Esai 26:10 - Maktub gə́ To gə Kəmee

¹⁰ Njémeeyèrje lé ɓó lé dəw oo kəmtondoo lə dee ndá Deḛ ndoo rəw néra gə́ danasur el, Deḛ d’ya̰ rɔ dee yag dan néra gə́ majel’g Mee ɓee gə́ néra gə́ danasur to keneŋ tɔ ndá, Deḛ d’oo boo-ronduba lə Njesigənea̰ gə́ né el.

Esai 26:10 ပူးပေါင်းရင်းမြစ်များ

2 Mbaije 13:6

Nɛ deḛ d’ya̰ goo kaiya ra gel-bɔje lə Jeroboam gə́ yeḛ ar Israɛlje ra lé el, deḛ d’ula rɔ dee keneŋ mbiriri ləm, d’ar magə-Astarté to tar mee ɓee gə́ Samari’g ləm tɔ.

Pakɔsje 106:43

Yeḛ ɔr dee ɔm dee tar gɔl bula ya, Nɛ né gə́ d’wɔji-kwɔji ra mba kɔs ne ta ləa rəw lé D’aar dɔ’g njaŋg ləm, Néra deeje gə́ kori-kori lé Ar dee tel to ne njénékəmndooje ya ləm tɔ.

Pakɔsje 143:10

Maji kari ndoom gə mba karm m’ra né gə́ məəi wɔji ɓa, Mbata i lé to Ala ləm. Maji kar ndili onm gə́ rəw gə́ danasur’g ya.

Pakɔsje 69:27

Mbata yeḛ gə́ i ɔr jii undá ne lé D’ula kəmee ndòo ləm, D’ɔr sor némeeko̰ lə dee gə́ i nja ar dee doo lé ləm tɔ.

Teḛ-Raga 8:15

Ndá njéra némɔrije lé d’ula Parao̰ pana: Yee neelé to ŋgaw ji Ala ya. Mee Parao̰ ndər aree udu mbia dɔ ta’g lə Moyis gə Aaro̰, gə goo ta gə́ Njesigənea̰ pa kédé lé tɔ.

Teḛ-Raga 9:30

Nɛ ma m’gər gao, to gə́ seḭ gə kuraje ləi lé seḭ a ɓəlje Njesigənea̰ lé el ya tɔɓəi.

Teḛ-Raga 9:34

Parao̰ lé loo gə́ oo to gə́ mán ndi gə ndi kwɔji gə ndi gə́ ndaŋg lé gaŋg ŋga ndá yeḛ ra kaiya kəmee gə́ kédé ya ɓəi, yeḛ ar mée ndər ya ɓəi, mée-yeḛ ləm, gə meḛ kuraje ləa ləm tɔ.

Gosota-Kəmkàrje 1:32

Mbata kɔs ta rəw lə njégərnéelje lé Tɔl dee ya ləm, Jɔg-rɔ el lə mbəje lé Tuji dee ya ləm tɔ.

Njekillamber 3:16

Ma m’oo né gə́ raŋg dɔ naŋg nee ya tɔɓəi: Loo-gaŋg-rəwta’g lé meeyèr ɓa taa loo keneŋ pəl-pəl ləm, loo ra né gə́ gə dɔ najee lé meeyèr ɓa taa pəl-pəl ləm tɔ.

Njekillamber 8:11

Mbata ta gə́ gaŋg dɔ néraje gə́ majel’d Gə́ d’aree aw ne lée’g béréré Dɔ dee’g kalaŋ el lé Ɓa ar dəwje d’wɔji ne néra gə́ majel Meḛ dee’g ra gə́ kédé-kédé.

Esai 1:21

See ban ɓa ɓee-boo gə́ njekila koji lé ya Tel to asəna gə kaiya-dené bèe wa! Kédé lé néra gə́ gə goo rəbee taa loo keneŋ pəl-pəl ləm, Néra gə́ gə dɔ najee ɓa ra ɓee keneŋ ləm tɔ, Nɛ ɓasinè ndá njétɔl dəwje ɓa d’isi keneŋ.

Esai 2:10

Aḭje awje mbuna biri mbalje’g ləm, Iyaje rɔ sí dan babur’g ləm tɔ Mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé tibi mbɔr sí el.

Esai 24:5

Ɓee lé dəwje gə́ d’isi keneŋ d’aree mina̰ Mbata deḛ d’al ta ta godndu Njesigənea̰’g ləm, D’ɔs ndukunje ləa rəw ləma, Deḛ gaŋg kúla manrɔ ləa gə́ to gə no̰ lé ləm tɔ.

