Esai 26:19 - Maktub gə́ To gə Kəmee

¹⁹ Maji kar njé’g ləi gə́ d’wəi lé tel d’isi kəmba, Maji kar nin dəwje ləm d’ḭ tar! Ndelje dɔ ɓi’g, alje rɔ sí gə rɔlel, Seḭ gə́ rogoje babur’g! Mbata mán-tàl ləi to mán-tàl Gə́ ka̰ kar dəw si ne kəmba ləm, Naŋg a teḛ gə ndil njé gə́ d’wəi lé Kar dee d’isi kəmba gogo ləm tɔ.

Esai 26:19 ပူးပေါင်းရင်းမြစ်များ

Maktub gə́ wɔji dɔ Jɔb 14:8

Loo gə́ ŋgiráje gə́ naŋg ɓuga ləm, Loo gə́ kuburu rəa ndolé mee nduji naŋg’d ləm tɔ

Maktub gə́ wɔji dɔ Jɔb 29:19

Ŋgiramje a to dan mán’g ləm, Barkəmje kara d’a kwa dɔ dee’g yududu loondul’g ləm tɔ.

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

Pakɔsje 22:15

Ma m’yəb yəb-yəb ləm, Siŋgarɔmje lai tɔr to tar yɔg-yɔg ləma, Ɓə̰gərəm léḛ məəm’g to gə́ ya̰-tə̰ji gə́ léḛ sələlə-sələlə bèe ləm tɔ.

Pakɔsje 22:29

Mbata ko̰ɓee lé to ka̰ Njesigənea̰, Yeḛ nja o̰ ɓee dɔ ginkoji dəwje gə raŋg’g.

Pakɔsje 71:20

Dan nékəmndoo’g gə dan némeekonje’g lé I aḭ ne məəm ya, Nɛ i a tel kam m’isi kəmba gogo ɓəi ləm, I a kam m’unda loo m’teḛ mee bwa-dɔɓar’g ləm tɔ.

Pakɔsje 88:11

See deḛ gə́ d’wəi mba̰ lé ɓa I ra ne némɔrije mbata lə dee wa. See deḛ gə́ d’wəi mba̰ lé D’a kuba naŋg kḭ tar gə mba pidii ya to wa.

Esai 18:4

Mbata Njesigənea̰ ulam ta togə́bè pana: Neḛ n’isi lɔm loo-si neḛ’g N’aa loo n’oo To gə́ loonṵga lə lookàr gə́ ndɔḭ wər-wər lé ləm, To gə́ mum gə́ tàl aree oso naḭ kinja kó’g lé ləm tɔ.

Esai 25:8

Yeḛ tuji yoo pugudu saar gə no̰, Mbaidɔmbaije gə́ Njesigənea̰ a bi mán-no̰ kəm dəwje’g lai ləm, Yeḛ a kar rɔkul-boo gə́ wa kəm koso-dəwje ləa lé Godo dɔ naŋg nee lai ləm tɔ, Mbata Njesigənea̰ ɓa pa bèe.

Esai 51:17

Teḛje kəm sí, seḭ gə́ Jerusalem, Teḛje kəm sí ndá ḭje tar! Seḭ gə́ aije oŋg gə́ to mee bai gə́ to ji Njesigənea̰’g, Seḭ gə́ aije njibije nja̰-nja̰ Saar arje dɔ sí ila mbir-mbir lé!

Loo gə́ killa rea kəm Daniel’g 12:2

Njé gə́ na̰je bula gə́ d’wəi tel nduji naŋg lé d’a tel kisi kəmba gə no̰ nɛ njé gə́ raŋg bula d’a kila rɔkul dɔ dee’g kar rɔkul wa dɔ dee gə no̰ tɔ.

Ojee 13:14

See m’a kuga dɔ dee kɔr dee ne ji siŋgamoŋ lə ɓee lə njé gə́ d’wəi’g Esé m’a kɔr dee ji yoo’g wa. Ǝi yoo, see nékad ləi to ra wa. Ǝi ɓee lə njé gə́ d’wəi see nétujiloo ləi to ra wa. Nɛ koo kəmtondoo lé iya rəa kəm’g ɓəi.

Ojee 14:5

Njesigənea̰ pa togə́bè pana: M’a gɔl dee dɔ rəmje’g lə dee ləm, M’a kunda dee dan kəm’g Gə meenda kɔr jol-jol ləm tɔ, Mbata oŋg ləm gə́ ḭ səm pu dɔ dee’g lé Wəi bèm mba̰.

