Esai 26:20 - Maktub gə́ To gə Kəmee

²⁰ Koso-dəwje ləm, awje mee kəije’g lə sí Ndá uduje takəi dɔ sí’g, Iyaje rɔ sí waga Saar kar oŋg lə Njesigənea̰ dəs ɓa.

Esai 26:20 ပူးပေါင်းရင်းမြစ်များ

Gḭ-Néje 7:1

Njesigənea̰ ula Noe pana: I gə njémeekəije ləi lai, a̰dje mee kəi-kag’d. Mbata m’ooi gə́ njemeekarabasur nɔm’g mbuna njé gə́ d’isi dɔ naŋg nee ɓasinè lé.

Gḭ-Néje 7:16

Nékundaje lai neelé, bɔbee gə kea̰ d’andə keneŋ, to gə́ Ala un ne ndia ar Noe lé. Bèe ɓa Njesigənea̰ udu tarəw dəa’g.

Maktub gə́ wɔji dɔ Jɔb 14:13

Ǝi, ɓó lé i ndigi kya̰m ɓee’g lə njé gə́ d’wəi Gə mba kudu tam saar kar oŋg ləi dəs ləm, Gə mba kwɔji ndɔ gə́ i a kar məəi olé ne dɔm’g njaŋg ləm tɔ...

Pakɔsje 143:9

Ǝi Njesigənea̰, maji kari ɔrm ji njéba̰je’g ləm ya, Mbata ma lé loo gə́ mbɔri’g ɓa M’saŋg njo̰loo-kula-dɔ ləm keneŋ ya.

Pakɔsje 17:8

Maji kari tɔs kəmi dɔm’g asəna gə ŋgonkəmi ləm, Maji kari iyam kɔrɔg gel bagi’g lé ləm tɔ.

Pakɔsje 27:5

Mbata ndɔ gə́ nékəmndoo teḛ lé Yeḛ a kaa dɔm mee kəi’g ləa ləm, Yeḛ a kiyam pḛ́ mee kəi-kubu’g ləa ləm tɔ, Yeḛ a kunm kundam dɔ biri mbal gə́ tar ndoi.

Pakɔsje 30:5

Maji kar sí ɔsje pa arje Njesigənea̰, Seḭ gə́ ṵdáje dan kəm sí’g lé Maji kar sí ɔsje pa pidije ne meenda londoŋ ləa tɔ.

Pakɔsje 31:20

Wai, meemaji ləi al dɔ loo sula! Meemaji neelé i unda kul mbata deḛ gə́ ɓəli, I riba dəa ar deḛ gə́ saŋg loo-kula-dɔ lə dee rɔi’g ləm, Aree to raga pai-pai kəm dəwje’g ləm tɔ.

Pakɔsje 32:7

I ɓa to loo-kula-rɔm keneŋ ləm, I nja ɓa gə́ njekɔgm dɔ koso dan ndòo’g ləm tɔ, I aḭ dɔm sub gə pa taa ne dɔm.

Pakɔsje 57:1

Pakɔs lə Dabid gə́ bao-pa ɔs sə dee lé. D’ɔs gə ndu gwɔs gə́ pana: Ya̰ aree tuji el. Ndəa gə́ Dabid iya ne rəa mee bolè mbal’g loo gə́ Sawul tuba ne gée lé.

Pakɔsje 57:2

Ǝi Ala, maji kari oo kəm lootondoo’g, Oo kəm lootondoo’g ya kari, Mbata m’saŋg njo̰loo-kula-dɔ ləm rɔi’g.

Pakɔsje 91:1

Yeḛ gə́ loo-siée to ndil Njekurdɔloo’g lé Ndil Bao-siŋgamoŋ ɓa yeḛ wa rəa keneŋ.

Pakɔsje 91:4

Yeḛ a kɔm bèlee dɔi’g ndá I a kiŋga ne loo-kula-dɔi gin bagee’g. Meenda londoŋ ləa ɓa to dər ləi gə kubu-rɔ kula kaari’g ya.

Pakɔsje 94:13

Gə mba gɔl ne mee ndɔ nékəmndooje’g Saar kar bwa gə́ d’a gə kuru mbata lə njemeeyèr lé d’uru mba̰ ɓa.

Gosota-Kəmkàrje 18:10

Ri Njesigənea̰ lé to gad-kəi-kaar-kɔgərɔ, Njemeekarabasur aḭ iya rəa keneŋ si ne gə meekulɔm.

Gosota-Kəmkàrje 22:3

Dəw gə́ njekunda kəmkàr dɔ rəa’g lé oo némajel ndá iya rəa, Nɛ deḛ gə́ négər na meḛ dee tas lé d’aw pər gə́ keneŋ ndá bo̰ néra dee ɔs ta dee’g ya.

Esai 10:25

Nɛ kuree a kəw waga ba ɓəi ndá bo̰ néra lé a godo tɔɓəi oŋg ləm a tel koso dɔ dee-deḛ’g gə mba tuji dee ne pugudu-pugudu.

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 13:5

Deḛ d’ḭ mee ɓee gə́ əw’g Gə́ gwɔi naŋg lé, Njesigənea̰ gə nékulaje gə́ wɔji dɔ oŋg ləa lé D’a gə tuji dɔ naŋg nee lai.