Esai 27:13

Mee ndəa’g neelé d’a kim to̰to̰ gə́ boo, Bèe ɓa deḛ gə́ d’wa dee gə́ ɓər d’aw sə dee Asiri lé D’a tel ree ɓée ləm, Deḛ gə́ d’aḭ d’aw ɓee gə́ Ejiptə kara D’a tel ree ləm tɔ, Ndá deḛ d’a kunda barmba no̰ Njesigənea̰’g Dɔ mbal gə́ to gə kəmee gə́ to Jerusalem.

Esai 32:6

Mbata mbə-dəw lé ta mbə ɓa teḛ təa’g ləm, Takə̰ji né gə́ majel ɓa wa mée ləm tɔ Gə mba karee ila ndɔl dɔ loo’g ləm, Gə mba karee pa ne taŋgɔmje dɔ Njesigənea̰’g ləm, Mba kar mee dəw gə́ ɓó rəa lé to wəl ləma, Mba kɔg dəw gə́ kṵdaman tɔlee loo-kai-ma̰ ləm tɔ.

Esai 32:7

Nékadje lə kəm-kəjim’g lé to néje gə́ yèr, Yeḛ wɔji rəw néraje gə́ majel mée’g Mba tuji ne njénékəmndooje gə taŋgɔmje ləm, Lée ta lə njendoo lé to gə dɔ najee ya kara ra bèe ya ləm tɔ.

Esai 5:12

Kṵdu-ka, gə kṵdu-ko̰dè, Gə dalè-bajiŋ, gə buula, gə mán-nduú gə́ mḭ ɓa D’ɔs ne kudu ra naḭje lə dee. Nɛ deḛ d’oo kula ra Njesigənea̰ gə́ né el ləm, Kulaje gə́ jia ra lé d’oo el ləm tɔ.

Jeremi 2:7

Ma m’ar sí reeje mee ɓee’d Gə́ to asəna gə loo-ma̰a-kag-sɔ Gə mba kar sí sɔje ka̰deeje Gə néje gə́ maji dum gə́ teḛkɔr keneŋ. Nɛ loo gə́ seḭ reeje keneŋ ndá Seḭ arje ɓee ləm tel mina̰ ləm, Seḭ arje nédɔji ləm lé Tel to né gə́ mina̰ ləm tɔ.

Jeremi 31:23

Njesigənea̰ gə́ njeboo-néje gə́ to Ala lə Israɛlje pa togə́bè pana: Ta gə́ d’a gə pa mee ɓee gə́ Juda gə mee ɓee-booje’g ləa ɓəi, loo gə́ m’a kar njé’g lə dee gə́ d’aw ɓee-ɓər’g lé tel ree ɓée lé ɓa nee: Maji kar Njesigənea̰ tɔr ndia dɔi’g I gə́ loo-sii to loo-gaŋg-rəwta Gə goo rəbee ləm, I gə́ to dɔ mbal gə́ to gə kəmee ləm tɔ!

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Ojee 13:6

Deḛ d’isi dan nékul rɔ dee’g D’ar meḛ dee ndan ne, Nɛ loo gə́ meḛ dee ndan ndá Deḛ ti ne rɔ dee. Gelee gə́ nee ɓa d’ar meḛ dee wəi ne dɔm’g.

Ojee 9:3

D’a si mee ɓeeko̰’g lə Njesigənea̰ el, Eprayimje d’a tel kisi mee ɓee gə́ Ejiptə ləm, Nésɔje gə́ mina̰ ɓa d’a sɔ mee ɓee gə́ Asiri ləm tɔ.

Misee 2:10

Ḭje tar awje! Mbata loo neelé ɓa to gə́ loo-kwa-rɔ el. Mbata mina̰ lə loo lé Seḭ a kiŋgaje némeekonje keneŋ, To némeekonje gə́ kədərə yaa̰ tɔ.

Matiyo 4:5

Léegəneeya njekurai lé undá aw səa mee ɓee gə́ to gə kəmee, uba səa dɔ kəi-Ala ulá pana:

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.

Loo gə́ killa rea kəm Ja̰’g 2:21

M’ila məəm dəa’g mba karee wa ndòo rəa dɔ kaiya’g ləa nɛ yeḛ ndigi kya̰ goo mɔdkaiya ləa el.

1 Samel 15:17

Samel pana: Loo gə́ i oo rɔi gə́ né gə́ əḭ kəmi’g el lé see i tel to mbai dɔ ginkoji Israɛlje el wa. See Njesigənea̰ ɓa wa dɔi gə ubu ari to mbai lə Israɛlje el wa.