Ojee 6:2

As ndɔ joo ba ya Yeḛ a kar sí n’tel j’isije kəmba, Ndɔ gə́ njekɔm’g munda ndá Yeḛ a k’un sí kur sí tar, Bèe ɓa j’a si ne kəmba nea̰’g ya.

Jakari 8:12

Mbata kandə néje gə́ deḛ dubu lé A teḛkɔr ləm, Nduú a kul bo̰-bo̰ gə ka̰dee ləm, Naŋg a kar dee nésɔ dee ləma, Dara a kar dee mán-tàl ləm tɔ, Bèe ɓa n’a kar ges koso-dəwje gə́ nai neelé D’al rɔ dee wɔji dɔ néje’g neelé lai ya.

Matiyo 27:52

ta dɔɓarje tel to tag bəndəŋ-bəndəŋ ar njé gə́ na̰je gə́ to gə kəmee gə́ d’wəi ləw lé d’unda loo teḛ ləm tɔ.

Matiyo 27:58

Dəw neelé aw rɔ Pilatə’g dəjee nin Jeju. Pilatə un ndia mba kar dee d’wa nin Jeju lé d’aree ya.

Néra Njékaḭkulaje 24:15

M’unda məəm yel dɔ Ala’g lé to gə́ deḛ bèe ya m’oo to gə́ Ala lé a kar njémeekarabasurje ləm, gə njéra nékori-korije ləm tɔ lé d’a teḛ dɔkumbwa’g gə kəm dee kəm dee.

1 Njé gə́ Kɔrḭtə 15:20

Nɛ ɓasinè lé Kristi teḛ mbuna njé gə́ d’wəi’g ya, yeḛ to ne dəw gə́ doŋgɔr lə deḛ gə́ d’wəi.

Njé gə́ Epesə 5:14

Gelee gə́ nee ɓa, yeḛ pa ne pana: I gə́ toɓi lé teḛ kəmi, Unda loo teḛ dan njé gə́ d’wəi’g Ndá Kristi a ndogó nɔḭ’g.

Tel tura Godndu 32:2

Maji kar ta ndoo ləm taa loo pəl-pəl asəna gə ndi gə́ ər bèe ləm Ta ləm tɔ asəna gə mán-tàl Gə́ wa dɔ naŋg bèe ləm Asəna gə ndi dodaŋ Gə́ ər dɔ mu gə́ idi lururu’g ləma Asəna gə mán ndi Gə́ ula kəŋgəŋ-kəŋgəŋ dɔ mu’g bèe ləm tɔ!

Tel tura Godndu 33:13

Yeḛ pata dɔ ginkoji Jisepje’g pana: Ɓee lə dee a kiŋga ndutɔr Ji Njesigənea̰’g, Nénoji gə́ maji dum gə́ ḭ dara gə́ to mán-tàl ləm, Gə manje gə́ maji dum gə́ gel naŋg’d ləm,

Tel tura Godndu 33:28

Israɛlje d’isi dan meekulɔm’g, Kəm-rəw-manje lə Jakobje to gə kəmee ɓəd Mee ɓee gə́ kó gə mán-nduú to keneŋ, Tàl ḭ mee dara’g ləa wa dɔ’g tɔ.

Njé gə́ Pilibə 3:10

Tɔgərɔ ma m’ndiŋga rɔm gə mba gər ndəaa ləm, gə mba gər siŋgamoŋ gə́ yeḛ teḛ ne dɔkumbwa’g ləma, gə mba gər kula rɔ ndòo ləa lé m’ɔm səa na̰’d keneŋ sad ləma, m’ɔm səa na̰’d sad loo kwəi’g ləa ləm tɔ

Njé gə́ Pilibə 3:21

Rɔ sí gə́ wa kor kor-kor lé yeḛ nja ɓa a telee karee nduba raŋg-raŋg asəna gə kea̰-yeḛ gə goo siŋgamoŋ ləa gə́ yeḛ dum ne dɔ néje lai lé ya.

1 Samel 2:6

Njesigənea̰ to njekar dəw wəi ləm, To njekar dəw si kəmba ləm tɔ. Yeḛ ar dəw aw ɓee’d lə njé gə́ d’wəi ləm, Yeḛ aree unda loo teḛ ləm tɔ.