Esai 29:9 - Maktub gə́ To gə Kəmee

⁹ Sije jim arje kaar sí wa sí paḭ ləm, Nibije kəm sí to gə́ seḭ toje njékəmtɔje Gə́ d’oo loo el ləm tɔ! Deḛ lé kido tɔl dee Nɛ to mán-nduú ɓa ra dee el ləm, Deḛ ləŋg Nɛ to kido gə́ mḭ ɓa oso kəm dee’g el ləm tɔ.

Esai 29:9 ပူးပေါင်းရင်းမြစ်များ

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 19:14

Njesigənea̰ ar ndil gə́ ka̰ dɔ kila oso dɔ dee’g Gə mba kar dee d’ar Ejiptəje ləŋg dɔ néra deeje’g lai Asəna gə dəw gə́ kido tɔsee naŋg aree tɔmé ne bèe.

Esai 29:1

Meeko̰ a koso dɔ Ariel’g, dɔ Ariel’g, Ɓee-boo gə́ Dabid ra loo-siée keneŋ! Maji kar ləbee ɔs dɔ maree’g maree’g ləm, Maji kar ndɔ naḭje ləa d’aw lée’g béréré-béréré ləm tɔ.

Esai 29:10

Mbata Njesigənea̰ ɔm ndil gə́ tɔl sí gə ɓi pərəg dɔ sí’g Yeḛ libi kəm sí. (Rɔta kəm sí neelé wɔji dɔ njéteggintaje.) Yeḛ kə́ dɔ sí gə né. (Rɔta dɔ sí neelé wɔji dɔ njénékooje.)

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 51:17

Teḛje kəm sí, seḭ gə́ Jerusalem, Teḛje kəm sí ndá ḭje tar! Seḭ gə́ aije oŋg gə́ to mee bai gə́ to ji Njesigənea̰’g, Seḭ gə́ aije njibije nja̰-nja̰ Saar arje dɔ sí ila mbir-mbir lé!

Esai 56:10

Njékaa dɔ Israɛlje lai to gə́ njékəmtɔje Gə́ lal gosonégər, Deḛ lai to bisije gə́ gwɔb dee udu Gə́ d’askəm ro el, Deḛ to gə́ njénije Gə́ to naŋg ləm, D’unda ɓi ɓa dan kəm dee’g ləm tɔ.

Esai 6:10

Ar meḛ koso-dəwje neelé ndər ləm, Ar mbi dee udu ləma, Ar kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ginee ləma, D’a kɔs badm tel kar neḛ n’aji dee ləm tɔ.

Esai 63:6

Ma mbula koso-dəwje gə oŋg ləm, M’ra dee gə boo-oŋg M’ar dee to d’asəna gə dəwje gə́ kido oso kəm dee’g bèe ləma, M’ɔm məs dee naŋg ləm tɔ.

Jeremi 13:13

Yen ŋga m’a kula dee pana: Njesigənea̰ pa togə́bè pana: Aa ooje, dəw-mee-ɓeeje ləm, gə mbaije gə́ d’isi dɔ kalimbai’g lə Dabid ləm, gə njékinjanéməsje ləm, gə njéteggintaje ləma, gə deḛ lai gə́ d’isi Jerusalem ləm tɔ lé n’a kar dɔ dee tel wagəsa asəna gə dəw gə́ mán-nduú gə́ mḭ rəa bèe.

Jeremi 2:12

Seḭ gə́ síje dara lé Arje kaar sí wa sí paḭ dɔ né’g neelé ləm, Undaje bala tigi-tigi Mbata néɓəl gə né gə́ to kḛji ləm tɔ! Njesigənea̰ ɓa pa bèe.

Jeremi 23:9

Ta gə́ wɔji dɔ njéteggintaje. Dɔ ɓəŋgərəm gə́ kəi ndiri njigi-njigi Ar siŋgarɔmje lai d’unda bala, Ma m’to asəna gə dəw Gə́ mán-nduú gə́ mḭ tɔlee Tɔsee naŋg bèe Gə mbata lə Njesigənea̰ ləm, Gə Mbata taje ləa gə́ to gə kəmee ləm tɔ.

Jeremi 25:27

M’a kula dee pana: Njesigənea̰ gə́ njeboo-néje, Ala lə Israɛlje pa togə́bè pana: Aije areeje tɔl sí ar sí tɔméje tululu-tululu ndá tosoje ne lal kuba loo kḭ tar loo gə́ seḭ ooje kiambas gə́ n’a gə kula ne mbuna sí’g lé!

Jeremi 4:9

Njesigənea̰ pana: Mee ndəa’g neelé Mbai gə ŋgan-mbaije ləa lé Meḛ dee a kila kas ləm, Kaar njékinjanéməsje a kwa dee paḭ ləma, Njéteggintaje d’a si jim ləm tɔ.

Jeremi 51:7

Kédé lé Babilɔn To gə́ bai-larlɔr ji Njesigənea̰’g, Né gə́ mee bai’g neelé Ra dəwje lai dɔ naŋg nee, Ginkoji dəwje gə raŋg D’ai mán-nduú gə́ mḭ gə́ to mée’g lé. Gelee gə́ nee ɓa Ginkoji dəwje gə raŋg tel to ne mbəje.

Nɔ̰-ndôo gə́ wɔji dɔ Jerusalem 4:21

Maji kari al rɔi gə meendakaḭ I ŋgoma̰də gə́ Edɔm gə́ si mee ɓee gə́ Uts lé Mbata bai-oŋg neelé a teḛ rɔi’g ya, I a kai karee tɔli ndá i a kaw kudi dum tɔ.

Habakuk 1:5

Maji kar sí ilaje kəm sí dɔ ginkoji dəwje gə raŋg’g oo deeje, Arje kaar sí wa sí paḭ ləm, arje ɓəl unda sí badə gaŋg sí ləm tɔ! Mbata mee ndɔje gə́ sije kəmba’g lé né gə́ to ɓəl a dəs ya. Ɓó lé dəw ɔr gée ar sí kara seḭ a kɔmje meḛ sí dɔ’g el.

Matiyo 26:45

Tɔɓəi yeḛ tel aw rɔ njékwakiláje’g ula dee gə no̰ pana: Tojeɓi, waje ne rɔ sí ɓasinè. Aa ooje kàr kula Ŋgon-dəw ji njékaiyaje’g lé nai dəb ba ŋga.

Mark 14:41

Yeḛ ɔs tel ree rɔ dee’g ɔm’g gɔl munda ndá ula dee pana: As ŋga! Tojeɓi ɓasinè aw waje ne rɔ sí. Aa ooje, kàr kula Ŋgon-dəw ji njékaiyaje’g lé teḛ mba̰.

Loo gə́ killa rea kəm Ja̰’g 17:6

Ma m’oo dené lé, məs deḛ gə́ to gə kəmee ləm, gə ka̰ njékɔrgootaje lə Jeju gə́ d’wəi mbata ləa ləm tɔ tɔl dené lé asəna gə mán-nduú gə́ mḭ gə́ ai.