Esai 26:11 - Maktub gə́ To gə Kəmee

¹¹ Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 26:11 ပူးပေါင်းရင်းမြစ်များ

Maktub gə́ wɔji dɔ Jɔb 34:27

Loo gə́ deḛ d’unda rɔ dee ɓad rəa’g ləm, Deḛ d’uba rəw-kabeeje lai d’ya̰ ləm tɔ ndá

Pakɔsje 10:12

Njesigənea̰, maji kari ḭta! Ǝi Ala, maji kari un jii ɓidi gə́ tar ya kari! Ar məəi wəi dɔ njénékəmndooje’g el.

Pakɔsje 21:8

Mbai lé ɔm mée dɔ Njesigənea̰’g jəb-jəb, Mbɔl dɔ meemaji lə Njekurdɔloo’g lé Gɔlee unda ne ndolè nda̰ el.

Pakɔsje 28:5

Mbata deḛ tɔs kəm dee dɔ kula raje’g lə Njesigənea̰ Gə́ to néje gə́ jia ɓa ra dee lé el. Maji kari ɓugu dee naŋg ɓó ar dee d’ḭta el ŋga.

Pakɔsje 78:63

Pər ḭ roo basaje ləa lé dula-dula ləm, Ŋganeeje gə́ ma̰də lé d’ɔs pa pidi dee ne el ləm tɔ.

Pakɔsje 86:17

Maji kari am m’oo nétɔji gə́ wɔji dɔ meemaji gə́ i a gə ra səm lé Maji kar njéba̰je ləm d’oo ləm, Ar kəm sɔḭ wa kəm dee ləm tɔ. Ǝi Njesigənea̰, i lé to njela səm gə njegɔl məəm ya.

Teḛ-Raga 9:14

Mbata ɓasinè lé n’a gə kar tuji-booje lə neḛ lai d’a koso dɔi’g ləm, gə dɔ kuraje’g ləi ləma, gə dɔ dəwje’g ləi ləm tɔ, mba kari gər ne gao, to gə́ dɔ naŋg nee lai lé dəw kára kara gə́ to tana sə neḛ bèe lé godo.

Esai 1:31

Dəw gə́ njesiŋgamoŋ a tel kasəna gə bḭ kúla bèe ləm, Kula rəa a to kasəna gə ndao-pər bèe ləm tɔ, Deḛ joo bɔr d’a roo dula-dula Ndá dəw gə́ njetɔl pəree a godo.

Esai 10:16

Gelee gə́ nee ɓa Mbaidɔmbaije, Gə́ to Mbaidɔmbaije gə́ njeboo-néje lé A kula gə né gə́ a kar njérɔje ləa Gə́ rɔ dee to kɔgərɔ-kɔgərɔ lé D’a kəŋg ne kəŋ-kəŋ, Tɔɓəi gin boo-ronduba ləa lé Né a nduba gə́ raga keneŋ To gə́ pər gə́ o̰ bèe.

Esai 10:17

Njesigənea̰ gə́ to lookàr lə Israɛlje lé A tel to pər, Njemeenda lə dee a tel to ndo̰ pər to Ndá yeḛ a roo kunje gə kun-pɔrɔrɔje ləa Mee ndɔ gə́ kára ba ya.

Esai 11:13

Kəmkəḭ lə Eprayimje a godo ləm, Njéba̰je lə dee gə́ d’isi Juda lé D’a tuji pugudu-pugudu ləm tɔ, Eprayimje d’a ra kəmkəḭ dɔ Judaje’g el ŋga ləm, Judaje kara d’a to njéba̰je lə Eprayimje el ŋga ləm tɔ.

Esai 18:3

Seḭ dəwje lai gə́ dɔ naŋg nee Gə́ síje dɔ naŋg nee lé Ooje nétɔji gə́ d’unda tar dɔ mbalje’g, Ooje ndu to̰to̰ gə́ ɓar lé.

