Esai 26:8 - Maktub gə́ To gə Kəmee

⁸ Gelee gə́ nee ɓa, əi Njesigənea̰, Jeḛ ŋginai ne dɔ rəwta-gaŋgje’g ləi, Jeḛ ndiŋgaje rɔ sí gə mba ɓar rii ləm, J’ar meḛ sí olé ne dɔi’g ləm tɔ.

Esai 26:8 ပူးပေါင်းရင်းမြစ်များ

2 Samel 23:5

See to togə́bè gə njémeekəije ləm no̰ Ala’g lé ləm el wa. Mbata yeḛ man rəa Gə manrɔ gə́ to gə no̰ am ləm, Yeḛ ar taje lai gə́ to keneŋ lé To njaŋg ləma, Am m’isi ne gə meekulɔm ləm tɔ.

Pakɔsje 106:3

Rɔlel nai Gə deḛ gə́ d’aa dɔ godndiaje’g kər-kər ləm, Gə ra né gə dɔ najee ta-ta lé ləm tɔ.

Pakɔsje 130:5

M’unda məəm yel gə́ dɔ Njesigənea̰’g ləm, M’unda məəm yel dəa’g gə ŋgaw məəm bura ləm tɔ, Ndá m’ŋgina ne ndukun ləa lé.

Pakɔsje 18:23

Ndukunje ləa lai to nɔm’g ya. Ma nja kara m’ɔs rɔm rəw dɔ torndiaje’g el.

Pakɔsje 42:2

To gə́ arkas gə́ əmə biriri-biriri kəm-rəw-mán’g bèe lé Ǝi Ala, ma kara m’əmə biriri-biriri gooi’g bèe ya tɔ.

Pakɔsje 65:6

Néraije gə́ dum koo lé I ila sí ne keneŋ gə goo meemaji ləi, I Ala gə́ njekaji sí lé Dəwje lai gə́ d’isi əw rudu naŋg’d ləm, Gə deḛ gə́ d’isi dɔgoré-looje’g dan baa-boo-kad’g lé ləm tɔ D’unda meḛ dee yel gə́ dɔi’g ya.

Pakɔsje 73:25

I nja kára ba to kama gə́ si dara, See yeḛ gə́ raŋg gə́ ra ɓəi wa. Dɔ naŋg nee kara rɔm lelm wɔji dɔi-i nja kára ba.

Pakɔsje 84:2

Njesigənea̰, mbai gə́ njeboo-néje lé Kəi-siije taa kəm rəgm ya,

Teḛ-Raga 3:15

Ala ula Moyis ya tɔɓəi pana: I a kula Israɛlje togə́bè pana: Njesigənea̰ Ala lə bɔ síje-je, Ala lə Abrakam, gə Isaak, gə Jakob ɓa ulam rɔ sí’g. Aa ooje, yee ɓa to rim gə́ gə no̰ ləm, yee ɓa to rim gə́ ginkoji dəwje gə raŋg d’a kḛji ne dɔm’g saar gə́ kédé-kédé ya ləm tɔ.

Pa gə́ ur dɔ paje 5:8

Seḭ ŋgama̰dje gə́ Jerusalem, Ma m’ra ndòo rɔ sí’g Ɓó lé seḭ iŋgaje yeḛ gə́ m’undá dan kəm’g lé Ndá see ta ɗi ɓa a kuláje wa. Maji kar sí uláje to gə́ m’to rɔko̰ ndigi na̰.

Esai 12:4

Mee ndəa’g neelé seḭ a pajena: Pidije Njesigənea̰ ɓarje ne ria ləm, Ilaje mbər néreaje mbuna koso-dəwje’g Arje meḛ dee olé ne dɔ riɓar’g ləa ləm tɔ!

Esai 24:15

Ulaje rɔnduba dɔ Njesigənea̰’g Mee looje gə́ bər lé Arje ri Njesigənea̰, Ala lə Israɛlje ɓar dɔ dɔgoré-looje gə́ mee baa-boo-kad’g tɔ.

Esai 25:1

Njesigənea̰, i lé to Ala ləm, M’a kɔs gajii kula ne rɔnduba dɔ rii’g Mbata i ra néje gə́ maji dum, Néje gə́ i wɔji-kwɔji ra kédé lé D’aw lée’g béréré ya.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 26:13

Njesigənea̰, Ala lə sí, Ɓée síje gə́ raŋg d’o̰ ɓee dɔ sí’g ya Nɛ mbɔl dɔi-i nja kára ba ɓa Jeḛ m’ɓar ne rii.

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 33:2

Njesigənea̰, maji kari oo kəmtondoo lə sí ya kari! Jeḛ j’undaje meḛ sí yel gə́ dɔi’g. Maji kari la sə sí teḛ gə ndɔ gə ndɔje kára-kára lai ləm, Gə taa dɔ sí ndɔ néurti’g ləm tɔ.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Esai 51:4

Koso-dəwje ləm, Sije gèŋ ooje ndum! Ginkoji dəwje ləm, Urje mbi sí gə́ rɔm’g nee! Mbata godndu a kḭ rɔm’g ləm, M’a tum gel godndum Gə mba karee to gə́ lookàr lə koso-dəwje ləm tɔ.

Esai 56:1

Njesigənea̰ pa togə́bè pana: Aaje dɔ néra gə́ to danasur kər-kər ləm, Raje né gə́ to gə dɔ najee ləm tɔ Mbata kaji ləm si ree gə́ nee ləm, Néram gə́ gə dɔ najee lé a gə kila rəa gə́ raga ləm tɔ.

Misee 4:5

To gə́ koso-dəwje lé nana kara ila ŋgonkoji dɔ magəje ləa-ləa lé Jeḛ ndá j’a kila ŋgonkoji dɔ Njesigənea̰, Ala’g lə sí ya Gə ndɔ sí ndɔ sí saar-saar gə no̰.

Misee 7:7

Ma ndá m’a tel kəm par gə́ rɔ Njesigənea̰’g ləm, M’a kunda məəm yel gə́ dɔ Ala gə́ to njekajim ləm tɔ, Ala ləm a koo ndum ya.

Bula lə Israɛlje 36:13

Yee ɓa to godnduje gə ndukunje gə́ Njesigənea̰ un ar ŋgan Israɛlje gə ndu Moyis mee ndag-loo gə́ Moab gə́ to mbɔr baa gə́ Jurdɛ̰, gə́ wɔji dɔ Jeriko njoroŋ lé tɔ.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Néra Njékaḭkulaje 1:4

Loo gə́ yeḛ wa sə dee dɔ na̰ lé ndá yeḛ un ndia ar dee gə mba kar dee d’uba Jerusalem d’ya̰ el nɛ d’a si keneŋ ŋgina ne né gə́ Bɔ neḛ un ne ndia ar dee kédé gə́ to né gə́ neḛ kara m’pa taree n’ar dee kédé mba̰ lé to:

Njé gə́ Rɔmə 8:25

Nɛ ɓó lé jeḛ j’unda meḛ sí yel gə́ dɔ né gə́ jeḛ j’oo el ɓəi ndá j’ila ne meḛ sí po̰-po̰ ŋgina ne ya.

2 Njé gə́ Tesalonikə 3:5

Maji kar Mbaidɔmbaije ɔr no̰ sí dan meenoji’g lə Ala ləm, ar meekai sam-sam lə Kristi taa meḛ sí pəl-pəl ləm tɔ.