Esai 28:4 - Maktub gə́ To gə Kəmee

⁴ Ndá pudu gə́ ndòlé gə́ to néɗɔi-rɔ Dɔ wəl-loo gə́ aar kó’g lé A to kasəna gə kandə kodé gə́ kas Gə́ d’oo kédé ɓa naḭ kḭjá teḛ ɓəi lé Loo gə́ dəw ti wa jia’g ndá Sɔ gə́ lé gən ya.

Esai 28:4 ပူးပေါင်းရင်းမြစ်များ

Esai 28:1

Meeko̰ a koso dɔ ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé ləm, Gə pudu gə́ to néɗɔi-rɔ dɔ wəl-loo gə́ aar kó’g Gə́ wɔji dɔ deḛ gə́ d’ar kido tɔs dee ndəgərə naŋg lé ləm tɔ.

Esai 8:4

Mbata ɓad ɓa mba kar ŋgon gər loo pana: Bai! əsé ya! lé ɓəi ndá d’a kodo nébaoje gə́ Damas gə nébanrɔje gə́ Samari kaw ne rɔ mbai gə́ Asiri’g.

Ojee 13:1

Loo gə́ Eprayimje d’isi pata ndá To né gə́ to ɓəl kədm-kədm: Deḛ d’ar ri dee oso gə loo mbidi-mbidi mee ɓee gə́ Israɛl. Nɛ d’ar ta wa dɔ dee mbata lə magə-Baal ndá d’wəi ne.

Ojee 13:15

Lée nékiŋgaje lə Eprayimje to yaa̰ mbuna ŋgako̰ deeje’g kara Lel gə́ a kḭ bər lé a kula dɔ dee’g ləm, Lel lə Njesigənea̰ a kḭ dɔdilaloo’g kula ləm tɔ Ndá kəm-rəw-manje lə dee d’a tudu kurum-kurum ləm, Manje lə dee gə́ d’aḭ kuji-kuji kara d’a kyi tə-tə ləma, Kəi-nébaoje gə́ néje gə́ to ŋgonkəm dee to keneŋ lé D’a kunda deḛ lai gə́ nébanrɔ kaw ne ləm tɔ.

Ojee 6:4

Ǝi seḭje gə́ Eprayim, See ɗi ɓa m’a ra sə sí wa. Ǝi seḭje gə́ Juda, See ɗi m’a ra sə sí wa. Kundam dan kəm sí’g lé To asəna gə mum gə́ oso gə ndɔ bèe ləm, To asəna gə mán tàl gə́ wa ɓa gəḭ gə ndɔ bèe ləm tɔ.

Ojee 9:16

D’unda Eprayimje d’ar ŋgira dee tudu kurum, D’a kandə nda̰ el, Ɓó lé denéje d’oji ŋganje kara Né gə́ to ŋgonkəm dee lé M’a karee udu bo̰.

Misee 7:1

Meeko̰ oso dɔm’g! Mbata ma m’to m’asəna gə dəw Gə́ aw mba kinja kandə kag naḭkuli bèe ləm, M’to m’asəna gə njekaw ɓuru tor kandə nduú’g bèe ləm tɔ: Néɓuru gə́ ka̰ sɔ lé godo ləm, Kandə kodé gə́ doŋgɔr gə́ məəm ndigi lé godo ləm tɔ.

Nahum 3:12

Kəi-kaar-kɔgərɔje lə sí lai To d’asəna gə kag-kodéje gə́ kandə dee gə́ dɔtar kas bèe, Loo gə́ yə dee ndá Kandə dee gəḭ wududu ta dəw gə́ ndigi sɔ dee’g.

Loo gə́ killa rea kəm Ja̰’g 6:13

Kéréméje toso naŋg asəna gə kodé gə́ lel-boo ɓiree widi-widi ar bəsəree gəḭ naŋg bèe səm.