Esai 26:16 - Maktub gə́ To gə Kəmee

¹⁶ Njesigənea̰, loo gə́ d’isi dan néurti’g lé Deḛ ndolè gooi ləm Deḛ no̰ nɔḭ’g gə tamaji Loo gə́ i ar bo̰ néra dee ɔs ta dee’g ləm tɔ.

Esai 26:16 ပူးပေါင်းရင်းမြစ်များ

Pakɔsje 142:2

Ma m’ra né gə ndum wəl gə́ rɔ Njesigənea̰’g ləm, Ma m’ra ndòo rɔ Njesigənea̰’g gə ndu no̰ ləm ya ləm tɔ.

Pakɔsje 27:8

M’ə̰ji goo ta gə́ i pa pana: Maji kar sí n’saŋgje loo koo kəmi lé ndá Ǝi Njesigənea̰, m’saŋg loo koo kəmi ya to!

Pakɔsje 42:4

Loo gə́ deḛ pa ne səm lal kwa ta dee pana: See Ala ləm si ra wa Ndá mán-no̰ ɓa gə́ nésɔm dan kàrá gə loondul’g.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 77:3

Ndɔ néurti’g ləm lé Ma m’saŋg Mbaidɔmbaije ya, Loondul lé m’ula jim ndiŋ gə́ tar lal kwa gə́ naŋg, Ma mbad taje lai gə́ deḛ pa gɔl ne məəm lé.

Pakɔsje 78:34

Loo gə́ yeḛ unda dee ar yoo tɔl dee ndá Deḛ tel saŋgee ləm, Deḛ d’ɔs badm tel ree ne rɔ Ala’g lé ya ləm tɔ.

Pakɔsje 91:15

Yeḛ a ɓar rim ndá m’a kilá keneŋ ləm, M’a nai səa dan néurti’g ləm, M’a karee ɔr dəa kúla’g ləma, M’a kula rɔnduba dəa’g ləm tɔ.

Esai 37:3

Ndá deḛ d’ulá pana: Ejekias pa togə́bè pana: ndɔ gə́ ɓogənè lé to ndɔ néurti ləm, gə ndɔ kwɔji kəmkàr ləma, gə ndɔ rɔkul ləm tɔ, mbata nai lam ba kar ŋganje teḛ meḛ ko̰ deeje’g nɛ siŋgá gə́ ka̰ koji dee ne godo.

Jeremi 2:27

Deḛ d’ula kag pana: I to bɔ síje! Deḛ d’ula mbal pana: I ɓa ar sí j’isi kəmba! Mbata deḛ turu gir dee d’ila d’am ləm, D’aa loo gə́ rɔm’g el ləm tɔ Ndá loo gə́ nékəmndoo teḛ dɔ dee’g ɓa D’ulam pana: Ḭta aji sí!

Jeremi 22:23

Seḭ gə́ síje sém mbal gə́ Liba̰ Gə́ raje kəi lə sí asəna gə kəi-yel Mbuna kag-sɛdrəje’g bèe lé Loo gə́ némeekonje d’a teḛ dɔ sí’g ndá Seḭ a tuma̰je ŋgururu-ŋgururu, To némeeko̰ gə́ to asəna gə ndóo Gə́ ra dené loo-koji ŋgon’g bèe.

Jeremi 29:12

Seḭ a no̰je ɓarje rim ləm, a kaw raje tamaji tam’g ləm tɔ ndá m’a koo ndu sí ya.

Nɔ̰-ndôo gə́ wɔji dɔ Jerusalem 2:19

Ḭta gə gel-kàr Ar ndu tuma̰ ləi ɓar wəl! Né gə́ to dɔ ɓəŋgəri’g lé Teḛ ne gə́ raga to gə́ mán bèe no̰ Njesigənea̰’g. Ula jii par gə́ rəa’g Mba kar ŋganije gə́ d’isi d’wəi yoo-ɓoo gə kag-rəwje lé D’isi ne kəmba!

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Ojee 7:14

Deḛ no̰ ɓarm gə meendakaḭ el, Nɛ deḛ no̰ sii mbigi-mbigi loo-to dee’g ba, Deḛ mbo̰ dɔ na̰ gə mba kiŋga kó ləm, Gə mán-nduú gə́ sigi ləm tɔ Ndá deḛ d’unda ne rɔ dee ɓad rɔm’g.

Bula lə Israɛlje 21:7

Koso-dəwje lé ree rɔ Moyis’g d’ulá pana: Jeḛ n’raje kaiya mbata jeḛ m’paje ta gə́ yèr j’ɔsje ne Njesigənea̰ rəw ləm, j’ɔsi ne i rəw ləm tɔ. Bèe ndá maji kari ra tamaji ta Njesigənea̰’g mba karee ɔs lije neelé rɔ sí’g rəw gə́ raŋg. Ndá Moyis kara ra tamaji mbata lə dəwje lé ya tɔ.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.

Njéga̰g-Rəwtaje 10:15

Israɛlje d’ula Njesigənea̰ pana: Jeḛ n’raje kaiya ya, maji kari ra sə sí né to gə́ məəi ndigi. Nɛ né kára ba lé maji kari taa dɔ sí ɓogənè ya kɔgərɔ kari.

1 Samel 1:15

An tel ilá keneŋ pana: Wah! mbai ləm, ma m’to dené gə́ m’isi dan kəmndoo’g ɓó m’ai kido əsé nékai gə́ mḭ el. Nɛ ma m’ila rɔm no̰ Njesigənea̰’d gə́ kila ya.