Esai 29:1 - Maktub gə́ To gə Kəmee

¹ Meeko̰ a koso dɔ Ariel’g, dɔ Ariel’g, Ɓee-boo gə́ Dabid ra loo-siée keneŋ! Maji kar ləbee ɔs dɔ maree’g maree’g ləm, Maji kar ndɔ naḭje ləa d’aw lée’g béréré-béréré ləm tɔ.

Esai 29:1 ပူးပေါင်းရင်းမြစ်များ

2 Samel 5:9

Dabid si kəi-kaar-kɔgərɔ’d gə́ ɓaree ɓee-boo lə Dabid lé. Yeḛ unda kəi-ŋgəm-looje gugu ne dɔ Milo dəb loo gə́ kəi’g ləm, gə debee gə́ raga’g ləm tɔ.

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Esai 29:9

Sije jim arje kaar sí wa sí paḭ ləm, Nibije kəm sí to gə́ seḭ toje njékəmtɔje Gə́ d’oo loo el ləm tɔ! Deḛ lé kido tɔl dee Nɛ to mán-nduú ɓa ra dee el ləm, Deḛ ləŋg Nɛ to kido gə́ mḭ ɓa oso kəm dee’g el ləm tɔ.

Esai 31:9

Yeḛ gə́ to dɔ mbal lə dee a kaḭ gə kəm ɓəl ləm, Mbaije lə dee d’a kunda bala no̰ nétɔji’g ləm tɔ, Njesigənea̰ gə́ pər ləa to Sio̰’g ləm, Gə bwa-bṵda ləa to Jerusalem’g ləm tɔ lé ɓa pa bèe.

Esai 5:12

Kṵdu-ka, gə kṵdu-ko̰dè, Gə dalè-bajiŋ, gə buula, gə mán-nduú gə́ mḭ ɓa D’ɔs ne kudu ra naḭje lə dee. Nɛ deḛ d’oo kula ra Njesigənea̰ gə́ né el ləm, Kulaje gə́ jia ra lé d’oo el ləm tɔ.

Esai 66:3

Dəw gə́ tɔl bɔ maŋg gə́ nékinjaməs lé Yeḛ tɔl dəw bèe ya ləm, Dəw gə́ inja ŋgon badə gə́ nékinjaməs lé Yeḛ təd gwɔb bisi bèe ya ləm, Dəw gə́ un nékar gə́ to nduji lé Yeḛ saga məs da-bər bèe ya ləma, Dəw gə́ tuu né gə́ ə̰də sululu lé Yeḛ wa magəje mée’g bèe ya ləm tɔ. Deḛ lai neelé d’ɔr kəm rəwje lə dee Mba njaa keneŋ ləm, Meḛ dee lel dee dɔ néje’g lə deḛ gə́ mina̰ ləm tɔ.

Jeremi 7:21

Njesigənea̰ gə́ njeboo-néje gə́ to Ala lə Israɛlje lé pa togə́bè pana: Ɔmje nékinjanéməsje lə sí gə́ ka̰ roo lé dɔ nékinjanéməsje’g lə sí ndá seḭ nja a sɔje dakas dee!

Ojee 5:6

D’a kaw gə badje gə maŋgje lə dee Gə mba ndolè ne goo Njesigənea̰, Nɛ d’a kiŋgá el, Mbata yeḛ sa rəa rəw mbuna dee’g.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Ojee 9:4

Deḛ d’a kun nékar gə́ to mán-nduú Gə́ ka̰ tər naŋg kar Njesigənea̰ el ləm, Néje neelé a taa kəmee el ləm tɔ. Nékinjaməsje lə dee lé A to kasəna gə muru kwa ndòo yoo bèe. Deḛ lai gə́ d’a ko̰ muree neelé d’a tel mina̰ ne Mbata muru lə dee lé a to mbata lə dee-deḛ ya ba Ɓó d’a kandə ne mee kəi’g lə Njesigənea̰ el.

Ləbije 23:4

Ndɔ ra naḭje lə Njesigənea̰ gə́ raŋg, gə́ to loo-mbo̰-dɔ-na̰je gə́ to gə kəmee mba kwam ne meḛ sí’g, gə́ seḭ a kilaje mberee mee ndɔje gə́ wɔji dɔ dee lé ɓa nee:

Ǝbrəje 10:1

Tɔgərɔ ya godndu lé gə́ wa ndil néje gə́ wɔji dɔ darɔ néje gə́ a gə ree lé to mbɔree’g ɓó to as səa béréré-béréré el. Togə́bè ɓa nékinjanéməsje gə́ deḛ d’inja d’ɔs ne goo na̰ goo na̰ gə ləb dee ləb dee lé d’askəm kar njeaje-je to ne maji d’ɔr njoroŋ el.