Esai 3:12 - Maktub gə́ To gə Kəmee

¹² Ŋganje ɓa to njékula kəm koso-dəwje ləm ndòo ləm, Denéje ɓa to dəw dɔ deeje ləm tɔ, Seḭ koso-dəwje ləm, deḛ gə́ d’ɔr no̰ sí lé D’ar sí ndəmje ne ləm, Deḛ tuji rəw gə́ seḭ njaaje keneŋ ləm tɔ.

Esai 3:12 ပူးပေါင်းရင်းမြစ်များ

2 Mbaije 11:1

Loo gə́ Atali, ko̰ Ahajiaje oo to gə́ ŋgonee wəi ndá yeḛ ḭ ar dee tɔl dee-deḛ lai gə́ to gel-bɔje lə mbai lé.

Maktub gə́ wɔji dɔ Jɔb 30:13

Deḛ tuji kila rəw gə́ wɔji dɔm lé Deḛ ra kula mba karm m’udu ne, Deḛ lé dəw kára kara a la sə dee el.

Gosota-Kəmkàrje 28:16

Njeko̰ɓee gə́ gosonégər lalee lé Néra buguru ləa ḭ dɔ maree’d gə́ kédé-kédé, Nɛ yeḛ gə́ to njeba̰ lə mal nékiŋga gə́ gə goo rəbee el lé Ar ndɔje ləa ḭ dɔ maree’d gə́ kédé-kédé.

Njekillamber 10:16

Meeko̰ a koso dɔi-i ɓee gə́ mbai ləi to gə́ basa ba ləm, ŋgan-mbaije ləi rogo ta ka-nésɔ’g gə ndɔ ràd ya ləm tɔ.

Esai 19:14

Njesigənea̰ ar ndil gə́ ka̰ dɔ kila oso dɔ dee’g Gə mba kar dee d’ar Ejiptəje ləŋg dɔ néra deeje’g lai Asəna gə dəw gə́ kido tɔsee naŋg aree tɔmé ne bèe.

Esai 3:4

Njesigənea̰ pana: N’a kar basaje ɓa to mbaije lə dee ləm, Ŋganje gə́ kas ɓa d’a to njéko̰ dɔ deeje ləm tɔ.

Esai 51:22

Mbaidɔmbaije gə́ Njesigənea̰ lə sí, Ala lə sí gə́ aḭ bada dɔ koso-dəwje’g ləa pa togə́bè pana: Aa ooje, ma m’taa bai gə́ nékai gə́ ar dɔ dəw ila mbir-mbir to keneŋ ji sí’g To bai oŋg ləm, Seḭ a kaije gogo el ŋga!

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Misee 3:5

Ta gə́ Njesigənea̰ pa Dɔ njéteggintaje gə́ d’ar koso-dəwje lə neḛ ndəm lé ɓa nee: Loo gə́ nésɔ to ŋgaŋ dee’g mba kar deḛ to̰ ndá D’ila mber meekulɔm Nɛ loo gə́ nésɔ godo ta dee’g ndá Mber rɔ ɓa d’ila tɔ.

Nahum 3:13

Aa ooje, koso-dəwje lə sí to d’asəna gə denéje gə́ mee ɓee’g lə sí ləm, Tarəwkɔgje lə ɓee lə sí teḛ to tag bə̰dəŋ no̰ njéba̰je’g lə sí ləma, Pər roo pəgərə tarəwje lə sí ləm tɔ.

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.