Esai 3:25 - Maktub gə́ To gə Kəmee

²⁵ I Jerusalem lé dəwje ləi gə́ diŋgam D’a kwəi yoo-kiambas ləm, Bao-rɔje ləi kara D’a kwəi loo-rɔ’g ləm tɔ.

Esai 3:25 ပူးပေါင်းရင်းမြစ်များ

2 Sôrta Gḭka Israɛlje 28:6

Pékak, ŋgolə Remalia tɔl Judaje gə́ to bao-rɔje lai mee ndɔ gə́ kára ba ya as tɔl-dɔg-loo-tɔl gə dɔ dee rɔ-joo (120.000) mbata deḛ d’uba Njesigənea̰, Ala lə bɔ deeje-je d’yá̰.

2 Sôrta Gḭka Israɛlje 29:9

Togə́bè ɓa bɔ síje-je d’wəi ne yoo-kiambas ləm, ŋgan síje gə́ diŋgam gə njé gə́ dené gə denéje lə sí tel to ne gə́ ɓərje ləm tɔ.

Esai 1:20

Nɛ ɓó lé seḭ mbadje ləm, Ɓó lé seḭ ɔsje ta rəw ləm tɔ ndá D’a tuji sí gə kiambas Mbata yee ɓa gə́ né gə́ Njesigənea̰ pa njaŋg ya.

Esai 65:12

Ma m’wɔji kar sí wəije yoo-kiambas, Ndá seḭ lai a tɔsje kəji sí naŋg Mba kar dee tḭja gwɔb sí. Mbata ma m’ɓar sí ndá Seḭ ndigije tam’g el ləm, M’pata ndá Seḭ ooje ta ləm el ləm tɔ, Nɛ seḭ raje né gə́ to majel ɓa kəm’g ləm, Né gə́ taa kəm el ɓa seḭ mbərje ləm tɔ.

Jeremi 11:22

Gelee gə́ nee ɓa Njesigənea̰ gə́ njeboo-néje lé pa ne pana: Aa oo, m’a gə kar bo̰ néra dee ɔs ta dee’g ya. Basaje d’a kwəi yoo-kiambas ləm, ŋgan deeje gə́ diŋgam gə njé gə́ dené d’a kwəi yoo ɓoo-boo ləm tɔ.

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Jeremi 15:8

Njékəisiŋgaje lə dee Bula d’unda nagəra gə́ ta baa’g, N’ar njetuji oso dɔ dee’g gə dɔ ko̰ basa’g Loo gə́ kàr aar daŋdɔ. Neḛ n’ar néɓəŋgərəti Gə néɓəl-boo teḛ dɔ dee’g wai.

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

Jeremi 19:7

Lée neelé m’a tuji ta kwɔji kəmkàr lə Judaje gə njé gə́ Jerusalem pugudu keneŋ. M’a kar dee d’wəi yoo-kiambas no̰ njéba̰je’g lə dee ləm, m’a kar nin dee to gə́ nésɔ lə yelje gə daje gə́ dɔ naŋg nee ləm tɔ.

Jeremi 21:9

Yeḛ gə́ a nai mee ɓee-boo’g neelé ndá a kwəi yoo-kiambas, gə ɓoo-boo əsé yoo-koso. Nɛ yeḛ gə́ a teḛ kaw rɔ Kaldeje gə́ d’aḭ dɔ sí sub gə rɔ lé ndá a si kəmba ləm, si kəmba ləa ɓa a to nébanrɔ ləa ləm tɔ.

Nɔ̰-ndôo gə́ wɔji dɔ Jerusalem 2:21

Ŋganje gə ɓugaje lai ya rogo naŋg dan rəw’g, Ŋganəmje gə́ ma̰də gə basa lé d’wəi yoo-kiambas tɔ, Ndɔ oŋg’g ləi lé i tɔl dee ləm, I goré gwɔs dee lal koo ne kəmtondoo lə dee ləm tɔ.

Amɔs 9:10

Njékaiyaje lai mbuna koso-dəwje’g lə neḛ lé D’a kwəi yoo-kiambas, Deḛ gə́ pa pana: Némajel a tibi mbɔr neḛje el ləm, A teḛ dɔ neḛje’g el ləm tɔ lé.