Esai 3:23 - Maktub gə́ To gə Kəmee

²³ Gə nékoo-kəmje ləm, gə kubu-kaar gə́ ra gə kúla palégal ləm, Gə jɔg-kula-dɔ’g ləma, gə kubu gə́ ka̰ kila dɔ maree’g ləm tɔ.

Esai 3:23 ပူးပေါင်းရင်းမြစ်များ

Gḭ-Néje 24:65

Yeḛ dəji kura lé pana: See dəw gə́ aw njaa mee ndɔ’g mba tila kəm sí lé see to nawa. Ndá kura lé ilá keneŋ pana: Yeḛ to ɓémje ya. Togə́bè yeḛ un kubu on ne kəmee.

Gḭ-Néje 41:42

Parao̰ ɔr ŋgama ləa gə́ jia’g ula ji Jisəb’g ləm, yeḛ ula kubu gə́ ra gə kúla palégal rəa’g ləma, ila yeŋgəre larlɔr gwɔsee’g ləm tɔ.

1 Sôrta Gḭka-Israɛlje 15:27

Dabid ula kubu gə́ d’ṵji gə kúla palégal rəa’g, Ləbije lai gə́ d’odo sa̰duk-manrɔ ləm, gə njékɔspaje ləma, gə Kenania gə́ to njekɔrno̰ njékim néje mbuna njékɔspaje’g ləm tɔ kara d’ula kubuje gə́ togə́bè rɔ dee’g tɔ. Dabid ula kubu gə́ d’ṵji gə kúla palégal gə́ wɔji dɔ njékinjanéməsje rəa’g tɔ.

Teḛ-Raga 38:8

Yeḛ ra bai-togo-rɔ gə larkas ləm, gelee kara ra gə larkas ləm tɔ, nékoo-kəm lə denéje gə́ mbo̰ dɔ na̰ ta kəi-kubu-si-Ala’g lé ɓa yeḛ iŋga larkas neelé keneŋ ya.

Pa gə́ ur dɔ paje 5:7

Njéŋgəmlooje gə́ d’aw njaa Gugu dɔ ɓee-boo lé d’iŋgam, Deḛ kundam d’am doo. Deḛ d’wam taa kubu-kila-dɔ’g ləm Deḛ gə́ to njéŋgəm ndògo-bɔrɔje-je lé.

Esai 3:22

Gə kubuje gə́ ka̰ ra naḭ ləm, Gə kubuje gə́ tad ləm, gə kubuje gə́ boi yul-yul ləm, gə ɓɔlje ləm,

Esai 3:24

Né gə́ ə̰də mbo̰ a taa tor né gə́ ə̰də sululu ləm, Kula a taa tor ndar ləm, Dɔ gə́ àr ŋgori-ŋgori A taa tor yiŋga dɔ ləm, Kubu-kwa-ndòo A taa tor kubu-ra-naḭ ləma, Tor doo a taa tor maji lə darɔ ləm tɔ.

Esai 47:2

Un mbal-kusu-kó, usu ne kó, Ɔr ta kubu gə́ dɔi’g ləm, Kə kubu ləi gə́ ŋgal yududu gə́ tar ləma, Ya̰ gɔli ur ne mán baaje ləm tɔ!

Ejekel 16:10

Neḛ n’ari ula kubuje gə́ d’ɔs ndaji ta’g ləm, n’ula négɔl ndar gə́ ndər gɔli’g ləm tɔ, tɔɓəi neḛ n’tɔ ɓəri gə ta-kubu gə́ d’ṵji gə kúla palégal ləm, n’ila kubu gə́ bḭ-maji dɔi’g ləm tɔ.

Jakari 3:5

Tɔɓəi ma m’pana: Maji kar dee d’ula jɔg gə́ àr ŋgad-ŋgad dəa’g. Bèe ɓa deḛ d’ula jɔg gə́ àr ŋgad-ŋgad lé ya dəa’g ləm, d’ula kubuje rəa’g ləm tɔ. Kura lə Njesigənea̰ aar lée’g neelé.

Lugu 16:19

Dəw kára gə́ to bao lé ula kubu gə́ ndul piro-piro gə́ bḭ maji rəa’g ləm, si dan maji’g gə dan rɔlel’g gə ndəa-ndəa ləm tɔ.

Loo gə́ killa rea kəm Ja̰’g 19:14

Njéboo-rɔje gə́ dara lé d’al kunda-ndulije ndolè ne gée ləm, kubu gə́ d’ṵji gə kúla palégal gə́ ndá kələw-kələw gə àr ŋgad-ŋgad lé to rɔ dee’g ləm tɔ.

Loo gə́ killa rea kəm Ja̰’g 19:8

D’un ndu dee gə mba karee ula kubu gə́ d’ṵji gə kúla palégal gə́ ndɔḭ ləd-ləd ləm, gə́ ndá kələw-kələw ləm tɔ lé rəa’g. Mbata kubu gə́ d’ṵji gə kúla palégal lé yee ɓa wɔji dɔ néra gə́ gə dɔ najee lə dee gə́ to gə kəmee.

Rudu 3:15

Tɔɓəi yeḛ ila ta gə́ raŋg keneŋ ɓəi pana: Am kubu gə́ boi yul gə́ ila dɔi’g lé gə́ nee ndá wa təa ŋgəji. Yeḛ wa ta kubu neelé ŋgəji ndá yeḛ wɔji kandə kó as nékwɔji kwɔi-lə-né dɔg-giree-mi ɔm keneŋ aree, tɔɓəi yeḛ wa səa unda dəa’g aree tel aw ne mee ɓee’g tɔ.