Esai 26:7 - Maktub gə́ To gə Kəmee

⁷ Rəw-kaw njemeekarabasur lé to danasur, I gə́ to njemeekarabasur lé I gɔl kila rəw lə njemeekarabasur aree asəna rai-rai.

Esai 26:7 ပူးပေါင်းရင်းမြစ်များ

1 Sôrta Gḭka-Israɛlje 29:17

Ǝi Ala ləm, ma m’gər gao, i to njenaa meekuru lə dəw ləm, i ndigi néra gə́ gə dɔ najee ləm tɔ, gelee gə́ nee ɓa ma m’ḭ gə məəm m’un nékarnojije lai neelé m’ari gə meekarabasur ləm, ɓasinè ma m’oo koso-dəwje ləi lai gə́ d’aar keneŋ kara d’ḭ gə meḛ dee d’un nékarnojije lə dee d’ari ləm tɔ lé ndá ɓasinè rɔm lelm ne yaa̰ ya.

Maktub gə́ wɔji dɔ Jɔb 31:6

Maji kar Ala wɔji kwɔi ləm dɔ nékwɔji-né gə́ gə dɔ najee’g, Yen ɓa yeḛ a gər néra gə́ gə goo rəbee ləm gao ya.

Pakɔsje 1:6

Mbata njémeekarabasurje lé Njesigənea̰ gər rəw-kaw dee ya, Nɛ rəw-kaw njékaiyaje lé Ɔm dee loo gə́ d’a gə tuji keneŋ pugudu.

Pakɔsje 11:4

Njesigənea̰ si mee kəi’g ləa gə́ to gə kəmee doi lé ya. Njesigənea̰ lé kalimbai ləa to mee dara’g, Kəmee ɓa aa ne loo gərərə ləm, Kəmee lé tən ne dəwje soo-soo ləm tɔ.

Pakɔsje 11:7

Mbata Njesigənea̰ lé to njemeekarabasur ya Né gə́ to gə dɔ najee lé ɓa taa kəmee rəgm. Deḛ gə́ to njéra nédanaje lé d’a kaa kəmee gərərə ya.

Pakɔsje 25:4

Njesigənea̰, maji kari am m’gər rəwje ləi ləm, Tɔjim kila rəwje ləi ya ləm tɔ.

Pakɔsje 25:5

Maji kari ɔr nɔm dan kankəmta’g ləi, gə́ ndoom ne né, Mbata i nja to Ala gə́ njekajim, M’unda məəm yel dɔi’g ta-ta ya.

Pakɔsje 27:11

Njesigənea̰, maji kari tɔjim rəw ləi, Maji kari ɔr nɔm dan kila rəw gə́ danasur’g Mbata njéba̰je ləm d’isi gən.

Pakɔsje 5:9

Njesigənea̰, maji kari ɔr nɔm njoroŋ Gə goo rəw ləi gə́ danasur Mbata njéba̰je ləm d’isi gən. Maji kari ra kila rəw ləi nɔm’g Aree asəna rai-rai.

Gosota-Kəmkàrje 11:5

Néra gə́ gə dɔ najee lə dəw Gə́ ra né gə goo rəbee lé Gɔl rəw-kabee aree asəna rai-rai, Nɛ njemeeyèr lé meeyèr ləa ɓa aree tuji ne.

Gosota-Kəmkàrje 20:7

Njemeekarabasur lé njaa gə goo rəbee, Rɔlel nai gə ŋganeeje gə́ gée’d gogo.

Gosota-Kəmkàrje 21:8

Dəw gə́ ta wa dəa lé un rəwje gə́ nduni koŋ-koŋ, Nɛ dəw gə́ ta wa dəa el lé ra né gə́ danasur.

Gosota-Kəmkàrje 3:6

Maji kari gəree rəw-kabije’g lai Ndá yeḛ a kar kila-rəwkabije d’asəna rai-rai.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 35:8

Rəw gə́ kul yududu gə́ to rəw-kwɔi a to keneŋ Ndá d’a ɓaree rəw gə́ to gə kəmee, Dəw gə́ mina̰ kára kara a dəs keneŋ el, Rəbee a to mbata lə koso-dəwje lə Njesigənea̰, Deḛ gə́ d’a njaa keneŋ lé Lé to mbəje kara D’a kaskəm ndəm rəw el.

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 52:12

Maji kar sí undaje loo teḛje gə kaar gəd el ləm, Gə teḛje gə ŋgwɔd el ləm tɔ, Mbata Njesigənea̰ a kaw no̰ sí’g ləm, Yeḛ gə́ to Ala lə Israɛlje a korè goo sí ndəŋ ləm tɔ.

Esai 57:2

Deḛ gə́ d’un goo rəw gə́ danasur lé D’a kur dan meekulɔm’g ləm, D’a kwa rɔ dee loo-to dee’g ləm tɔ.

Jeremi 10:23

Ǝi Njesigənea̰, ma m’gər gao, Rəw-kaw dəw lé to gə goo siŋgamoŋ ləa el ləm, Yeḛ askəm kwɔji rəw-kabee gə dɔrea el ləm tɔ.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

Soponi 3:5

Njesigənea̰ to njera né gə dɔ najee mbuna dee’g Ɓó yeḛ ra né gə́ majel kára kara el. Teḛ gə ndɔ gə ndɔje kára-kára lai lé Yeḛ riba dɔ rəwta ləa ar dee d’oo Ɓó lal gɔl kára el. Nɛ njémeeyèrje lé rɔkul ra dee el!

1 Njé gə́ Kɔrḭtə 4:5

Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

Njé gə́ Epesə 2:10

Mbata jeḛ gə́ j’ɔm na̰’d gə Kristi lé jeḛ n’toje nékundaje lə Ala gə́ yeḛ unda sí mba kar sí n’ra ne néraje gə́ maji gə́ Ala nja wa dəa gɔl-gɔl kédé mba kar sí n’raje.

1 Ja̰ 3:10

Yee neelé ɓa d’a gər ne ŋgan-Alaje gə ka̰ njekurai lé tɔ. Nana ɓa gə́ ra né gə́ lal najee ndá yeḛ to gə́ ka̰ Ala el, yeḛ gə́ lal kunda ŋgokea̰ dan kəmee’g ndá kara yeḛ to gə́ ka̰ Ala el tɔ.

1 Ja̰ 3:7

Ŋganəmje, maji kar dəw kára kara su kəm sí el. Yeḛ gə́ ra né gə́ gə goo rəbee ndá yeḛ to njemeekarabasur to gə́ Kristi to gə́ njemeekarabasur bèe tɔ.