Esai 29:2 - Maktub gə́ To gə Kəmee

² M’a kaḭ dɔ Ariel sub gə rɔ Ndá no̰ ndòo gə tuma̰ ŋgururu-ŋgururu d’a taa loo keneŋ, Bèe ɓa ɓee-boo lé a to kasəna gə́ Ariel mbam-ma ya.

Esai 29:2 ပူးပေါင်းရင်းမြစ်များ

Esai 1:14

Ndɔ ra naḭje lə sí gə́ teḛ sigi, Gə naḭje lə sí lé Ma m’ə̰ji dee bəḭ-bəḭ, Deḛ to nékodo gə́ wɔi dɔm’g ləm, Rɔm asm dɔ dee’g ləm tɔ.

Esai 10:32

Deḛ d’aar naŋg Nob as ndɔ kára Ndá deḛ sɔb ji dee ndaŋg ne mbal gə́ Sio̰ Gə́ to dɔdərloo gə́ Jerusalem lé.

Esai 17:14

Loo gə́ kàrkemetag ndá aa ooje, ɓəl-boo wa dee, Kédé ɓa gə mba kar loo àr ɓəi lé Deḛ godo ŋga! Yee ɓa to gə́ nékoga-dɔ-ji dee-deḛ Gə́ to njétuji néje lə sí ləm, Gə né ka̰ dee-deḛ Gə́ to njéɓogo síje lé ləm tɔ.

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 34:6

Kiambas lə Njesigənea̰ lé məs gə ubu wa keneŋ mbəgə-mbəgə, To məs ŋgan badje gə bàl bya̰je ləm, To ubu gə́ wa reŋ bàl badje ləm tɔ, Mbata nékinjaməs lə Njesigənea̰ To mee ɓee-boo gə́ Bosra ləm, Yoo-dəwje to naŋg rib-rib mee ɓee gə́ Edɔm ləm tɔ.

Esai 36:22

Bèe ɓa Eliakim, ŋgolə Hilkija, yeḛ gə́ to njekaa dɔ kəi lə mbai ləm, gə Sebna, njendaji-maktub ləma, gə Joa, ŋgolə Asap gə́ njeŋgəm maktub ko̰ɓee ləm tɔ lé tel ree rɔ Ejekias’g gə kubuje lə dee gə́ til hao̰-hao̰ tɔɓəi deḛ ndaji taje gə́ Rabsake pa lé d’aree oo tɔ.

Esai 37:3

Ndá deḛ d’ulá pana: Ejekias pa togə́bè pana: ndɔ gə́ ɓogənè lé to ndɔ néurti ləm, gə ndɔ kwɔji kəmkàr ləma, gə ndɔ rɔkul ləm tɔ, mbata nai lam ba kar ŋganje teḛ meḛ ko̰ deeje’g nɛ siŋgá gə́ ka̰ koji dee ne godo.

Nɔ̰-ndôo gə́ wɔji dɔ Jerusalem 2:5

Mbaidɔmbaije lé tel to gə́ njeba̰ bèe, Yeḛ turu njé gə́ Israɛl mag-mag mée’g ləm, Yeḛ tuji kəi-mbaije lə dee ləm, Yeḛ jané kəi-kaar-kɔgərɔje lə dee ləma, Yeḛ ar tuma̰ rɔ gə no̰je ɓa Taa mee ŋgoma̰də gə́ Juda lé pəl-pəl ləm tɔ.

Ejekel 22:31

Yen ŋga n’a kɔm boo-oŋg lə neḛ dɔ dee’g ləm, n’a roo dee dula-dula gə pər oŋg lə neḛ ləma, n’a kar ta néra deeje tel wa dɔ dee ləm tɔ. Mbaidɔmbaije gə́ Njesigənea̰ ɓa pa bèe.

Ejekel 39:17

I ŋgon-dəw lé Mbaidɔmbaije gə́ Njesigənea̰ pa togə́bè pana: Maji kari ula yelje gə néje lai gə́ gə bag dee ləm, gə daje gə́ wala lai ləm tɔ m’pana: Mbo̰je dɔ na̰ reeje, ḭje gə looje ɓəd-ɓəd ree iŋgaje na̰ mbata nékinjaməs gə́ neḛ nja n’inja mbata lə sí to nékinjaməs gə́ boo gə́ n’inja dɔ mbalje gə́ Israɛl! Seḭ a sɔje da ləm, seḭ a kaije məs ləm tɔ.