Esai 26:3 - Maktub gə́ To gə Kəmee

³ Yeḛ gə́ aar njaŋg dɔ néje gə́ yeḛ wɔji ɔm ne mée dɔ’g lé I aree meekulɔm gə́ ɔr njal Mbata yeḛ ɔm mée jəb-jəb dɔi’g ya.

Esai 26:3 ပူးပေါင်းရင်းမြစ်များ

1 Sôrta Gḭka-Israɛlje 5:20

Deḛ d’iŋga yeḛ gə́ njela sə dee ndá Hagareje gə deḛ lai gə́ rɔ sə dee lé d’oso ne meḛ ji dee’g. Mbata loo gə́ d’ar rɔ lé ndá deḛ no̰ ɓar Ala ndá yeḛ ila dee keneŋ mbata deḛ d’ɔm meḛ dee dəa’g tɔ.

2 Sôrta Gḭka Israɛlje 13:18

Mee ndəa’g neelé Israɛlje d’ula dɔ dee d’aw ŋguna-ŋguna ndá Judaje d’un baŋga dɔ dee’g mbata deḛ nam kaar Njesigənea̰’g, Ala lə bɔ deeje-je.

2 Sôrta Gḭka Israɛlje 16:8

Kédé lé see Etiopije gə Libije d’ɔm na̰’d tel to boo-njérɔje gə́ d’aw gə pusu-rɔje gə njérɔ gə kundaje gə́ bula digi-digi el wa. Nɛ lé bèe kara Njesigənea̰ ya̰ dee jii’g mbata i nam kaaree’g ya.

Pakɔsje 119:165

Deḛ gə́ d’unda torndui dan kəm dee’g lé D’isi dan meelɔm’g dana bab, Né kára kara a kila dee kag rəw-kaw dee’g el.

Pakɔsje 125:1

Pakɔs kḭ kaw tuga ne loo ɗao-ɗao gə́ tar. Deḛ gə́ d’ɔm meḛ dee dɔ Njesigənea̰’g lé To d’asəna gə mbal gə́ Sio̰ gə́ né yə ŋgirá el bèe Nɛ yee ŋgəŋ ŋgəŋ-ŋgəŋ saar gə no̰ ya.

Pakɔsje 9:10

Njesigənea̰ lé to njo̰loo lə dee gə́ d’orè dɔ dee naŋg ləm, Yeḛ to njo̰loo lə deḛ gə́ néurti teḛ dɔ dee’g ləm tɔ.

Esai 12:2

Aa oo, Ala gə́ to njeginkajim, M’a kɔm məəm dəa’g jəb-jəb Ndá m’a ɓəl né kára el, Mbata Njesigənea̰, Njesigənea̰ to siŋgam ləm, Gə gin pa pidije ləm ləm tɔ, Yeḛ nja tel to njekajim.

Esai 26:12

Njesigənea̰, i ar sí j’isi lɔm, Mbata néje lai gə́ jeḛ n’ra lé I ɓa aree aw lée’g béréré ar sí.

Esai 27:5

Nɛ deḛ gə́ d’oom gə́ njo̰loo-kula-dɔ lə dee Gə́ d’ɔm səm na̰’d gə meekulɔm lé Oiyo! deḛ gə́ d’ɔm səm na̰’d gə meekulɔm lé Ndá m’a ra sə dee bèe el.

Esai 31:1

Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Esai 32:17

Néra gə́ gə dɔ najee lé a koji meelɔm Tɔɓəi kandə néra gə́ gə dɔ najee lé a to loo-kwa-rɔ gə loo-si gə́ majee ləm tɔ saar gə no̰.

Esai 32:18

Koso-dəwje ləm d’a si gə́ majee dan meelɔm’g Mee kəije gə́ ŋgəŋ’d Dan loo-kwa-rɔ gə́ néjɔg godo keneŋ.

Esai 42:19

See na̰ ɓa gə́ njekəmtɔ wa, See to gə́ kura ləm el wa. Esé na̰ ɓa to njembikudu Asəna gə njekaḭkula ləm gə́ m’ulá lé wa. See na̰ ɓa to njekəmtɔ to gə́ baokura lə Ala Esé to njekəmtɔ asəna gə kura lə Njesigənea̰ lé wa.

Esai 42:6

Ma Njesigənea̰ m’ɓari Mba kari ra néra gə́ gə dɔ najee. M’a kwa jii ləm, M’a ŋgəmi ləma, M’a kundai gə́ némanrɔ Gə́ m’a man ne rɔm kar koso-dəwje ləm tɔ Gə mba kari to lookàr lə ginkoji dəwje gə raŋg.

