Esai 27:1 - Maktub gə́ To gə Kəmee

¹ Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Esai 27:1 ပူးပေါင်းရင်းမြစ်များ

Maktub gə́ wɔji dɔ Jɔb 26:13

Kila kəmə pugudu ləa ar dara àr ŋgad-ŋgad ləm, Jia ɔs li gə́ njekaḭ mbudu ləm tɔ.

Maktub gə́ wɔji dɔ Jɔb 3:8

Maji kar njékila ndɔl dɔ ndɔje’g d’ila ndɔl dɔ mee tilee’g neelé ləm, Deḛ gə́ gər goso ɓar da-mán gə́ to ɓəl karee teḛ raga lé Maji kar dee d’ila ndɔl dəa’g ləm tɔ!

Maktub gə́ wɔji dɔ Jɔb 40:19

Yee nja to nékunda gə́ dɔtar mbuna nékundaje’g lə Ala, Yeḛ gə́ njekṵdá lé aree kiambas tɔ.

Maktub gə́ wɔji dɔ Jɔb 41:1

Aa oo, məəi gə́ i unda yel gə́ mba kwá ne lé to né gə́ kari ba, Koo gə́ i ée lé see i rəm gə gooi oso gaŋnda el wa.

Pakɔsje 104:26

Lée neelé batoje nun keneŋ, Da-mán gə́ to ɓəl kədm-kədm lé I undá mba karee ndam dan paŋgəm maneje’g.

Pakɔsje 45:3

I lé kura yaa̰ unda marije lai, Boo-ta noji gə́ kul yururu kinja na̰ tai’g, Gelee gə́ nee ɓa Ala tɔr ne ndia dɔi’g saar-saar gə no̰ ya.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Esai 65:12

Ma m’wɔji kar sí wəije yoo-kiambas, Ndá seḭ lai a tɔsje kəji sí naŋg Mba kar dee tḭja gwɔb sí. Mbata ma m’ɓar sí ndá Seḭ ndigije tam’g el ləm, M’pata ndá Seḭ ooje ta ləm el ləm tɔ, Nɛ seḭ raje né gə́ to majel ɓa kəm’g ləm, Né gə́ taa kəm el ɓa seḭ mbərje ləm tɔ.

Esai 65:25

Jagmjər dee gə ŋgon badə d’a kaar na̰’d loo-ko̰-mu’g ləm, Toboḭ a ko̰ mu to gə́ bɔ maŋg bèe ləma, Nduji naŋg a to nésɔ lə li ləm tɔ. D’a ra né gə́ to əsé d’a tuji dəw Dɔ mbal’g ləm gə́ to gə kəmee lé el, Njesigənea̰ ɓa pa bèe.

Esai 66:16

Pər ɓa Njesigənea̰ gaŋg ne rəw-taje ləa ləm, Kiambas ləa ɓa yeḛ ar bo̰ néra dəwje ɔs ne ta dee’g ləm tɔ. Deḛ gə́ Njesigənea̰ a tɔl dee lé D’a bula digi-digi.

Jeremi 47:6

Ǝi! kiambas lə Njesigənea̰, See ndɔ gə́ ra ɓa i a kwa rɔi wa. Maji kari andə sɔli’g, Ǝw rɔi ndá to lɔm!

Jeremi 51:13

Seḭ gə́ síje mbɔr baa-boo’g Gə́ nébaoje lə sí taa loo pəl-pəl lé Rudu ndɔ lə sí lé teḛ mba̰ ləm, Kəmkəḭ lə sí rudee un ɗiao ləm tɔ.

Jeremi 51:34

Nebukadnesar, mbai gə́ Babilɔn Sɔ sí rɔg-rɔg ləm, Tuji sí pugudu-pugudu ləm tɔ, Yeḛ ar sí n’tel n’toje jo gə́ mée to wəl, Yeḛ uru sí mée’g magə To gə́ da-kɔb uru ne né bèe ləm, Yeḛ ar néje lə sí gə́ mbərḛ mbə̰ Rusu mée tub ləm tɔ, Yeḛ tuba sí.

