Esai 28:22 - Maktub gə́ To gə Kəmee

²² Ɓasinè maji kar sí ya̰je rɔ sí dan nékula sul dɔ’g el nà banelə kúla gə́ d’wa sí ne lé a ŋgəŋ ŋgəŋ-ŋgəŋ. Mbata ta tuji ɓeeje lai lé to njaŋg mba̰, ma m’oo taree rɔ Mbaidɔmbaije gə́ Njesigənea̰ gə́ njeboo-néje’g.

Esai 28:22 ပူးပေါင်းရင်းမြစ်များ

2 Sôrta Gḭka Israɛlje 30:10

Njékaḭkulaje lé d’aw gə kudu ɓee kudu ɓee mee ɓee’g lə Eprayimje gə Manasəje lai saar teḛ ne Jabulo̰. Nɛ kogo ya deḛ kogo dee d’ula ne sul dɔ dee’g tɔ.

2 Sôrta Gḭka Israɛlje 33:11

Yen ŋga Njesigənea̰ ar ɓé-njérɔje gə́ Asiri ree d’wa Manasə teá gə kúla lar, deḛ teá gə kúla larkas njim-njim d’aw səa Babilɔn tɔ.

2 Sôrta Gḭka Israɛlje 36:16

Nɛ deḛ d’ula sul dɔ njékaḭkulaje’g lə Ala d’ə̰ji dee ne bəḭ-bəḭ ləm, d’unda njéteggintaje lé gə́ nékogo ləm tɔ saar d’ar oŋg lə Njesigənea̰ ḭ ne səa dɔ koso-dəwje’g ləa ar loo kwa ŋgaŋgee godo tɔ.

Pakɔsje 107:16

Mbata yeḛ təd tarəwkəije gə́ ra gə lar gə́ kas lé kərm-kərm ləm, Kɔgərɔ larndul lé yeḛ təd kərm-kərm ləm tɔ.

Teḛ-Raga 8:25

Moyis ilá keneŋ pana: M’a gə kunda loo mee kəi’g ləi teḛ gə́ raga ndá m’a ra tamaji ta Njesigənea̰’g ya. Bèlè ɓa kəm mbàje lé d’a kɔr rɔ dee rɔ Parao̰’g pam ləm, gə rɔ kuraje’g ləa ləma, gə rɔ dəwje’g ləa ləm tɔ. Nɛ maji kar Parao̰ ra gosɔyèr gə mba mbad kya̰ dəwje kar dee d’aw mba kinja nékinjanéməsje kar Njesigənea̰ lé el ŋga.

Gosota-Kəmkàrje 19:29

Rəwta gə́ gaŋg lé d’wa dɔ gɔlee mbata njekula sul dɔ loo’gje mba̰, Ndəi to mbata gir mbə-dəw tɔ.

Gosota-Kəmkàrje 29:1

Dəw gə́ kəm kar dee ndaŋgee nɛ yeḛ uba gwɔbkelkwɔi lé A təd njigi-njigi gə́ léegəneeya kar loo gɔlee a godo.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 28:23

Urje mbi sí ooje ne ndum! Sije gèŋ ooje ta ləm!

Jeremi 15:17

Ma m’isi loo-kwa-dɔ-na̰’g Le njékimlooje gə mba kal rɔm sə dee el, Nɛ gə goo siŋgamoŋ ləi lé M’isi ne gə karm ba, Mbata i ar oŋg-boo rusu məəm tub-tub.

Jeremi 20:7

I Njesigənea̰ ərm gə́ kər Ndá ma m’ya̰ rɔm m’ari ərm ya tɔ, I wam kérég ləm, i dum dɔm ləm tɔ. Gə ndɔje kára-kára lai m’to gə́ nékunda-kogo Ar dəwje lai d’ula sul dɔm’g.

Jeremi 25:11

Ɓee nee lai a tuji ləm, a tel to dɔ nduba ləm tɔ ndá ginkoji dəwje gə raŋg neelé d’a ra kula ɓər kar mbai gə́ Babilɔn as ləb dee rɔ-siri.

Jeremi 36:23

Loo gə́ Jehudi tura maktub lé as kamee munda əsé sɔ jén bèe ndá mbai tḭja kam maktub neelé gə ŋgon kia lə njendaji-maktub lé gaŋg mbidi-mbidi, ɔm dɔ pər’d gə́ to mee əb’g lé saar aree roo dula-dula.

Jeremi 39:7

Tɔɓəi yeḛ ar dee tɔs kəm Sedesias tɔ ndá deḛ teá gə kúla larkas mba kaw səa Babilɔn.

Nɔ̰-ndôo gə́ wɔji dɔ Jerusalem 1:14

Yeḛ tɔs dɔ néramje gə́ majel lé na̰’d lai Aree to gə́ nékodo gə́ wɔi dɔm’g, Yeḛ ar siŋgam kara yɔ tɔ. Njesigənea̰ ya̰’m ji njéba̰je’g Gə́ m’askəm nar rɔm ji dee’g el.

Ejekel 22:14

See seḭ a kwaje meḛ sí kɔgərɔ ləm, a karje ji sí ɓar mèr-mèr ləm tɔ mee ndɔje gə́ n’a gə ra sə sí né lé ya wa. Neḛ Njesigənea̰ ɓa m’pata ndá n’a ra née ya.

Nahum 1:9

See ta ɗi ɓa seḭ la̰jije meḛ sí’g Mba kɔs ne Njesigənea̰ rəw wa. To yeḛ nja tuji loo pugudu-pugudu. Néurti lé a teḛ gɔl joo el.

Matiyo 27:39

Deḛ gə́ dəs lé deḛ tajee ləm, tuga dɔ dee jəgm-jəgm ləm tɔ,

Matiyo 27:44

Gayim-ɓogoje gə́ ɗar dee səa lé deḛ kara tajee sə dee na̰’d més tɔ.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Néra Njékaḭkulaje 17:32

Loo gə́ deḛ d’oo ta teḛ gə́ dəwje d’a gə teḛ dɔkumbwa’g lé ndá njé gə́ na̰je kɔgee ləm, njé gə́ raŋg pana: J’a koo səa taree ndɔ gə́ raŋg ɓəi ləm tɔ.