Esai 37:32

Mbata ges dee gə́ nai lé d’a kunda loo mee ɓee gə́ Jerusalem teḛ ləm, deḛ gə́ d’aji lé d’a kḭ dɔ mbal gə́ Sio̰ ree ləm tɔ.

Esai 42:13

Njesigənea̰ unda loo teḛ To gə́ bao-rɔ bèe ləm, Yeḛ ar ŋguree rəa ŋgwɔd-ŋgwɔd To gə́ njerɔ bèe ya ləm tɔ. Yeḛ ɔr ndia gə́ tar ləm, Yeḛ ndaŋg rəa ləma, Yeḛ riba dɔ siŋgamoŋ ləa koma̰ ne njéba̰je ləa ləm tɔ.

Esai 44:18

Dəwje neelé gər né el ləm, Deḛ d’oo ta el ləm tɔ, Mbata deḛ libi kəm dee Mba kar dee d’oo loo el ləm, D’ar meḛ dee ndər Mba kar dee gər ne gin né el ləm tɔ.

Esai 44:9

Njé kuba magəje lé to gə́ dəwje gə́ kari ba ya lai. Kula ra dee gə́ maji yaa̰ lé askəm ra né kára kara el, Kula ra dee lé nja ɔr gel rɔ dee woḭ. Deḛ d’oo loo el ləm, gosonégər lə dee godo ləm tɔ Gə mba kar rɔkul dəb ne dɔ njéra deeje’g.

Esai 5:24

Gelee gə́ nee ɓa to gə́ ndo̰ pər o̰ ne ləm mu ləm, Pər o̰ ne mu gə́ tudu ləm tɔ lé Ŋgira dee a to to gə́ né gə́ ndum bèe ləm, Pudu dee a sané pá asəna gə kor bèe ləm tɔ, Mbata deḛ d’ə̰ji godndu Njesigənea̰ gə́ njeboo-néje bəḭ-bəḭ ləm, Deḛ d’oo tapa Njemeenda lə Israɛlje gə́ né gə́ to kḛji kəm dee’g ləm tɔ.

Esai 59:17

Yeḛ dolè rəa gə meekarabasur To gə́ kubu-rɔ gə́ ula kaaree’g bèe ləm, Yeḛ ula dɔgugu-kaji dəa’g ləm tɔ, Yeḛ un dalba̰ ula rəa’g To gə́ kubu bèe ləm, Kaḭ bada ləa gə́ dɔ dee’g To asəna gə kubu gə́ boi yul bèe ləm tɔ.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Esai 63:15

I gə́ si mee dara’g tar Mee loo-sii gə́ to gə kəmee gə́ to loo-ronduba lé Maji kari aa loo oo, See mal ra né ləi gə siŋgamoŋ ləi ɓa to ra wa. Meekaw taḭ-taḭ ləi gə koo kəmtondoo ləi Gə́ wɔji dɔm lé m’oo ɓasinè el.

Esai 66:15

Mbata aa ooje, Njesigənea̰ si ree dan pər’g ləm, Pusu-rɔje ləa d’aiŋgwɔd to gə́ lel-mal bèe ləm tɔ. Yeḛ ar oŋg ləa taa pər gəgəgə ləm, Ŋgawjia gə́ ula lé to asəna gə ndo̰ pər gə́ o̰ bilim-bilim bèe ləm tɔ.

Esai 66:24

Loo gə́ d’a kunda loo teḛ raga ndá D’a koo nin dəwje gə́ to njékalta kɔs ne ta ləm rəwje, Mbata kuruje gə́ njésɔ deeje lé D’a kwəi nda̰ el ləm, Pər gə́ njeko̰ dee lé kara A kwəi nda̰ el ləm tɔ. Dəwje lai d’a koo dee gə́ né gə́ to ɓəl Gə́ to kḛji kəm dee’g ya.

Esai 66:5

Ooje ta lə Njesigənea̰ Seḭ gə́ ɓəlje ta ləa lé Aa ooje, ta gə́ ŋgako̰ síje gə́ d’ə̰ji sí bəḭ-bəḭ gə d’ɔs sí rəw lé pa Gə mbata lə rim lé ɓa nee: Maji kar Njesigənea̰ tɔji neḛje rɔnduba ləa Kar neḛ n’ooje ne rɔlel lə sí! Nɛ dee nja d’a nai gə rɔkul.

