-mbai lé d’uba d’ya̰ ləm, Ɓee-boo kunda bula lé tel to dɔ nduba ləm tɔ, Dɔdərloo gə kəi-kaar-kɔgərɔ gə́ duu dɔ loo lé Tel to duu-loo si gayim-dəwje saar gə no̰, Loo neelé a tel to gə́ loo-ndam lə mulayḛ̀je-je gə́ wala ləm, Gə loo-ko̰-mu lə koso-nékulje ləm tɔ.

Esai 33:9

Ɓee lé si dan kəmndoo’g gə dan némeeko̰’g, Liba̰je d’isi dan rɔkul-boo’g ar siŋga dee yɔ. Saron tel to asəna gə dɔdilaloo, Basan gə Karmel lé d’ar kam dee gəḭ naŋg to gə́ kam kag bèe.

Esai 47:1

Gə́ rəm si naŋg dan babur’g I ɓee gə́ Babilɔn Gə́ kédé to asəna gə ŋgoma̰də bèe! Gə́ rəm si dɔ naŋg’d lal kalimbai, I ɓee gə́ Kalde Gə́ to asəna gə ŋgon dené lé tɔ. D’a kooi asəna gə ŋgoma̰də Gə́ ma̰də yaa̰ gə njekərkəmloo el ŋga.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Jeremi 14:2

Judaje d’isi dan kwa-ndòo-yoo’g ləm, Ɓee-booje ləa d’unda ndolè ləm, D’isi dan meeko̰’g ləma, Deḛ tuji dee pugudu-pugudu ləm tɔ, Tɔɓəi ndu kii lə njé gə́ Jerusalem ɓar wəl.

Jeremi 15:8

Njékəisiŋgaje lə dee Bula d’unda nagəra gə́ ta baa’g, N’ar njetuji oso dɔ dee’g gə dɔ ko̰ basa’g Loo gə́ kàr aar daŋdɔ. Neḛ n’ar néɓəŋgərəti Gə néɓəl-boo teḛ dɔ dee’g wai.

Nɔ̰-ndôo gə́ wɔji dɔ Jerusalem 1:1

Ɗi togə́bè wa. Ɓee-boo gə́ kédé dəwje taa loo keneŋ pəl-pəl lé Tel to dɔ nduba wa. Yee tel to asəna gə njekəisiŋga bèe! Kédé yee ur dɔ ɓeeje lə ginkoji dəwje gə raŋg lai ləm, Ria ɓar yaa̰ mbuna ɓeeko̰je’g lai ləm tɔ Nɛ yee tel to asəna gə njera kula kari ba ŋga!

Nɔ̰-ndôo gə́ wɔji dɔ Jerusalem 1:4

Rəwje gə́ aw gə́ Sio̰ lé No̰ ndòo ɓa taa pəl-pəl ya Mbata dəw kára kara ila gɔlee loo-ra-naḭ’g el. Tarəwkɔgje ləa lai wa ŋgɔ njag-njag ləm, Njékinjanéməsje ləa tuma̰ ŋgururu-ŋgururu ləm, Ŋgama̰dje ləa lai d’isi dan ndòo’g ləma, Mee ɓee-boo lai adə mbag-mbag ləm tɔ.

Nɔ̰-ndôo gə́ wɔji dɔ Jerusalem 2:10

Ŋgatɔgje lə ŋgoma̰də gə́ Sio̰ lé D’isi dɔ mundu, Deḛ tuga kor d’ɔm dɔ dee’g ləm, Deḛ d’ula kubu-kwa-ndòo ɓa rɔ dee’g ləm tɔ, Ŋgama̰dje gə́ Jerusalem lai lé D’ula dɔ dee naŋg.

Nɔ̰-ndôo gə́ wɔji dɔ Jerusalem 2:8

Njesigənea̰ wɔji mée’g Mba tuji ndògo-bɔrɔ lə ŋgoma̰də gə́ Sio̰, Yeḛ wɔjee gə kúla Nɛ yeḛ ɔr jia keneŋ el saar Aree tuji lai-lai ya, Kəi-kaar-kɔgərɔje gə ndògo-bɔrɔje kara No̰-yoo ɓa taa loo keneŋ pəl-pəl Ar deḛ gə́ d’isi keneŋ kara D’isi gə kəmndooyoo tɔ.

Ejekel 12:20

Ɓee-booje gə́ dəwje taa loo keneŋ pəl-pəl lé d’a tuji pugudu-pugudu ləm, ɓee a tel to dɔ nduba ləm tɔ. Yee ɓa seḭ a gərje ne to gə́ neḛ n’to Njesigənea̰ lé.

Ejekel 26:16

Ŋgan-mbaije lai gə́ njékaa dɔ dəb ɓeeko̰je gə́ d’isi ta baa-boo-kad’g lé d’ḭ dɔ kalimbaije’g lə dee d’ur naŋg. Deḛ tɔr kubuje lə dee gə́ boi yul-yul rɔ dee’g ləm, deḛ tɔr kubuje lə dee gə́ d’ɔs ndaji ta’g ləm tɔ. Deḛ ɓiri rɔ dee gə ɓəl ndá rəm d’isi naŋg. Ɓəl-boo dəb dɔ dee’g gə mee kàrje lai ləm, ɓəl unda dee badə gaŋg dee mbata né gə́ yeḛ aree teḛ dɔi’g ləm tɔ.

Misee 1:9

Mbata doo ləa lé to doo gə́ too yaa̰ Aw gə́ kédé-kédé saar teḛ Juda ləm, Aw saar teḛ tarəwkɔg’d lə koso-dəwje ləm ləma, Aw saar teḛ Jerusalem ləm tɔ.

Matiyo 11:17

Jeḛ j’im tébé nɛ seḭ làje ne el ləm, jeḛ j’un pa yoo nɛ seḭ no̰je ne el ləm tɔ.

Lugu 19:44

D’a kya̰ mbal kára dɔ maree’g gə mba kari el mbata ree gə́ deḛ ree d’ooi ndəa gən lé i gər dee keneŋ el lé.