Esai 48:2

Mbata deḛ d’unda ri ɓee-boo gə́ to gə kəmee dɔ dee’g ləm, Deḛ nduna rɔ dee rɔ Ala lə Israɛlje’d Gə́ ria lə Njesigənea̰ gə́ njeboo-néje ləm tɔ.

Esai 49:8

Njesigənea̰ pa togə́bè pana: Ndɔ noji’g lé m’a koo ndu sí ləm, Ndɔ kaji’g lé m’a la sə sí ləm tɔ, M’a ŋgəm sí ləm, m’a tel sí gə́ nékɔm gə ginkoji dəwje lé na̰’d ləm tɔ Gə mba tel kun ne ɓee kuree tar ləm, Mba kai ne nénduba gə́ tuji kar sí gogo lé ləm tɔ,

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Esai 66:12

Mbata Njesigənea̰ pa togə́bè pana: Aa ooje, m’a kar meekulɔm aw par gə́ rɔ Jerusalem’g Asəna gə mán baa bèe ləm, M’a kar rɔnduba lə ginkoji dəwje gə raŋg aw par gə́ rəa’g Asəna gə kəm-rəw-mán Gə́ mán rusu ruba pɔ-pɔ bèe ləm tɔ Ndá seḭ a kaije mbà lé, D’a kodo sí kag ji dee’g ləm, D’a tur sí dɔ biŋ dee’g ndam ne ləm tɔ.

Jeremi 39:18

M’a taa dɔi ndá d’a tɔli gə kiambas el, kisi kəmba ləi a to nékiŋgai mbata i ɔm məəi dɔm’g. Njesigənea̰ ɓa pa bèe.

Loo gə́ killa rea kəm Daniel’g 3:17

Aa oo, Ala lə sí gə́ jeḛ n’to kuraje ləa lé askəm kɔr sí mee bwa pər gə́ o̰ bilim-bilim’g lé kɔm sí tar ya, tɔɓəi yeḛ a kɔr sí jii-i mbai’g lé ya tɔ.

Loo gə́ killa rea kəm Daniel’g 3:28

Nebukadnesar un ta pa pana: Maji kar dɔ ri Ala lə Sadrak gə Mesak gə Abed-Nego ai səgərə. Yeḛ nja ɓa ula kura ləa gə́ dara mbuna dee’g ləm, yeḛ ɔr kuraje ləa neelé ɔm dee tar ləm tɔ. Mbata deḛ neelé d’ɔm meḛ dee dəa’g jəb-jəb ləm, d’ɔs ne ta ləm-ma gə́ m’to mbai lé rəw ləma, d’ya̰ rɔ dee yag ləm tɔ, yee ɓa d’oo gə́ nékəmra gə́ maji unda ra né kar magə gə́ raŋg gə́ rara kara əsé kwa magə gə́ raŋg meḛ dee’g korè ne dɔ Ala lə dee.

Loo gə́ killa rea kəm Daniel’g 6:23

Ala ləm ula kura ləa gə́ dara aree ndém ta toboḭje sud-sud mba kar dee ra səm némajel kára kara el mbata ta kára kara wa dɔm nea̰’g el. Ǝi mbai, nɔḭ-i’g ya kara m’ra né gə́ majel kára kara el tɔ.

Misee 5:5

Deḛje neelé d’a ko̰ guburu ɓee gə́ Asiri Gə ɓee gə́ Nimrɔd gə kiambas. Togə́bè ɓa yeḛ a taa sí ne ji dəw gə́ Asiri, Loo gə́ yeḛ a ree mee ɓee’g lə sí ləm, A kila gɔlee dɔ naŋg’d lə sí ləm tɔ.

Tagə́maji gə́ Ja̰ ndang 14:27

Ma m’ya̰ sí gə meekulɔm, nɛ meekulɔm ləm ya m’ar sí. Ma lé m’ar sí to gə́ naŋg nee ɓa ar sí lé el. Maji karje meḛ sí pélé wəs-wəs el ləm, gə ɓəlje el ləm tɔ.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Njé gə́ Rɔmə 5:1

Jeḛ lé mbɔl dɔ meekun lə sí ɓa Ala ɔr ne ta dɔ sí’g yee ɓa Mbaidɔmbaije lə sí Jeju Kristi lé ar sí j’ɔm na̰’d yəg gə Ala tɔ.

Njé gə́ Pilibə 4:7

Bèe ndá meekulɔm lə Ala gə́ dum kḛji lé a kaḭ ŋgaŋ takə̰ji gə́ meḛ sí-seḭ gə́ ɔmje na̰’d gin Jeju Kristi lé.