Esai 26:18 - Maktub gə́ To gə Kəmee

¹⁸ Jeḛ n’taaje kèm ləm, ndóo ula sí ndubu ləm tɔ Nɛ loo gə́ j’ojije ndá j’ojije lel ba, Ɓee neelé aji sí el ləm, Dəwje gə́ mee ɓee’g kara d’oji ŋganje el ləm tɔ.

Esai 26:18 ပူးပေါင်းရင်းမြစ်များ

2 Mbaije 19:3

Deḛ d’ulá pana: Ejekias pa togə́bè pana: Mee ndɔ gə́ ɓogənè lé to ndɔ néurti ləm, gə ndɔ kwɔji síjeḛ kəmkàr ləma, gə ndɔ rɔkul gə́ boo ləm tɔ, mbata nai lam ba kar ŋganje teḛ mee ko̰ deeje’g ndá siŋga gə́ ka̰ koji dee ne a godo.

Pakɔsje 17:14

Njesigənea̰, maji kari ɔrm ji dəwje gə́ dɔ naŋg nee gə jii gə́ ɓar mèr-mèr. Nédɔji lə dee to naŋg nee ləm, I ar meḛ dee ndan gə némajije ləi ləm tɔ, Ŋgan deeje kara meḛ dee ndan tub-tub Ar dee d’ya̰ ges néje lə dee gə́ uru kugu lé mbata lə ŋgaka deeje lé tɔ.

Esai 33:11

Né gə́ seḭ wɔjije mba raje lé To asəna gə ləm mu, Bèe ɓa loo gə́ néje neelé teḛ ndá A to mu ba, Kəmə gə́ seḭ ilaje pugudu lé To pər gə́ a gə roo sí.

Esai 37:3

Ndá deḛ d’ulá pana: Ejekias pa togə́bè pana: ndɔ gə́ ɓogənè lé to ndɔ néurti ləm, gə ndɔ kwɔji kəmkàr ləma, gə ndɔ rɔkul ləm tɔ, mbata nai lam ba kar ŋganje teḛ meḛ ko̰ deeje’g nɛ siŋgá gə́ ka̰ koji dee ne godo.

Esai 59:4

Dəw kára kara səg maree Gə goo rəbee bèe el ləm, Dəw kára kara ɔr kəm ta Gə goo néra gə́ danasur el ləm tɔ. Deḛ d’ɔm meḛ dee dɔ né gə́ gə mḭdé ba’g Pa ne taŋgɔmje ləm, Deḛ d’əskèm né gə́ majel ləm Néra gə́ majel ɓa d’ojee ləm tɔ.

Ojee 13:13

Meeko̰ a ra dee asəna gə ndóo Gə́ teḛ dɔ dené’g wai bèe, To ŋgon gə́ dum Gə́ ndɔ kojee as ya Nɛ yeḛ unda loo mee kea̰je’g teḛ el bèe.

Tagə́maji gə́ Ja̰ ndang 7:7

Njé gə́ dɔ naŋg nee d’ə̰ji sí bəḭ-bəḭ el, nɛ ma lé deḛ d’ə̰jim mbata ma lé m’to gə́ njekɔrgoo néra gə́ majel lə dee gə́ deḛ ra lé gə́ raga.

1 Ja̰ 5:19

Jeḛ n’gər gao, jeḛ lé n’to gə́ ka̰ Ala ləm, loo gə́ naŋg nee bura nai gel siŋgamoŋ lə njetakori’g ləm tɔ.

1 Samel 11:13

Nɛ Sawul pana: Dəw a tɔl dəw kára kara mee ndɔ’g bèe’g el, mbata ɓogənè lé Njesigənea̰ un baŋga mee ɓee gə́ Israɛl’g.

1 Samel 14:45

Njérɔje d’ula Sawul pana: Ta ɗi bèe wa! Jonatan gə́ taa Israɛlje ɔm dee tar nee ya a kwəi bèe wa! Bèe el! Njesigənea̰ si kəmba ya! Yiŋga dəa kára kara a kɔr koso naŋg el mbata mee ndəa’g neelé Ala ɓa la səa aree ra né neelé ya. Togə́bè ɓa njérɔje d’aji ne Jonatan d’aree wəi ne el.