Esai 26:17 - Maktub gə́ To gə Kəmee

¹⁷ To gə́ dené gə́ aw gə kèm gə́ nai lam bèe karee oji ŋgon lé Tur rəa ləm, no̰ mbata ndóo gə́ tée ləm tɔ lé Ǝi Njesigənea̰, jeḛ gə́ j’isi ŋgərəŋ səi kara Jeḛ n’toje togə́bè tɔ.

Esai 26:17 ပူးပေါင်းရင်းမြစ်များ

Gḭ-Néje 3:16

Yeḛ ula dené lé pana: M’a kila meeko̰ dɔ maree’g k’ari loo gə́ i a kaw gə kèm. M’a kar kèm ulai ndubu unda nje gə́ kédé ləm, Ndɔ koji ŋgon ləi kara ndóo a tooi yaa̰ ləm tɔ. Néndiŋga ləi a kḭ rɔ ŋgabije’g Nɛ yeḛ a to dəw dɔi ya tɔ.

Pakɔsje 48:6

Deḛ d’aa loo d’oo ndá d’aar dḭdiri-dḭdiri, Ɓəl unda dee badə gaŋg dee ar dee buŋga na̰ d’aḭ ya.

Esai 13:8

Siŋgasa wa dee ləm, Rɔko̰ gə́ ndaŋg dəw paḭ gə rɔtoo ra dee ləm, Deḛ tuma̰ rɔ dee To gə́ dené gə́ ndóo rəa bèe ləm, Deḛ d’aa kəm na̰ kɔbərɔ-kɔbərɔ ləma, Kəm dee ti bo̰-bo̰ ləm tɔ.

Esai 21:3

Gelee gə́ nee ɓa némeekonje taa ne rɔm pəl-pəl, Ndóo teḛ dɔm’g wai To gə́ ndóo gə́ ula dené ndubu loo-koji-ŋgon’g bèe, Rɔko̰je gə́ ndaŋg dəw paḭ lé D’ɔgm dɔ koo ta’g ləm, Kunda bala tigi-tigi ɔgm koo loo ləm tɔ.

Esai 37:3

Ndá deḛ d’ulá pana: Ejekias pa togə́bè pana: ndɔ gə́ ɓogənè lé to ndɔ néurti ləm, gə ndɔ kwɔji kəmkàr ləma, gə ndɔ rɔkul ləm tɔ, mbata nai lam ba kar ŋganje teḛ meḛ ko̰ deeje’g nɛ siŋgá gə́ ka̰ koji dee ne godo.

Jeremi 30:6

Dəjije na̰ ooje See diŋgam a koji ŋgon wa! Ŋga see gelee ban ɓa M’oo diŋgamje lai d’orè ji dee dun dee’g To gə́ dené gə́ ndóo tée bèe wa! See gelee ban ɓa Kəm deḛ lai tel ndá mbam wa.

Jeremi 4:31

Mbata ma m’oo nduje gə́ ɓar Asəna gə ndu dené gə́ ndóo rəa, Ndu nékəmndoo neelé Asəna gə ndóo koji ŋgondər bèe. Yee ɓa to ndu no̰ lə ŋgoma̰də gə́ Sio̰, Yeḛ tuma̰ ŋgururu-ŋgururu Jəŋ ne jia pana: Jeḛ gə́ n’to njénékəmndooje lé J’wəije ji njétɔl dəwje’g ŋga!

Jeremi 6:24

Loo gə́ jeḛ j’oo ta ree lə dee ndá Ji sí unda ndolè Néɓəŋgərəti ra sí To gə́ ndóo gə́ ɔs dené bèe.

Tagə́maji gə́ Ja̰ ndang 16:21

Loo gə́ ndóo to dené lé yeḛ si dan némeeko̰’g mbata kàree teḛ dəa’g, nɛ loo gə́ yeḛ oji ŋgon mba̰ ndá rəa lelee ar mée wəi dɔ ndóo’g sel mbata ŋgon gə́ yeḛ ojee ilá naŋg lé.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.

Loo gə́ killa rea kəm Ja̰’g 12:2

Yeḛ əskèm, nɛ kèm ulá ndubu aree no̰ gə mba ndóo gə́ tée.