Esai 28:2 - Maktub gə́ To gə Kəmee

² Aa ooje, dəw gə́ njesiŋgamoŋ gə tɔgmbaŋ Gə́ ḭ rɔ Njesigənea̰’g si ree Asəna gə ndi gə́ ər ləm, Gə ko̰ ndi gə́ to njetuji loo ləma, Asəna gə lel-boo gə́ ar kəm-rəw-manje d’ula kalaŋ ləm tɔ, Ndá yeḛ tɔsee tilá gə siŋgamoŋgee.

Esai 28:2 ပူးပေါင်းရင်းမြစ်များ

Maktub gə́ wɔji dɔ Jɔb 22:16

Deḛ lé kédé ɓa kar ndɔ dee as ɓəi ndá d’ɔd d’aw ləm, Kur dee əw asəna gə mán béləm gə́ dəs kalaŋ bèe ləm tɔ.

Esai 25:4

Mbata kédé i to loo-kiya-rɔ Le yeḛ gə́ siŋgá godo ləm, Loo-kiya-rɔ lə njenékəmndoo Gə́ si dan néurti’g ləm, Gə néko̰-dɔ-loo loo gə́ lel-boo ula ləma, Gə ndil-ko̰-dɔ-loo loo gə́ kàr ɔs yaa̰ ləm tɔ, Mbata lel ta njékorè dɔ dəwje naŋg lé To asəna gə lel-mal gə́ unda ndògo-bɔrɔ naŋg bèe.

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Esai 29:6

Ndá Njesigənea̰ gə́ njeboo-néje a ree rɔi’g Gə ndije gə́ ndaŋg ləm, Gə́ naŋg gə́ yə ɓugu-ɓugu ləm, Gə kaa né gə́ ɓar gə́ to ɓəl kədm-kədm ləm, Gə ko̰ ndi gə lel-boo ləma, Gə ndo̰ pər gə́ roo loo dula-dula ləm tɔ.

Esai 30:28

Kəmə gə́ yeḛ ila pugudu lé To asəna gə mán baa gə́ ḭ aw saar wa gwɔs dəw mbiriri bèe Mba yə ne ginkoji dəwje gə raŋg gə néje gə́ ka̰ tuji loo ləm, Asəna gə aljem goso Gə́ to biri ŋgaŋ koso-dəwje’g bèe ləm tɔ.

Esai 30:30

Yen ŋga Njesigənea̰ a kar dee d’oo ndia gə́ ka̰ boo-ronduba gə́ ɓar wəl, Tɔɓəi yeḛ a tɔji dee jia gə́ to pèrèrè gə mba kunda dee ne Dan boo-oŋg’d ləa gə́ nuŋga kəd-kəd ləm, Gə dan ko̰ ndi gə́ ər bai-bai’g ləma, Gə dan lel-boo gə ndi kwɔji gə́ taa loo yəŋgəm-yəŋgəm ləm tɔ.

Esai 32:19

Nɛ ndi-kwɔji gə́ ər bai-bai A təd kagje gə́ mee kag-kɔr’g ləm, A kar ɓee-boo oso naŋg pal ləm tɔ.

Esai 40:10

Aa ooje, Mbaidɔmbaije gə́ Njesigənea̰ lé si ree gə siŋgamoŋ Yeḛ a ko̰ɓee gə jia gə́ ɓar mèr-mèr, Aa ooje, nékoga-dɔ-ji ləa to meḛ jia’g ləm, Nékoga-dɔ-jije ləa lé to nea̰’g ləm tɔ.

Esai 8:6

Mbata kḛji gə́ dəwje neelé d’ə̰ji manje gə́ Siloe Gə́ d’aḭ yer-yer lé bəḭ-bəḭ ləm, Gə rɔlel gə́ deḛ ra wɔji dɔ Resin gə dɔ ŋgolə Remalia ləm tɔ lé

Ejekel 13:11

Maji kam m’ula njérḛd bɔrɔ gə́ majel kenḛgje lé to gə́ ndògo-bɔrɔ lé a gə təd. Ndi bura-boo a tɔ kub kər ɓai-ɓai ndá, əi, seḭ kwɔjije a juraje naŋg ləm, lel-ndi a kula mbḭ-mbḭ ləm tɔ.

Ejekel 38:9

I a kḭ kaw ndá i a teḛ asəna gə lel-boo ləm, i a to asəna gə mum gə́ a gə dəb dɔ ɓee’g bèe ləm tɔ, i gə kudu-njérɔje ləi lai ləm, gə koso-dəwje gə́ bula digi-digi gə́ d’isi səi lé ləm tɔ.

Loo gə́ killa rea kəm Daniel’g 9:26

Loo gə́ mee ndəaje gə́ siri-siri gɔl rɔ-misa̰-giree-joo godo mba̰ ndá yeḛ gə́ deḛ tər ubu dəa’g lé d’a tɔlee, tɔɓəi njetaa toree a godo. Dəwje lə mbai gə́ kára d’a ree mba tuji ɓee-boo ləm, gə loo gə́ to gə kəmee ləm tɔ. Rudu tuji a to kasəna gə ma̰-bélm bèe, tɔɓəi tujije d’a to keneŋ saar d’a təd ne rɔ.

Nahum 1:8

Nɛ paŋgəm mán gə́ turu tuma̰-tuma̰ lé ɓa Yeḛ a tuji ne loo neelé pugudu. Tɔɓəi yeḛ a tuba njéba̰je ləa Saar kɔm dee dan loo gə́ ndul njudu-njudu’g.

Jujé 10:11

Loo gə́ d’isi d’aḭ no̰ Israɛlje’g teḛ ne loo-suru-ɗum’g lə ɓee gə́ Bet-Oron ndá Njesigənea̰ tila dee gə kwɔjije gə́ boi-boi gə́ d’ḭ dara saar ndá deḛ d’wəi ne lai ya mee ɓee gə́ Ajeka, deḛ gə́ d’wəi yoo-kwɔji lé bula d’unda deḛ gə́ Israɛlje tɔl dee gə kiambas tɔ.

Loo gə́ killa rea kəm Ja̰’g 18:8

Gelee gə́ nee ɓa tuji-booje d’a koso ne dəa’g mee ndɔ gə́ kára ba’g ya as bèe: yoo ləm, gə kəmndooyoo ləma, gə yoo-ɓoo ləm tɔ ndá pər ɓa d’a rée ne. Mbata Mbaidɔmbaije Ala gə́ njesiŋgamoŋ lé gaŋg rəwta dəa’g ya.

Loo gə́ killa rea kəm Ja̰’g 8:7

Kura gə́ dɔtar im to̰to̰ ləa ndá ndi ər gə kwɔji ləm, pər gə́ pələ na̰’d gə məs ɔm dɔ naŋg nee ləm tɔ. Pər o̰ dəb naŋg kára nɛ debee nai joo ɓəi ləm, kagje gə́ dɔ naŋg nee d’o̰ pər dəb kára nɛ dəb dee nai joo ɓəi ləma, muje gə́ təb lé pər o̰ dee kənənə-kənənə ləm tɔ.