Esai 26:1 - Maktub gə́ To gə Kəmee

¹ Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 26:1 ပူးပေါင်းရင်းမြစ်များ

Esdras 3:11

Deḛ d’ɔs pa pidi ne Njesigənea̰ d’ɔs ne gajee pana: Mbata yeḛ lé maji dum ləm, meekɔrjol ləa gə mbata lə Israɛlje lé to saar-saar gə no̰ ya ləm tɔ. Tɔɓəi koso-dəwje lai neelé ra né gə ndu dee gə́ boi wəl d’ɔs ne gaji Njesigənea̰ gə mbata gin kəi lə Njesigənea̰ gə́ deḛ tum lé tɔ.

Pakɔsje 31:21

I nja ŋgəm dee loo-kiya-rɔ dee gə́ to nɔḭ’g Koma̰ ne njékula kəm dee ndooje ləm, I ŋgəm dee kəi-kubu’g ləi Koma̰ ne ndo̰ deḛ gə́ pa ne sə dee ləm tɔ.

Pakɔsje 48:12

Njé gə́ dɔ mbal gə́ Sio̰ ra rɔlel ləm, Deḛ gə́ mee ɓee-booje gə́ Juda kara d’al rɔ dee ləm tɔ Mbata rəwta-gaŋgje ləi.

Pakɔsje 48:4

Ala gə́ si kəi-mbai’g ləa lé Dəwje gəree gə́ njo̰loo-kula-dɔ dee keneŋ gə́ to tar sab.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 14:31

Seḭ gə́ síje tarəwkəi’g lé Gə́ tuma̰je ŋgururu-ŋgururu! Seḭ gə́ síje ɓee-boo’g lé Gə́ no̰je rɔ sí! Seḭ njéɓeeje gə́ Pilisti lai lé Undaje bala! Mbata sa pər ḭ gə́ dɔgel si ree ləm, Mbuna loo-kaar njéba̰je lé udu jigi-jigi ləm tɔ.

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:20

Mee ndəa’g neelé dəwje d’a kɔm magə-poleje lə dee gə́ deḛ ra dee gə larnda gə larlɔr gə mba kwa dee meḛ dee’g lé kar sḭsḭje gə dooje,

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 31:5

To gə́ yelje naji ne bag dee dɔ ŋgan deeje’g lé Njesigənea̰ gə́ njeboo-néje kara A kaḭ bada dɔ njé gə́ Jerusalem’g togə́bè tɔ, Yeḛ a kaḭ bada dɔ dee’g taa dee ne ləm, Yeḛ a kɔr dee kaji dee ne ləm tɔ.

Esai 31:9

Yeḛ gə́ to dɔ mbal lə dee a kaḭ gə kəm ɓəl ləm, Mbaije lə dee d’a kunda bala no̰ nétɔji’g ləm tɔ, Njesigənea̰ gə́ pər ləa to Sio̰’g ləm, Gə bwa-bṵda ləa to Jerusalem’g ləm tɔ lé ɓa pa bèe.

Esai 33:5

Njesigənea̰ lé ur dɔ loo’g Mbata yeḛ si dɔ looje gə́ tar, Yeḛ ar néra gə́ danasur gə néra gə́ gə dɔ najee Taa loo pəl-pəl mee ɓee gə́ Sio̰.

Esai 33:6

Ndɔje lə sí lai lé Seḭ a síje ne gə́ majee, Kəmkàr gə gosonégər lé To gin si dan maji’g, Ɓəl Njesigənea̰ lé To nébao lə Sio̰.

Esai 4:2

Mee ndəa gən lé barkəm Njesigənea̰ a tel kidi Gə rɔndɔḭ ləm, gə rɔnduba ləm tɔ, Ndá kandə né gə́ mee ɓee’g lé A tel bə̰dərə bə̰ ləm, A tel maji péd-péd ləm tɔ, Mbata lə Israɛlje gə́ teḛ ta yoo’g lé.

Esai 5:1

M’a kɔs pa kar yeḛ gə́ m’undá dan kəm’g, Pa lə yeḛ gə́ m’undá dan kəm’g lé wɔji dɔ ndɔ-nduú ləa. Yeḛ gə́ m’undá dan kəm’g lé Ndɔ-nduú ləa to dɔdərloo gə́ maji-nduú’g.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 60:18

Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Esai 62:10

Teḛje, teḛje tarəwkɔgje’d gə́ raga ləm, Gɔlje rəw mbata koso-dəwje ləm ləm, Wɔije, wɔije rəw, tɔrje kɔr mbalje ləma, Unje nétɔji lə sí gə́ tar gə́ rɔ koso-dəwje’g ləm tɔ!

Esai 62:11

Aa ooje, ta gə́ Njesigənea̰ ila mberee Aree oso gə loo mbidi-mbidi dɔ naŋg nee pana: Ulaje koso-dəwje gə́ Sio̰ pajena: Aa ooje, njekaji sí si aw gə́ rɔ sí’g nee, Aa ooje, nékoga-dɔ-ji ləa lé to meḛ jia’g ləm, Nékoga-dɔ-jia lé to nea̰’g ləm tɔ.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Ejekel 40:5

Aa oo, d’ila ndògo-bɔrɔ gugu ne dɔ kəi sub. Kag-kwɔji-né gə́ ŋgalee as kəmkil dəw misa̰ to ji dəw’g lé, kəmkil dəw gə́ misa̰ neelé d’ila tad ŋgan ji dəw sɔ dɔ’g d’aree ŋgal unda kəmkil dəw gə́ d’wɔji ne né kédé lé. Yeḛ wɔji tad lə ndògo-bɔrɔ ndá to kag-kwɔji-né kára tɔɓəi dəree gə́ tar kara to kag-kwɔji-né kára ya tɔ.

Jakari 2:5

M’un kəm gə́ tar m’aa loo gərərə ndá aa oo, dəw kára aar gə kúla-kwɔji-né jia’g.

Jakari 2:9

Njesigənea̰ pa pana: Ma nja m’a to asəna gə ndògo lə pər gə́ gugu dəa sub ləm, m’a riba dɔ rɔnduba ləm keneŋ ləm tɔ.

Bula lə Israɛlje 21:17

Yen ŋga Israɛlje d’ɔs pa nee pana: Bwa-mán, gə́ teḛ gə mán! Ɔsje pa ulaje ne rɔnduba dəa’g!

Matiyo 16:18

Ma nja m’ulai təsərə: I to Piɛrə, dɔ mbal neelé m’a rɔd Eglisə ləm dɔ’g. Lé riri gə́ a gə teḛ gə tarəw gə́ ɓee lə yoo kara a koma̰ səa pi ya.