Esai 9:18

Gə goo oŋg lə Njesigənea̰ gə́ njeboo-néje lé ɓa Pər taa ne ɓee pəl-pəl Ar koso-dəwje tel to d’as ne na̰ Gə kir gə́ pər o̰ bèe, Dəw kára kara oo kəmtondoo lə ŋgokea̰ yá̰ ne el.

Esai 9:19

Dəw nar nésɔ gə́ to dɔ jikɔlee’g Nɛ si gə ɓó ya ɓəi, Dəw gaŋg nésɔ gə́ to jigelee’g Nɛ asee el ya ɓəi tɔ, Nana kara dakas jia-yeḛ ya ɓa sɔ.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 44:28

Deḛ gə́ jebəre ba bèe gə́ d’a teḛ ta kiambas’g lé d’a kḭ mee ɓee gə́ Ejiptə tel kaw mee ɓee gə́ Juda gogo. Nɛ ges Judaje lai gə́ d’aw d’isi mee ɓee gə́ Ejiptə lé d’a koo see ta ləm əsé ka̰ dee-deḛ ɓa a kaw lée’g béréré wa.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Misee 5:9

Njesigənea̰ pana: Mee ndəa’g neelé N’a kar kundaje lə sí d’udu guduru ləm, N’a tuji pusu-rɔje lə sí ləm tɔ.

Misee 7:10

Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Misee 7:16

Ginkoji dəwje gə raŋg d’a koo ndá Rɔkul a dəb dɔ dee’g Gə dɔ nésiŋgamoŋje’g lə deḛ lai, D’a kwa ta dee sud si ta dee mundu ləm, Mbi dee a kudu jig-jig ləm tɔ.

Matiyo 25:41

Gée gə́ gogo yeḛ a kula deḛ gə́ d’isi dɔ jigelee’g pana: Ɔdje tam’g gə́ gogo, seḭ gə́ ndɔl wa dɔ sí lé, ɔdje gə́ dan pər gə́ si o̰ bilim-bilim’g gə no̰ gə́ d’wa dɔ gɔlee d’wɔji ne dɔ njekurai gə kuraje ləa lé.

Lugu 16:23

Yeḛ si loo-si njé gə́ d’wəi’g ndá dan néurti gə́ rəa lé yeḛ un kəmee gə́ tar aa ne loo oo Abrakam si ŋgərəŋ ndá yeḛ oo Lajarə si mbɔree’g tɔ.

Néra Njékaḭkulaje 28:27

Mbata koso-dəwje lé meḛ dee ndər ləm, Mbi dee udu ləma, kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ne ginee ləma, D’a kɔs badm tel kar neḛ n’aji dee ləm tɔ.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Ǝbrəje 10:27

Nɛ néngina gə́ to ɓəl kədm-kədm gə́ to rəwta-gaŋg lé ləm, gə pər gə́ o̰ bilim-bilim gə́ a gə kuba njékaltaje naŋg bus roo dee ne ləm tɔ.

1 Piɛrə 3:16

Raje néje lai gə́ a kar meḛ sí oso naŋg lemsé gə́ majee dɔ rɔ sí’g mba kar deḛ gə́ səg sí, taji sí dɔ néra gə́ maji gə́ seḭ raje gin Kristi’g lé rɔ dee a kul ne.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.

1 Samel 6:9

Undaje kəm sí gée’g maji. Ɓó lé yee un rəw gə́ wɔji dɔ ŋgaŋ ɓee par gə́ Bet-Semes ndá to Njesigənea̰ gə́ ra sə sí néurtije gə́ to ɓəl neelé ya. Ɓó lé bèe el tɔ ndá j’a gər to gə́ to jia-yeḛ ɓa unda sí el nɛ to né gə́ teḛ dɔ sí’g gə́ teḛ ya.