Esai 3:14 - Maktub gə́ To gə Kəmee

¹⁴ Njesigənea̰ ɔr ta ila dɔ ŋgatɔgje’g lə koso-dəwje ləa ləm, Gə dɔ mbaije’g lə dee ləm tɔ pana: Seḭ lé seḭ rumje loo-ndɔ-nduú! Néje gə́ seḭ tɔrje rɔ njéndooje’g lé To mee kəi’g lə sí to!

Esai 3:14 ပူးပေါင်းရင်းမြစ်များ

Maktub gə́ wɔji dɔ Jɔb 22:4

See mbata ɓəl gə́ yeḛ ɓəli ɓa yeḛ wɔjii ne kəmkàr Esé aw səi loo gaŋg-rəwta’g gə mbəa wa.

Maktub gə́ wɔji dɔ Jɔb 24:14

Njetɔl dəw uba naŋg ḭ loo gə́ loo si àr Ndá yeḛ tɔl njenékəmndoo ləm, gə njendoo ləma Loondul ndá yeḛ to njeɓogo ləm tɔ.

Maktub gə́ wɔji dɔ Jɔb 24:9

Deḛ taa ŋgonal ta mbà’g gə siŋgamoŋ ləm, Deḛ d’wa né lə njendoo d’ila ɓaŋg ləm tɔ.

Maktub gə́ wɔji dɔ Jɔb 34:23

Ala aw ndòo kaa dɔ dəw gərərə kuree əw ɓa Mba kar dee-deḛ səa d’aw loo gaŋg-rəwta’g el.

Pakɔsje 10:9

Loo-siée’g lé yeḛ um loo asəna gə toboḭ gə́ to loo-tée’g bèe, Yeḛ um loo mba kuba njenékəmndoo kwá Ɓa yeḛ ɔsee ilá mee ba̰də’g ləa.

Pakɔsje 14:4

Deḛ lai gə́ ra néje gə́ yèr lé See deḛ gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Njesigənea̰ bèe el.

Pakɔsje 143:2

Maji kari aw gə kura ləi lé loo-gaŋg-rəwta’g el Mbata dəw gə́ si kəmba gə́ njemeekarabasur nɔḭ’g bèe kára kara godo.

Gosota-Kəmkàrje 30:14

Ginkoji dəwje gə́ na̰je d’isi gən Gə́ ŋgaŋ dee to gə́ kiambas ləm, mbiri dee to gə́ kiaje ləm tɔ Gə mba gaŋg ne njénékəmndooje gə́ dɔ naŋg nee sɔ dee ləm, Gə njéndooje gə́ mbuna dəwje’g ləm tɔ.

Esai 10:1

Meeko̰ a koso dɔ deḛ gə́ To njékun ndukunje gə goo rəbee el ləm, Gə deḛ gə́ ndaŋg maktub-gaŋg-rəwta Gə́ gə dɔ najee el ləm tɔ.

Esai 10:2

Yee ɓa deḛ mbad gaŋg ne rəwta Le njéndooje gə goo rəbee ləm, Né gə́ kəm kar deḛ gə́ kəm dee to ndòo Mbuna dəwje’g ləm d’iŋga lé Deḛ nar sə dee ləm, Deḛ taa nékiŋgaje lə njékəisiŋgaje ləma, D’unda ŋganalje gə́ néɓogo lə dee ləm tɔ.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Esai 14:30

Togə́bè ɓa deḛ gə́ to gə́ njéndooje d’unda mar deeje lé D’a kiŋga nésɔ dee ləm, Deḛ gə́ njénékəmndooje lé kara D’a si lɔm ləm tɔ, Nɛ n’a tɔl ŋgirai gə ɓoo-boo ləm, Ges dəwje ləi gə́ nai lé D’a tɔl dee ləm tɔ.

Esai 26:6

Deḛ gə́ to njéndooje Gə deḛ gə́ siŋga dee godo lé D’a tuba ɓee-boo lé naŋg gə gɔl dee.

Esai 29:19

Njénékəmndooje d’a kal rɔ dee gə́ kédé-kédé gə mbata lə Njesigənea̰ ləm, Njéndooje d’a kar Njerɔkunda lə Israɛlje to gin boo-rɔkal lə dee ləm tɔ.

Esai 30:12

Gelee gə́ nee ɓa yeḛ gə́ to Njerɔkunda lə Israɛlje lé pa ne pana: To gə́ seḭ mbadje ta neelé ləm, Seḭ undaje meḛ sí dɔ néra kərm-kərm’g Gə néra gə́ gə goo rəbee’g el ləma, Seḭ gədje rɔ sí dɔ dee’g ləm tɔ ndá

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Esai 58:4

Aa ooje, seḭ ɔgje meḛ sí ɓó Mba maḭ ne na̰ ta gə kɔl ne na̰ ləm, Mba kudu ji sí kunda ne na̰ gə meeyèr ləm tɔ, Seḭ ɔgje meḛ sí ɓó gə goo rəbee Mba kar ndu sí ɓar njal teḛ loo-sim gə́ tar lé el.

Jeremi 12:10

Njékulbadje bula tuji ndɔ-nduú ləm ləm, Deḛ mbɔḭ ndɔ ləm naŋg ləm tɔ, Deḛ d’ar ndɔ ləm gə́ maji yaa̰ lé Tel to dɔdilaloo gə́ né godo keneŋ.

