Esai 27:12 - Maktub gə́ To gə Kəmee

¹² Mee ndəa’g neelé Njesigənea̰ a yə kandə kagje Un kudee baa-boo’g saar teḛ kəm-rəw-mán gə́ Ejiptə, Ndá yeḛ a mbo̰ sí-seḭ Israɛlje kára-kára dɔ na̰’d!

Esai 27:12 ပူးပေါင်းရင်းမြစ်များ

Gḭ-Néje 15:18

Mee ndəa’g neelé Njesigənea̰ man rəa ar Abram pana: Dɔ naŋg neelé ma m’ar ŋgakaije, un kudee baa gə́ Ejiptə saar teḛ ne dɔ baa-boo gə́ to baa gə́ Epratə ləm,

1 Mbaije 8:65

Mee ndəa gən lé Salomo̰ gə koso-dəwje gə́ Israɛl lai səa na̰’d ra naḭ keneŋ. Koso-dəwje gə́ dum tura d’ḭ looje gə́ gugu gir Amat, saar teḛ kəm-rəw-mán gə́ Ejiptə, ree mbo̰ dɔ na̰ no̰ Njesigənea̰ Ala’g lə sí ra ndɔ siri, tɔɓəi ndɔje gə́ raŋg siri ɓəi to aree as ndɔ dɔg-giree-sɔ.

Nehemi 1:9

Nɛ ɓó lé jeḛ n’tel reeje rɔi’g ləm, ɓó lé jeḛ j’aaje dɔ godnduije n’raje née ləm tɔ ndá lé d’a kwa sí ɓər kaw sə sí rudu dara’g kara lée gə́ neelé ɓa i a mbo̰ sí dɔ na̰’d ləm, i a tel ree sə sí loo gə́ i ɔr unda gə mba kar rii ɓar keneŋ lé ləm tɔ.

Pakɔsje 68:22

Tɔgərɔ ya, Ala a tɔ ka dɔ njéba̰je ləa lé, Yeḛ a tɔ daŋg dɔ dee gə́ d’isi dan kaiya’g.

Pakɔsje 72:8

Yeḛ a ko̰ɓee un kudee baa-boo-kad’g nee saar teḛ ne yeḛ gə́ raŋg’d ləm, Un kudee mán baa’g saar kɔr ne rudu naŋg njal ya ləm tɔ.

Esai 17:6

Ges kandə kag a nai ya To gə́ loo gə́ dəw yə ne kag-koiyo bèe Ar kandə koiyoje nai joo əsé munda sémee’g tar ləm, Nai sɔ əsé mi dɔ barkəmeeje gə́ d’andə’g lé ləm tɔ. Njesigənea̰ gə́ njeboo-néje ɓa pa bèe.

Esai 49:5

Njesigənea̰ pana: Neḛ nja n’gɔlm gə́ kura lə neḛ Un kudee ndɔ kojim’g Gə mba kam m’tel gə njé’g lə Jakob Gə́ to Israɛlje gə́ sanéna̰ lé gə́ rəa’g, Mbata d’ila riɓar dɔm’g kəm Njesigənea̰’g ləm, Ala ləm tɔ siŋgam ləm tɔ.

Esai 56:8

Mbaidɔmbaije gə́ Njesigənea̰ gə́ mbo̰ Israɛlje Gə́ sanéna̰ lé pa pana: M’a gə mbo̰ dəwje gə́ raŋg rəa’g, Rɔ njé’g ləa gə́ mbo̰ dɔ na̰ mba̰ lé.

Jeremi 3:14

Gə́ tel reeje, seḭ njékɔsta-rəwje, Njesigənea̰ ɓa pa bèe, mbata ma m’to ɓée síje. M’a kun sí mee ɓee-boo gə́ kára ləm, m’a kodo sí joo dan njémeekəije gə́ kára ləm tɔ. Ndá m’a kaw sə sí Sio̰.

