Esai 27:7 - Maktub gə́ To gə Kəmee

⁷ See Njesigənea̰ unda njé’g ləa To gə́ yeḛ ra ne gə deḛ gə́ kunda dee lé wa. See yeḛ tɔl dee To gə́ yeḛ ra ne gə njé gə́ tɔl dee lé wa.

Esai 27:7 ပူးပေါင်းရင်းမြစ်များ

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 10:17

Njesigənea̰ gə́ to lookàr lə Israɛlje lé A tel to pər, Njemeenda lə dee a tel to ndo̰ pər to Ndá yeḛ a roo kunje gə kun-pɔrɔrɔje ləa Mee ndɔ gə́ kára ba ya.

Esai 17:14

Loo gə́ kàrkemetag ndá aa ooje, ɓəl-boo wa dee, Kédé ɓa gə mba kar loo àr ɓəi lé Deḛ godo ŋga! Yee ɓa to gə́ nékoga-dɔ-ji dee-deḛ Gə́ to njétuji néje lə sí ləm, Gə né ka̰ dee-deḛ Gə́ to njéɓogo síje lé ləm tɔ.

Esai 17:3

Kəi-kaar-kɔgərɔ lə ɓee gə́ Eprayim a godo ləm, Ɓeeko̰ gə́ Damas gə ges Aramje d’a godo ləm tɔ. A to asəna kára ba gə rɔnduba lə Israɛlje bèe. Njesigənea̰ gə́ njeboo-néje ɓa pa bèe.

Esai 30:31

Loo gə́ ndu Njesigənea̰ a ɓar lé ndá Asirije d’a kunda bala tigi-tigi, Njesigənea̰ a kunda dee gə kag-kɔbə ləa.

Esai 31:8

Ndá Asirije d’a koso ndo̰ kiambas gə́ to ka̰ dəw el ləm, Kiambas gə́ to ka̰ dəw el lé a tuji dee pugudu-pugudu ləm tɔ. D’a kaḭ no̰ kiambas’g lé ləm, Kura-kaw-rɔje lə dee d’a ra kula ɓər ləm tɔ.

Esai 31:9

Yeḛ gə́ to dɔ mbal lə dee a kaḭ gə kəm ɓəl ləm, Mbaije lə dee d’a kunda bala no̰ nétɔji’g ləm tɔ, Njesigənea̰ gə́ pər ləa to Sio̰’g ləm, Gə bwa-bṵda ləa to Jerusalem’g ləm tɔ lé ɓa pa bèe.

Jeremi 50:40

A to asəna gə Sɔdɔm gə Gɔmɔr Gə ɓee-booje gə́ gugu dɔ dee sub Gə́ Ala tuji dee pugudu lé. Njesigənea̰ ɓa pa bèe. Dəw kára kara a si keneŋ Gɔgo el ŋga ləm, Dəw a ra ɓee keneŋ nda̰ el ləm tɔ.

Jeremi 51:24

Babilɔn gə dəwje lai gə́ d’isi Kalde lé M’a ra sə dee némajelje lai Gə́ deḛ ra gə Sio̰ lé kəm sí’g ya. Njesigənea̰ ɓa pa bèe.

Nahum 1:14

Aa ooje, né gə́ Njesigənea̰ un ne ndia wɔji ne dɔ sí-seḭ gə́ Ninibə ɓa nee: Seḭ a kiŋgaje ŋgaka síje gə́ ri sí a ɓar ne dɔ dee’g nda̰ el, N’a tɔr néndajije gə́ seḭ tɔl deeje ləm, gə lḛ̀je ləm tɔ Mee kəi-magə’d lə sí, N’a gɔl bwa-dubu sí mbata seḭ toje dəwje gə́ gə mḭdé ba.

Nahum 3:19

Kuma̰ gə́ a kar ta doo ləi ər kəmsə lé godo, Doo ləi to doo gə́ as yoo. Deḛ lai gə́ d’a koo ta ləi D’a kunda ji dee rag-rag dɔi’g, Mbata see na̰ ɓa némeeyèr ləi lal kɔrɔ rəa wa.