Jeremi 5:27

To asəna gə kəi-yel gə́ dəw ra bèe Ɓa ɔm yelje keneŋ aree rusu tub-tub lé Néraje gə́ ŋgɔm taa mee kəije lə dee pəl-pəl togə́bè ləm tɔ. Yee gə́ bèe ɓa deḛ tel to ne Njésiŋgamoŋje ləm, gə baoje ləm tɔ.

Ejekel 18:12

ɓó lé yeḛ buguru njenékəmndoo gə njendoo ləm, ɓó lé yeḛ taa né gə ɓogo ləm, ɓó lé yeḛ tel gə nékɔsnaŋ ar njea el ləm, ɓó lé yeḛ un kəmee aa ne magəje gərərə ra ne néje gə́ mina̰ jɔmri-jɔmri ləma,

Ejekel 20:35

N’a kaw sə sí dɔdilaloo’g lə koso-dəwje ndá lé neelé ɓa n’a kaa kəm sí gaŋg ne ta dɔ sí’g.

Ejekel 20:36

To gə́ neḛ gə bɔ síje n’ɔrje kəmta lə na̰ dɔdilaloo’g mee ɓee gə́ Ejiptə lé neḛ sə síje n’a kɔrje kəm ta lə na̰ togə́bè tɔ, Mbaidɔmbaije gə́ Njesigənea̰ ɓa pa bèe.

Ləbije 25:14

Ɓó lé seḭ raje né arje mar síje ndogo sə sí əsé seḭ kara ndogoje sə dee né tɔ ndá maji kar dəw kára kara mbuna sí’g su ne kəm ŋgokea̰ el.

Ləbije 25:17

Dəw kára kara mbuna sí’g a buguru maree el ləm, seḭ a ɓəlje Ala lə sí ləm tɔ, mbata ma m’to Njesigənea̰, Ala lə sí.

Amɔs 2:7

Deḛ ndiŋga rɔ dee mba njaa dɔ njéndooje’g asəna gə babur bèe ləm, Njénékəmndooje lé kara d’ɔg dee né gə́ kəm kar dee d’iŋga ləm tɔ. Ŋgon gə́ diŋgam deḛ gə bɔbeeje d’orè na̰ dɔ ŋgoma̰də gə́ kára ba ya D’ula ne sul dɔ ri neḛ-neḛ gə́ to gə kəmee doi lé.

Amɔs 4:1

Urje mbi sí ooje ta neelé, Seḭ denéje gə́ Samari gə́ toje baoje Gə́ toje asəna gə ko̰ maŋgje gə́ Basan lé Seḭ gə́ ulaje njéndooje ndubu ləm, Seḭ tubaje deḛ gə́ néje bula lal dee Naŋg mbajila-mbajila ləm tɔ lé Tɔɓəi seḭ ulaje ŋgaw síje pajena: Reeje gə nékai ar sí j’aije.

Misee 2:1

Meeko̰ a koso dɔ deḛ gə́ la̰ji tor néra gə́ kori-kori meḛ dee’g D’wa dɔ gɔlee jəb dɔ tira-to dee’g! Loo gə́ loo àr yərərə ndá d’aw ra née Loo gə́ d’ɔm siŋgamoŋ rəa lé ji dee’g tɔ.

Misee 2:2

Deḛ ra kəmkəḭ dɔ ndɔje’g ndá Deḛ taa dɔ buguru’g ləm, Gə dɔ kəije’g ndá D’odo néje gə́ keneŋ dɔ buguru’g ləm tɔ. Deḛ ra né gə́ kərm-kərm gə dəw gə njemeekəije ləa ləm, Buguree gə nénduba ləa na̰’d ləm tɔ.

Misee 3:3

Deḛ d’usɔ dakasrɔ koso-dəwje ləm ləm, Deḛ tusu ndar dee ləm, Deḛ təd siŋga dee ləma, Deḛ gaŋg dee dana ɗuguru-ɗuguru To gə́ naḭ gə́ ndiri mee ŋgoro’g bèe ləm To gə́ da gə́ d’ɔb gə əb bèe ləm tɔ.

Misee 6:10

See nébaoje gə́ to kḛji ləm, Gə nékwɔji-né gə́ as el Gə́ a kar néndɔl oso dɔ loo’g ləm tɔ lé To mee kəi’g lə njemeeyèr ya ɓəi wa.

Matiyo 21:33

Urje mbi sí ooje ne gosota gə́ raŋg tɔɓəi. Dəw kára gə́ to njekəi si gən wa ndɔ-nduú. Yeḛ ula ŋgalaŋ giree’g siŋ-siŋ ləm, ra loo mbula mán-nduú ləma, uru pal ləm tɔ. Yeḛ wa ndɔ-nduú neelé ula ji njéndəaje’g ndá ɔd par aw dɔɓee gə́ raŋg.

Maktub gə́ Jak ula ne ar ngan-Allaje 2:6

Seḭ nja, seḭ ilaje rɔkul dɔ njendoo’g. See baoje lé d’ula busu dɔ sí’g el wa. See to deḛ nja ɓa ndɔr sí d’ɔm sí loo-gaŋg-rəwtaje’g lé el wa.