Jeremi 44:28

Deḛ gə́ jebəre ba bèe gə́ d’a teḛ ta kiambas’g lé d’a kḭ mee ɓee gə́ Ejiptə tel kaw mee ɓee gə́ Juda gogo. Nɛ ges Judaje lai gə́ d’aw d’isi mee ɓee gə́ Ejiptə lé d’a koo see ta ləm əsé ka̰ dee-deḛ ɓa a kaw lée’g béréré wa.

Ejekel 20:34

N’a kar sí undaje loo mbuna koso-dəwje’g teḛje ləm, n’a mbo̰ sí dɔ na̰’d mee ɓeeje gə́ n’sané sí keneŋ ləm tɔ gə ji neḛ gə́ ɓar mèr-mèr ləm, gə kag ji neḛ gə́ n’ula ndiŋ ləma, gə boo-oŋg lə neḛ gə́ n’a ɓugu dɔ sí’g lé ləm tɔ.

Ejekel 20:41

N’a kwa sí gə́ rɔ neḛ’g asəna gə né gə́ ə̰də sululu loo gə́ n’ar sí undaje loo mbuna koso-dəwje’g teḛje ləm, n’ar sí ḭje mee ɓeeje gə́ n’sané sí keneŋ mbo̰ sí dɔ na̰’d ləm tɔ. Bèe ɓa seḭ a kundaje ne neḛ gə kəmee kəm ginkoji dəwje gə raŋg’g.

Ejekel 39:25

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Ɓasinè n’a tel gə njé’g lə Jakob gə́ d’aw sə dee ɓee-ɓər’g lé ree sə dee ləm, n’a koo kəmtondoo lə gel-bɔje lə Israɛl lai ləma, n’a kaḭ bada dɔ ri neḛ gə́ to gə kəmee lé ləm tɔ.

Ejekel 47:19

Dəb loo gə́ dɔkɔl gə́ to par gə́ dɔkɔl lé a kun kudee Tamar saar teḛ manje gə́ Meriba gə́ to Kades saar teḛ kəm-rəw-mán’g par gə́ baa-boo-kad gə́ boi’g lé, yee ɓa a to dəb loo gə́ dɔkɔl.

Amɔs 9:9

Mbata aa ooje, n’a kun ndu neḛ ndá D’a yə gel-bɔje lə Israɛl mbuna ginkoji dəwje gə raŋg’g lai, To gə́ deḛ gɔl ne né gə san bèe Lal kar guburee kára kara oso naŋg.

Jakari 8:7

Njesigənea̰ gə́ njeboo-néje lé pa togə́bè pana: Aa ooje, neḛ n’ɔr koso-dəwje lə neḛ mee ɓee’g par gə́ bər ləm, Gə loo gə́ kàr ur naŋg keneŋ ləm tɔ n’aji dee.

Lugu 15:4

See dəw gə́ ra ɓa mbuna sí’g ɓa ɓó lé badje ləa tɔl ɓa yee gə́ kára ndəm igi ndá see yeḛ a kuba njé gə́ rɔ-jinaikara-gir-dee-jinaikara kya̰ dee dɔdilaloo’g mba kɔd kaw saŋg yee gə́ kára gə́ ndəm igi neelé saar kiŋgá ɓa el wa.

Tagə́maji gə́ Ja̰ ndang 10:16

Badje ləm gə́ raŋg d’isi gən nɛ d’aar gə koso-badje’g neelé el. Lé riri kara m’a saŋg dee ree sə dee ɓəi, d’a koo ndum ndá m’a kɔm dee na̰’d sad kar dee tel to koso-badje gə́ kára ba ləm, njekul dee kara a to gə́ kára ba ya ləm tɔ.

Tagə́maji gə́ Ja̰ ndang 6:37

Néje lai gə́ Bɔm am lé ndá a teḛ rɔm’g ya ndá yeḛ gə́ ree rɔm’g lé m’a kyá̰ raga nda̰ el.

Jujé 15:4

gée gə́ gogo yee dəs par gə́ Asmo̰ ɓa aw saar teḛ baa gə́ Ejiptə mba kunda ŋgaŋgee ta baa-boo-kad’g tɔ. Yee ɓa a to rəw-nim-ɓee lə sí gə́ par gə́ dɔkɔl ya.