Esai 27:3 - Maktub gə́ To gə Kəmee

³ Ma Njesigənea̰ m’to gə́ njeŋgəmee, Ma m’saga mán dɔ’g ta-ta Nà dəw a ree tujee, Ma m’ŋgəm loondul’g gə dan kàrá.

Esai 27:3 ပူးပေါင်းရင်းမြစ်များ

Gḭ-Néje 6:17

Ma nja m’a kar mán bélm ree taa loo pəl-pəl dɔ naŋg nee gə mba tuji nékundaje lai gə́ d’aw kəmba gin dara’g lé, néje lai-lai gə́ dɔ naŋg nee lé d’a tuji ya.

Gḭ-Néje 9:9

Aa ooje, ma lé ma man rɔm m’ar sí-seḭ ləm, m’ar ŋgaka síje gə́ goo sí’g ləm tɔ,

1 Mbaije 8:59

Maji kar taje nee gə́ ma m’ra ne ndòo rɔ Njesigənea̰ Ala’g lə sí gə́ m’to ne no̰ Njesigənea̰, Ala’g lə sí dan kàrá gə loondul’g maji karee la ne gə kura ləa gə koso-dəwje ləa gə́ Israɛl ləm tɔ,

Pakɔsje 46:11

Maji kar sí aarje gèŋ ooje to gə́ ma m’to Ala ya, Ma m’o̰ ɓee dɔ ginkoji dəwje gə raŋg’g ləm, Ma m’o̰ ɓee dɔ naŋg nee bura ləm tɔ.

Pakɔsje 46:5

Baa-boo to keneŋ, manee gə́ ula ar rɔlel to mee ɓee’g lə Ala, Yee ɓa gə́ kəi gə́ to gə kəmee mbuna kəije’g lə Njekurdɔloo’g.

Esai 31:5

To gə́ yelje naji ne bag dee dɔ ŋgan deeje’g lé Njesigənea̰ gə́ njeboo-néje kara A kaḭ bada dɔ njé gə́ Jerusalem’g togə́bè tɔ, Yeḛ a kaḭ bada dɔ dee’g taa dee ne ləm, Yeḛ a kɔr dee kaji dee ne ləm tɔ.

Esai 42:6

Ma Njesigənea̰ m’ɓari Mba kari ra néra gə́ gə dɔ najee. M’a kwa jii ləm, M’a ŋgəmi ləma, M’a kundai gə́ némanrɔ Gə́ m’a man ne rɔm kar koso-dəwje ləm tɔ Gə mba kari to lookàr lə ginkoji dəwje gə raŋg.

Esai 44:3

Mbata m’a gə kɔm mán dɔ naŋg’d gə́ aw ndòo mán ləm, M’a kar ŋgira manje d’aḭ d’ɔm dɔ naŋg’d gə́ tudu kurum-kurum ləm tɔ, M’a kɔm ndiləm dɔ ginkojije’g lə sí ləm, M’a tɔr ndum dɔ ŋgan síje’g ləm tɔ.

Esai 46:4

Saar teḛ ne dɔ ɓuga sí’g kara Ma m’to togə́bè ya ləm, Saar teḛ dɔ dɔ sí gə́ pudu’g lé kara M’a gəd sí ya ləm tɔ. Ma m’odo sí tɔɓəi m’a tel gə mba kodo sí ya ɓəi ləm, M’a gəd sí kaji sí ne ya ɓəi ləm tɔ.

Esai 46:9

Arje meḛ sí olé dɔ néje gə́ dəs’g Mee ndəaje gə́ ləw’g lé Mbata ma m’to Ala Ɓó yeḛ gə́ njekorè dɔm-ma’g godo, Ma m’to Ala Ɓó yeḛ gə́ njetana səm kára kara godo ya saar.

Esai 49:8

Njesigənea̰ pa togə́bè pana: Ndɔ noji’g lé m’a koo ndu sí ləm, Ndɔ kaji’g lé m’a la sə sí ləm tɔ, M’a ŋgəm sí ləm, m’a tel sí gə́ nékɔm gə ginkoji dəwje lé na̰’d ləm tɔ Gə mba tel kun ne ɓee kuree tar ləm, Mba kai ne nénduba gə́ tuji kar sí gogo lé ləm tɔ,

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Esai 58:11

Njesigənea̰ a to njekɔrnoḭ ya ta-ta ləm, Yeḛ a kar məəi nda̰ tub Mee looje gə́ tudu kurum-kurum’g ləm, Yeḛ a kar barkəmrɔije tel ŋgəŋ ŋgəŋ-ŋgəŋ ləm, I a to kasəna gə loo-kamnaḭ Gə́ saga mán dɔ’g ləma, A to kasəna gə ŋgira mán Gə́ manje d’yi keneŋ tə el ləm tɔ.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Ejekel 34:11

Mbata Mbaidɔmbaije gə́ Njesigənea̰ pa togə́bè pana: Aa ooje, neḛ nja n’a koo goo dəwje lə neḛ ləm, neḛ nja n’a tɔs kəm neḛ dɔ dee’g ləm tɔ.

Ejekel 34:24

Neḛ Njesigənea̰ lé n’a to Ala lə dee ndá kura lə neḛ Dabid ɓa a to mbai mbuna dee’g. Neḛ Njesigənea̰ ya m’pata nee.

Ejekel 37:14

N’a kula kəmə lə neḛ meḛ sí’g ndá seḭ a síje kəmba. N’a tel kunda sí mee ɓee’g lə sí gogo ndá seḭ a gərje to gə́ neḛ Njesigənea̰ m’pata ndá n’ra née tɔ, Njesigənea̰ ɓa pa bèe.

Ejekel 37:28

Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰ gə́ n’unda Israɛl gə kəmee loo gə́ loo lə neḛ gə́ to gə kəmee a to dan dee’g saar gə no̰ lé.

1 Samel 2:9

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.