Esai 3:19 - Maktub gə́ To gə Kəmee

¹⁹ Gə mbaiŋgiraje, gə niŋgaje gə́ ji dee’g, Gə kubuje gə́ ka̰ konkəm dee ləm,

Esai 3:19 ပူးပေါင်းရင်းမြစ်များ

Gḭ-Néje 24:22

Loo gə́ jambalje d’ai mán mba̰ ndá dəw neelé un ŋgama larlɔr gə́ kwɔi ləa as ŋgan nékwɔji kwɔi-lə-né dɔg ləm, odo nḭgá larlɔrje joo gə́ kwɔi lə dee unda ŋgan nékwɔji kwɔi-lə-né tɔl-tɔl ləm tɔ.

Gḭ-Néje 24:30

Yeḛ oo ŋgama gə niŋgáje joo ji kɔnanee’g lé ləm, yeḛ oo tapea gə́ pa pana: Dəw neelé pa togə́bè ləm tɔ ɓa yeḛ aw iŋga dəw neelé gə́ aar mbɔr jambalje’g ta kəm-rəw-mán’g ɓəi.

Gḭ-Néje 24:53

Yen ŋga kura lé teḛ gə néje gə́ ra gə larnda gə larlɔr ləm, gə kubuje ləm tɔ ar Rebeka. Yeḛ ar ŋgokea̰ gə́ diŋgam gə kea̰je nébaoje gə́ lar dee uru kugu tɔ.

Gḭ-Néje 35:4

Deḛ d’odo magəje gə́ dɔ ɓee’g lai gə́ to ji dee’g ləm, gə mbaiŋgiraje gə́ to mbi dee’g ləm tɔ d’ar Jakob. Ndá Jakob iya dee gel kag gə́ ɓaree térébḭtə gə́ to mbɔr Sikem’g dəb.

Gḭ-Néje 38:18

Yeḛ ilá keneŋ pana: See nétona gə́ ban ɓa m’a kari wa. Yeḛ pana: Nétorjii ləm, gə kúla ləi ləma, gə kag-tɔs gə́ to jii’g ləm tɔ. Ndá yeḛ aree néje neelé ya. Tɔɓəi yeḛ to səa ndá Tamar lé əskèm.

Gḭ-Néje 38:25

Loo gə́ deḛ teḛ səa gə́ raga ndá dené neelé ula kula ar məmeeje lé pana: Dəw gə́ njenéje neelé ɓa to njekèm ləm. Tə̰ oo, see nétorji neelé gə kúla neelé gə kag-tɔs neelé to ka̰ nawa.

Teḛ-Raga 32:2

Aaro̰ ula dee pana: Tɔrje mbai ŋgira larlɔrje gə́ to mbi denéje’g lə sí ləm, gə mbi ŋgan síje gə́ diŋgam gə njé gə́ dené’g ləm tɔ lé reeje ne amje.

Teḛ-Raga 32:3

Deḛ lai neelé tɔr mbai ŋgira larlɔrje gə́ to mbi dee’g ndá deḛ ree ne d’ar Aaro̰ tɔ.

Teḛ-Raga 35:22

Diŋgamje kara ree to gə́ denéje ree bèe ya, deḛ lai gə́ d’wɔji meḛ dee’g lé d’odo néje gə́ ta ndarje’g ləm, gə mbaiŋgiraje ləm, gə ŋgamaje ləm, gə niŋgáje ləma, gə néje gə́ raŋg ɓəd-ɓəd gə́ ra gə larlɔr ləm tɔ, nana kara ar nékarnoji gə́ to larlɔr gə́ yeḛ ɔr unda gə kəmee ar Njesigənea̰ lé.

Esai 3:18

Mee ndəa gən lé Mbaidɔmbaije a tɔr néma̰dje lə dee Gə́ to niŋgaje gə́ gɔl dee’g ləm, Gə nékwa yiŋga dɔ deeje ləm, Gə néje gə́ d’ɔm rɔ dee’d gə́ ndaji ne naḭ gə́ teḛ sigi ləm,

Esai 3:20

Gə mbɔrje, gə mər-larje ləm, gə ndar kwa ɓər ləm, Gə laya̰ ləm, gə gajije ləm,

Ejekel 16:11

Neḛ n’ɔm néndamje rɔi’g ləm, n’ɔm niŋga jii’g ləma, n’ila mər-mbai gwɔsi’g ləm tɔ,

Ejekel 16:12

n’ula ŋgama əmi’g ləm, n’tula némbi mbii’g ləma, n’ula dɔgugu gə́ maji dum dɔi’g ləm tɔ.

Bula lə Israɛlje 31:50

Togə́bè ɓa jeḛ n’reeje gə nékarnoji mba kar Njesigənea̰, nana kara ɔr néje gə́ ra gə larlɔr gə́ jeḛ j’iŋga lé yeŋgəreje, gə niŋgaje, gə ŋgamaje, gə mbaiŋgiraje, gə nékila gwɔb’g to mba kuga ne dɔ kaiya lə sí no̰ Njesigənea̰’g.