Esai 27:8 - Maktub gə́ To gə Kəmee

⁸ I wɔji dee kəmkàr aree as lé Loo gə́ i ar dee d’wa dee d’aw sə dee ɓee-ɓər’g Asəna gə lel-boo gə́ ḭ bər Ɔr dee aw sə dee bèe.

Esai 27:8 ပူးပေါင်းရင်းမြစ်များ

Maktub gə́ wɔji dɔ Jɔb 23:6

See yeḛ a kḭ gə siŋgamoŋgee bura ya rɔ ne səm wa. Wah! Yeḛ a kur mbia koo ne ta ləm ya.

Pakɔsje 103:14

Mbata né gə́ yeḛ uba unda sí ne lé yeḛ gər gao, Yeḛ ar mée olé dɔ’g to gə́ jeḛ n’toje gə́ nduji naŋg ya.

Pakɔsje 103:9

Yeḛ to njendaŋ dəwje gə́ kédé-kédé el ləm, Oŋg ləa kara yeḛ wa mée’g saar-saar el ləm tɔ.

Pakɔsje 38:1

Pa lə Dabid gə́ ɔs mba kar mee Ala olé ne dəa’g

Pakɔsje 6:1

Pa lə Dabid gə́ ar bao-pa mba karee ɔs sə dee lé. D’ɔs gə kṵdu-kag gə́ kulá jinaijoo.

Pakɔsje 76:10

Loo gə́ Ala ḭ mba gaŋgta Gə mba kaji ne njénékəmndooje lai gə́ dɔ naŋg nee.

Pakɔsje 78:38

Nɛ lé bèe kara gə goo meekɔrjol ləa ɓa Yeḛ ar mée ti ne mbidi dɔ néra gə́ kori-kori’g lə dee Ɓó yeḛ tuji dee ne el: Ta-ta yeḛ wa goo oŋg ləa sud Ɓó ya̰ rəa yag dan boo-oŋg’g ləa el.

Esai 1:5

Loo gə́ kɔs ta rəw lə sí ḭ dɔ maree’d gə́ kédé-kédé lé See bo̰ néra sí gə́ sigi Gə́ ra ɓa kəm karee ɔs ta sí’g wa. Rɔko̰ ta dɔ sí bura pəl-pəl ləm, Meḛ sí bura kara tila ŋgaḭla-ŋgaḭla ləm tɔ.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 54:7

Ma m’uba sí m’ya̰ sí, waga ba ya Nɛ gə goo boo-meenoji ləm lé M’a tel kwa sí gə́ rɔm’g.

Esai 57:16

Ma m’ndigi ndaŋg dee saar-saar el ləm, Esé ŋgəm oŋg ləm saar-saar gə no̰ el ləm tɔ Nà dəwje gə́ m’unda lé d’a kwəi.

Esai 64:5

Jeḛ lai n’toje dəwje gə́ mina̰ ləm, Néra sí gə́ gə dɔ najee kara To asəna gə kubu gə́ wa yiro gə́ mina̰ nag-nag ləm tɔ. Jeḛ lai n’toje j’asəna gə kam kag Gə́ gəḭ bèe ləm, Néra majel lə sí ɔr sí aw sə sí To gə́ lel bèe ləm tɔ.

Jeremi 10:24

Ǝi Njesigənea̰, maji kari wɔjim kəmkàr Nɛ gə goo rəbee ɓa, Ɓó gə oŋg el, nà a tujim pugudu.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 4:11

Mee ndəa’g neelé D’a kula koso-dəwje nee ləm Gə ɓee gə́ Jerusalem ləm tɔ pana: Lel gə́ nuŋga kəd-kəd ḭ dɔdərlooje gə́ dɔdilaloo’g Ula rəw-kaw’g lə ŋgolə koso-dəwje ləm gə́ dené Nɛ gə mba tó ne kó el ləm, Gə mba gɔl ne kandə né el ləm tɔ.

Jeremi 4:27

Njesigənea̰ pa togə́bè pana: Ɓee bura a tel to dɔ nduba, Nɛ m’a tujee gə gelee bura el.

Jeremi 46:28

I kura ləm Jakob, maji kari ɓəl el. Njesigənea̰ ɓa pa bèe, Mbata m’a nai səi. M’a tuji ginkoji dəwje gə raŋg lai Gə́ m’sani mbuna dee’g lé pugudu, Nɛ i ndá m’a tujii pugudu el, M’a kar bo̰ nérai ɔs tai’g Nɛ gə goo rəbee ya Ɓó m’as kya̰’i lal kwɔjii kəmkàr el.

Nɔ̰-ndôo gə́ wɔji dɔ Jerusalem 3:31

Mbata Njesigənea̰ lé A kuba dəw kyá̰ gə no̰ el.

Nɔ̰-ndôo gə́ wɔji dɔ Jerusalem 3:32

Lee yeḛ ar nékəmndoo Ra dəw kara Yeḛ tel ar mée aw taḭ-taḭ dəa’g Gə goo boo-meekɔrjol ləa.

Ejekel 19:12

Nɛ nduú neelé deḛ tɔree gə boo-oŋg d’ɔm naŋg, Lel gə́ ḭ bər ula keneŋ ar ka̰dee tudu kurum-kurum, Barkəmeeje gə́ siŋ na̰’d siŋ-siŋ təd ləm, Tudu kurum-kurum ləma, Pər roo dee dula-dula ləm tɔ.

Ojee 13:15

Lée nékiŋgaje lə Eprayimje to yaa̰ mbuna ŋgako̰ deeje’g kara Lel gə́ a kḭ bər lé a kula dɔ dee’g ləm, Lel lə Njesigənea̰ a kḭ dɔdilaloo’g kula ləm tɔ Ndá kəm-rəw-manje lə dee d’a tudu kurum-kurum ləm, Manje lə dee gə́ d’aḭ kuji-kuji kara d’a kyi tə-tə ləma, Kəi-nébaoje gə́ néje gə́ to ŋgonkəm dee to keneŋ lé D’a kunda deḛ lai gə́ nébanrɔ kaw ne ləm tɔ.

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

1 Njé gə́ Kɔrḭtə 10:13

Né gə́ rara ɓa gə́ naa sí lé naa gar síje togə́bè tɔ, ɓó al dɔ siŋga dee el. Ala lé to njemeenda londoŋ ndá yeḛ a kya̰ né gə́ naa sí karee al dɔ siŋga sí el nɛ yeḛ nja a kar sí siŋga sí ləm, yeḛ a ra rəw kar sí dumje ne dɔ né gə́ naa sí lé tɔ.

1 Piɛrə 1:6

Yee ɓa ɓó lé néje ɓəd-ɓəd naa sí ɓasinè ar meḛ sí o̰ sí waga kara rɔ sí lel sí ne