Esai 3:1 - Maktub gə́ To gə Kəmee

¹ Mbaidɔmbaije gə́ Njesigənea̰ gə́ njeboo-néje A gə kɔr négəd-rɔ gə́ rara ləm, Gə loo-nékiŋga gə́ rara ləm, Gə loo-kiŋga-nésɔ gə́ rara kara ləma, Gə loo-kiŋga-mán gə́ rara kara ləm tɔ Mee ɓee gə́ Jerusalem gə mee ɓeeko̰ gə́ Juda,

Esai 3:1 ပူးပေါင်းရင်းမြစ်များ

2 Mbaije 25:3

Ndɔ gə́ njekɔm’g jinaikara lə naḭ gə́ njekɔm’g sɔ lé ɓoo-boo o̰ mee ɓee-boo’g ar nésɔ dəwje godo.

Pakɔsje 105:16

Yeḛ ɓar ɓoo-boo ila dɔ ɓee’g neelé ləm, Koje lə dee gə́ d’unda kul lé kara Yeḛ tuga sané kad-kad ya ləm tɔ.

Esai 1:24

Gelee gə́ nee ɓa, aa ooje, Ta gə́ Mbaidɔmbaije Ala gə́ njeboo-néje Gə́ to Njesiŋgamoŋ lə Israɛl pa lé ɓa nee: N’a tel tɔl ta oŋg lə neḛ dɔ njékoma̰ sə neḛje’g Ndá n’a dal ba̰ lə neḛ dɔ njéba̰je’g lə neḛ tɔ.

Esai 2:22

Ǝwje rɔ sí kɔmje meḛ sí dɔ dəw’g, Ndu kəmə gə́ kára ba to rəw əmee’g Mbata yeḛ lé to gə́ ɗi ɓa i a kɔm məəi dəa’g wa.

Esai 3:16

Njesigənea̰ pana: Denéje gə́ Jerusalem lé to njékərkəmlooje, Deḛ njaa təd ne gwɔb dee ləm, D’ar kəm dee ɔs loo pal-pal ləm, Deḛ njaa lam-lam bèe ləma, D’ar niŋgaje gə́ gɔl dee’g ɓar ləm tɔ.

Esai 36:12

Rabsake ila dee keneŋ pana: See ɓémje ulam rɔ ɓée síje’g gə rɔ sí-seḭ’g ɓa gə mba kam m’pa taje neelé wa. See to rɔ dəwje nee gə́ d’isi dɔ ndògo-bɔrɔ’g lé ɓa gə mba kar d’usɔ siḭ dee gə d’ai ər dee sə sí na̰’d ɓa yeḛ ulam rɔ dee’g sə sí el wa.

Esai 5:13

Gelee gə́ nee ɓa koso-dəwje ləm lé D’a kwa dee gə́ ɓərje kaw sə dee ɓee-ɓər’g, Dəwje lə dee gə́ boo-boo d’a kwəi yoo-ɓoo ləm, Koso-dəwje lə dee gə́ bula digi-digi lé d’a kwəi yoo-kunda ləm tɔ.

Esai 51:22

Mbaidɔmbaije gə́ Njesigənea̰ lə sí, Ala lə sí gə́ aḭ bada dɔ koso-dəwje’g ləa pa togə́bè pana: Aa ooje, ma m’taa bai gə́ nékai gə́ ar dɔ dəw ila mbir-mbir to keneŋ ji sí’g To bai oŋg ləm, Seḭ a kaije gogo el ŋga!

Esai 9:20

Manasə d’oma̰ gə Eprayimje ləm, Eprayimje d’oma̰ gə Manasə ləm tɔ, Tɔɓəi deḛ joo bɔr d’oma̰ gə Judaje. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ ya ɓəi ləm tɔ.

Jeremi 37:21

Yen ɓa mbai Sedesias, un ndia ar dee gə mba kar dee ŋgəm Jeremi gad kəi-daŋgai’g ləm, gə mba kar dee d’aree pil muru kára gə́ deḛ ndogo mba̰-rəw’g lə njékoro muruje lé gə ndɔje kára-kára lai ləm tɔ saar kar pil muruje gə́ mee ɓee-boo’g neelé godo lai. Togə́bè ɓa Jeremi nai ne mee gad kəi-daŋgai’g lé tɔ.

Jeremi 38:9

Ǝi mbai ləm, né gə́ dəwje nee ra gə Jeremi, njetegginta gə́ d’ilá mee bwa-mán’g lé to né gə́ majel. Yeḛ a kwəi yoo-ɓoo lé’d gə́ yeḛ si keneŋ mbata muru godo mee ɓee-boo’g neelé.

Jeremi 52:3

Néje neelé teḛ mbata oŋg lə Njesigənea̰ ḭ səa pu dɔ Jerusalem’g gə Juda gə́ yeḛ ndigi kɔs dee rəw rəa’g. Yen ŋga Sedesias ḭ ɔs mbai gə́ Babilɔn rəw.

Jeremi 52:6

Ndɔ gə́ njekɔm’g jinaikara mee naḭ gə́ njekɔm’g sɔ lé ɓoo-boo taa mee ɓee-boo neelé pəl-pəl, ar nésɔ to keneŋ mbata koso-dəwje gə́ mee ɓee’g el.

Nɔ̰-ndôo gə́ wɔji dɔ Jerusalem 5:4

Man-kai sí lé jeḛ ndogoje gə lar ləm, Kir lə sí kara lar ya ɓa jeḛ ndogoje ne ləm tɔ.

Ejekel 14:13

Ma ŋgon-dəw lé ɓó lé dəwje gə́ mee ɓee gə́ kára ra kaiya d’ɔs ne neḛ rəw mba kya̰ goo ndukunje lə neḛ ɓa n’ula ji neḛ ndiŋ gə́ dɔ dee’g ləm, ɓó lé n’tuji kó rɔ lə dee ləm, ɓó lé n’ula gə ɓoo-boo dɔ dee’g ləma, ɓó lé n’tuji dəwje gə daje pugudu-pugudu ləm tɔ lé

Ləbije 26:26

Loo gə́ m’a kar nésɔ sí rəm gogo mba̰ ndá denéje dɔg d’a kɔré muru mee pil gə́ kára ba ndá d’a kaw ne kar sí nɛ muru lé a keḭ el ləm, seḭ a ko̰je kara a koso loo ɓó’g lə sí el ləm tɔ.

Amɔs 4:6

Neḛ lé n’ar ɓoo-boo oso dɔ ɓee-booje’g lə sí lai ləm, N’ar nésɔ lal sí loo-si síje’g lai ləm tɔ. Nɛ lé to togə́bè kara Seḭ tel reeje rɔ neḛ’g el. Njesigənea̰ ɓa pa bèe.

Misee 4:9

See gelee ban ɓa ɓasinè seḭ ɔrje ndu sí gə́ tar wəl no̰je ne wa. See mbai lə sí əsé njekwɔji sí takəmkàrje godo ɓa Seḭ tuma̰je ne rɔ sí asəna gə dené gə́ ndóo tée bèe wa.