Esai 26:21 - Maktub gə́ To gə Kəmee

²¹ Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 26:21 ပူးပေါင်းရင်းမြစ်များ

Maktub gə́ wɔji dɔ Jɔb 16:18

Ǝi naŋg, maji kari ɔn dɔ məsm el ləm, Maji kar ndu no̰ ləm ɔr njal ləm tɔ.

Maktub gə́ wɔji dɔ Jɔb 20:27

Dara a riba dɔ néra kori-korije ləa gə́ raga ləm, Naŋg kara a kḭ kɔsee ŋgərəŋ ləm tɔ.

Esai 10:3

See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 18:4

Mbata Njesigənea̰ ulam ta togə́bè pana: Neḛ n’isi lɔm loo-si neḛ’g N’aa loo n’oo To gə́ loonṵga lə lookàr gə́ ndɔḭ wər-wər lé ləm, To gə́ mum gə́ tàl aree oso naḭ kinja kó’g lé ləm tɔ.

Esai 22:14

Njesigənea̰ gə́ njeboo-néje riba dɔ ta nee Am m’oo pana: Tɔgərɔ ya, néra majel lə sí neelé Mee neḛ a koso lemsé dɔ’g el Saar a kwəije ne! Njesigənea̰ gə́ njeboo-néje ɓa pa bèe.

Esai 29:6

Ndá Njesigənea̰ gə́ njeboo-néje a ree rɔi’g Gə ndije gə́ ndaŋg ləm, Gə́ naŋg gə́ yə ɓugu-ɓugu ləm, Gə kaa né gə́ ɓar gə́ to ɓəl kədm-kədm ləm, Gə ko̰ ndi gə lel-boo ləma, Gə ndo̰ pər gə́ roo loo dula-dula ləm tɔ.

Esai 65:6

Aa ooje, né gə́ ndaŋg taree nɔm’g lé ɓa nee: M’a si gə́ tam gə́ mundu el Nɛ m’a kar bo̰ néra dee ɔs ta dee’g, Tɔgərɔ, m’a kar bo̰ néra dee ɔs ta dee’g ya.

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Esai 66:6

Ndu dəw gə́ ɓar pénéné gə́ ḭ mee ɓee-boo’g ləm, Ndu dəw gə́ ɓar gə́ ḭ mee kəi gə́ to gə kəmee’g ləm tɔ lé, To ndu Njesigənea̰ Gə́ njekoga-dɔ-ji njéba̰je ləa ya.

Ejekel 8:6

Ndá yeḛ ulam pana: Ma ŋgon-dəw lé see m’oo né gə́ deḛ ra gə́ to boo-néje gə́ mina̰ gə́ gel-bɔje lə Israɛl d’isi ra loo gə́ nee’g gə mba kar neḛ n’ya̰ ne loo lə neḛ gə́ to gə kəmee neelé wa. Nɛ m’a koo boo-néraje gə́ mina̰ gə́ raŋg ya tɔɓəi.

Lugu 11:40

Seḭ mbə-dəwje! dəw gə́ njera gir né gə́ raga lé see to njera mée gə́ kəi el wa.

Lugu 11:50

Bèe ɓa məs njéteggintaje lai gə́ ula dɔ naŋg nee un kudee ndɔ tum gin naŋg nee ləm,

Loo gə́ killa rea kəm Ja̰’g 16:6

Mbata deḛ tɔl njémeendaje gə njéteggintaje ndá ɓasinè i ar dee d’ai məs dee. Deḛ nai keneŋ ho̰d ya.

Loo gə́ killa rea kəm Ja̰’g 18:24

mbata d’iŋga məs deḛ gə́ to gə kəmee gə ka̰ njéteggintaje gə ka̰ deḛ gə́ i goré gwɔs dee dɔ naŋg neelé lé mee ɓee’g ləi ləm tɔ.