Esai 34:2

Mbata oŋg lə Njesigənea̰ a gə kɔm dɔ ginkoji dəwje gə raŋg’g lai Ndá oŋg-boo ləa a kɔm dɔ njérɔje’g lə deḛ lai tɔ. Yeḛ wɔji mba kar dee d’udu guduru ləm, Yeḛ ɔm dee ta yoo’g rib-rib ləm tɔ.

Esai 51:16

Ma m’ɔm taje ləm ta sí’g ləm, Ma m’ɔn dɔ sí gə jim ləm tɔ Gə mba naji ne dara gə́ sigi ləm, Gə mba tum ne gel naŋg gə́ sigi ləma, Gə mba kula njé gə́ Sio̰ pana: Seḭ toje gə́ koso-dəwje ləm ya ləm tɔ!

Esai 51:4

Koso-dəwje ləm, Sije gèŋ ooje ndum! Ginkoji dəwje ləm, Urje mbi sí gə́ rɔm’g nee! Mbata godndu a kḭ rɔm’g ləm, M’a tum gel godndum Gə mba karee to gə́ lookàr lə koso-dəwje ləm tɔ.

Esai 66:14

Seḭ a kooje ndá meḛ sí a lel sí ləm, Siŋga rɔ sí kara a ŋgəŋ ne ŋgəŋ-ŋgəŋ To gə́ mu gə́ idi bèe ləm tɔ. Njesigənea̰ a riba dɔ siŋgamoŋ ləa rɔ kuraje’g ləa Nɛ yeḛ a kar njéba̰je ləa d’oo oŋg-boo ləa.

Jeremi 31:14

M’a kar né gə́ to ubu As njékinjanéməsje nag-nag ləm, Némajije ləm A kas koso-dəwje ləm nag-nag ləm tɔ, Njesigənea̰ ɓa pa bèe.

Jeremi 7:23

Nɛ ndukun gə́ m’un m’ar dee ɓa nee: Ooje ndum ndá m’a to Ala lə sí ləm, seḭ a toje dəwje ləm ləm tɔ. Njaaje gə goo rəwje gə́ ma m’tɔji sí mba kar sí síje ne dan rɔlel’g.

Ejekel 11:16

Gelee gə́ nee ɓa m’a kula dee pana: Mbaidɔmbaije gə́ Njesigənea̰ pa togə́bè pana: Ɓó lé n’ar njé’g ləm nai əw mbuna ginkoji dəwje gə raŋg’g ləm, ɓó lé neḛ n’sané dee gə mee ɓeeje ɓəd-ɓəd ləm tɔ kara n’a to loo-kula-dɔ lə dee mee ɓeeje gə́ d’aw keneŋ lé.

Loo gə́ killa rea kəm Daniel’g 11:36

Mbai lé a ra né to gə́ mée ndigi. Yeḛ a ti rəa ləm, a kɔs gaji rəa koo ne rəa gə́ njekur dɔ magəje lai ləm tɔ ndá yeḛ a pata néje gə́ dum kəm loo kɔs ne ta lə Ala gə́ njekur dɔ magəje lé rəw. Néreaje gə́ togə́bè lé a teḛ ne kɔr saar kar oŋgee wəi bém, saar kar né gə́ d’wɔji-kwɔji ra lé a kaw ne lée’g béréré ya.

Soponi 2:3

Seḭ njékula dɔ síje lai gə́ dɔ naŋg neelé Maji kar sí saŋgje Njesigənea̰, Seḭ lai gə́ raje né gə́ ndukunje ləa wɔji lé! Maji kar sí ndolèje goo meekarabasur ləm, Gə saŋgje loo kula dɔ sí ləm tɔ. Banelə Njesigənea̰ a kya̰ sí ndɔ oŋg’d ləa.

Matiyo 23:37

Seḭ njéɓeeje gə́ Jerusalem, seḭ njéɓeeje gə́ Jerusalem lé seḭ gə́ tɔlje njéteggintaje gə tilaje deḛ gə́ d’ula dee rɔ sí’g gə kɔri-ərje lé see gɔl ka̰da ɓa ma m’ndiŋga rɔm mba mbo̰ sí gelm’g to gə́ ko̰ kṵja mbo̰ ne ŋganee gel bagee’g bèe nɛ seḭ ṵdamje ɓad nee ɓəi wa.

Matiyo 6:6

Nɛ i lé maji kari-i nja gə kari ba andə mee kəi’g ləi udu takəi dɔi’g ra tamaji ta Bɔbije gə́ njesi loo-ŋgəḭ’g lé yen ɓa Bɔbije gə́ njekoo né gə́ to loo-ŋgəḭ’g lé a kari née ɓəi.

2 Njé gə́ Kɔrḭtə 4:17

Némeeko̰ gə́ ra sí waga gə́ jeḛ j’oo gə́ né gə́ əḭ el lé a to kó rɔnduba gə́ d’a kula dɔ sí’g saar-saar gə no̰, gə́ lal kwɔji ləm, gə lal kunda ŋgaŋgee ləm tɔ.