Esai 3:13 - Maktub gə́ To gə Kəmee

¹³ Njesigənea̰ ree gə mba kɔr kəm ta lé ləm, Yeḛ aar tar mba gaŋg rəwta dɔ koso-dəwje’g ləm tɔ.

Esai 3:13 ပူးပေါင်းရင်းမြစ်များ

Pakɔsje 12:5

To deḛ gə́ pana: Tapa neḛje ar neḛ n’toje njésiŋgamoŋje ləm, Ta neḛje to ka̰ neḛje ya ləm tɔ, Ŋga see na̰ ɓa a to dəw dɔ neḛje ɓəi wa.

Pakɔsje 74:22

Ǝi Ala, maji kari uba naŋg ḭta aḭ bada dɔ ta’g ləi. Ar məəi olé teḛ dɔ ta ndɔlje’g lə mbə-dəwje Gə́ d’ila dɔi’g gə ndɔ dee ndɔ dee.

Pakɔsje 82:1

Pakɔs lə Asap. Ala aar loo-mbo̰-dɔ-na̰’d gə́ wɔji dɔ Ala. Yeḛ gaŋg rəwta mbuna magəje’g.

Esai 1:18

Njesigənea̰ pana: Gə́ reeje ar sí j’ɔrje kəmta lə sí j’arje na̰! Ɓó lé kaiyaje lə sí kas gəḭ ndá D’a tel ndá kələw-kələw Asəna gə bèl kəwje bèe, Ɓó lé deḛ kas njir-njir ndá D’a tel to asəna gə bḭ kubu bèe.

Esai 51:22

Mbaidɔmbaije gə́ Njesigənea̰ lə sí, Ala lə sí gə́ aḭ bada dɔ koso-dəwje’g ləa pa togə́bè pana: Aa ooje, ma m’taa bai gə́ nékai gə́ ar dɔ dəw ila mbir-mbir to keneŋ ji sí’g To bai oŋg ləm, Seḭ a kaije gogo el ŋga!

Esai 66:16

Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Misee 6:1

Ooje ta gə́ Njesigənea̰ pa ɓa nee: Maji kam m’ḭta, M’aw m’ɔr ta no̰ mbalje’g ləm, M’ar dɔdərlooje d’oo ndum ləm tɔ!

Misee 6:2

Seḭ mbalje ləm gə gin naŋgje gə́ ŋgəŋgje ŋgəŋ-ŋgəŋ lé Maji kar sí ooje ta gə́ Njesigənea̰ pa. Mbata Njesigənea̰ aw gə koso-dəwje ləa gə ta ləm, Yeḛ ndigi dəji Israɛlje gel néra dee ləm tɔ.