Ejekel 29:3

Maji kari pa pana: Mbaidɔmbaije gə́ Njesigənea̰ pa togə́bè pana: Aa oo, i Parao̰, mbai gə́ Ejiptə lé n’aw səi gə ta, i ɓəgərə-mar gə́ aw to mee baa-boo’g ləi lé i pana: Baa-boo ləi to kaḭ-i ya, i nja ɓa gə́ njerea lé!

Amɔs 9:3

Ɓó lé d’iya rɔ dee dɔ sém mbal gə́ Karmel ndá N’a saŋg dee keneŋ kwa dee ya ləm, Lé d’aḭ d’iya rɔ dee kəm neḛ’g gin baa-boo-kad’g kara Lée neelé ɓa n’a kun ndu neḛ kar li to̰ dee keneŋ ya ləm tɔ.

Loo gə́ killa rea kəm Ja̰’g 12:3

Néɓəl gə́ raŋg teḛ dara to: Aa ooje, to dakɔb gə́ kas gə́ dəa siri ləm, gajee dɔg ləma, dɔgugu to dəa’g kára-kára siri ləm tɔ.

Loo gə́ killa rea kəm Ja̰’g 13:11

Tɔɓəi ma m’oo da gə́ raŋg gə́ ḭ dɔ naŋg neelé, gajeeje joo to tana gə ka̰ ŋgon badə bèe ləm, tapea to asəna gə tapa dakɔb bèe ləm tɔ.

Loo gə́ killa rea kəm Ja̰’g 13:4

Deḛ d’wa dakɔb lé meḛ dee’g mbata yeḛ ar da lé siŋgamoŋ, tɔɓəi d’wa da lé meḛ dee’g pana: See na̰ ɓa as gə da lé wa. See dəw gə́ ra ɓa askəm rɔ səa wa.

Loo gə́ killa rea kəm Ja̰’g 16:13

Ma m’oo ndilje gə́ yèr munda gə́ to d’asəna gə kurkuduje bèe lé teḛ ta dakɔb’g ləm, gə ta da’g ləma, gə ta njetegginta gə́ ŋgɔm lé ləm tɔ.

Loo gə́ killa rea kəm Ja̰’g 17:1

Tɔɓəi kura gə́ dara kára mbuna deḛ gə́ siri gə́ d’aar gə bai gə́ siri ji dee’g lé ulam ta pana: Maji kari gə́ ree, m’a kari oo rəwta-gaŋg gə́ d’a gə gaŋg dɔ kaiya-dené’g yeḛ gə́ nérea to ɓəl kədm-kədm gə́ si dɔ mán baa-boo’g lé.

Loo gə́ killa rea kəm Ja̰’g 17:15

Yeḛ ulam pana: Man baa-boo gə́ kaiya-dené si dɔ’g gə́ i oo lé yee nja to koso-dəwje ləm, gə ginka dəwje-dəwje ləma, gə dəwje gə́ tapa dee gə ria-ria ləm tɔ.

Loo gə́ killa rea kəm Ja̰’g 19:21

Nɛ dɔkal deḛ gə́ nai lé kiambas gə́ teḛ ta yeḛ gə́ sí gir kunda lé tɔl dee. Yelje lai ree d’usɔ dakasrɔ dee d’ar meḛ dee ndan tub-tub tɔ.

Loo gə́ killa rea kəm Ja̰’g 2:16

Bèe ndá wa ndòo rɔi dɔ kaiya’g ləi, ɓó lé bèe el ndá waga ɓa m’a kaw rɔi’g ndá m’a rɔ sə dee gə kiambas gə́ teḛ tam’g.

Loo gə́ killa rea kəm Ja̰’g 20:2

Yeḛ wa dakɔb gə́ to li gə́ ləw gə́ ria lə njekurai ləm, gə Njeyèr ləm to lé ndá yeḛ teá ilá as ləbee tɔl-dɔg.