Esai 25:4 - Maktub gə́ To gə Kəmee

⁴ Mbata kédé i to loo-kiya-rɔ Le yeḛ gə́ siŋgá godo ləm, Loo-kiya-rɔ lə njenékəmndoo Gə́ si dan néurti’g ləm, Gə néko̰-dɔ-loo loo gə́ lel-boo ula ləma, Gə ndil-ko̰-dɔ-loo loo gə́ kàr ɔs yaa̰ ləm tɔ, Mbata lel ta njékorè dɔ dəwje naŋg lé To asəna gə lel-mal gə́ unda ndògo-bɔrɔ naŋg bèe.

Esai 25:4 ပူးပေါင်းရင်းမြစ်များ

Pakɔsje 107:41

Nɛ yeḛ ɔr njéndooje dan nékəmndooje’g lə dee ləm, Yeḛ ar bula lə njémeekəije lə dee ḭ ne dɔ maree’d gə́ kédé-kédé to gə́ koso-nékulje bèe ləm tɔ.

Pakɔsje 119:31

Ma lé m’reḛ́ dɔ tornduije’g lé rḛ́-rḛ́, Njesigənea̰, maji kari ar kəm sɔḭ wa kəm el.

Pakɔsje 12:5

To deḛ gə́ pana: Tapa neḛje ar neḛ n’toje njésiŋgamoŋje ləm, Ta neḛje to ka̰ neḛje ya ləm tɔ, Ŋga see na̰ ɓa a to dəw dɔ neḛje ɓəi wa.

Pakɔsje 121:5

Njesigənea̰ lé to njekaa dɔi ya ləm, Njesigənea̰ to ndil gə́ aar dɔ jikɔli’g o̰ dɔi ləm tɔ.

Pakɔsje 35:10

Siŋgarɔmje lai d’a pana: Njesigənea̰! See na̰ ɓa askəm kɔr njenékəmndoo ji dəw gə́ siŋgá ur dəa’g ləm, Gə njenékəmndoo gə njendoo lé Ji dəw gə́ si tɔr néje ləa rəa’g lé To gə́ i bèe wa.

Pakɔsje 55:8

Aa oo, m’a kaḭ kaw əw Gə mba kaw kisi dɔdilaloo’g.

Pakɔsje 72:13

Yeḛ a koo kəmtondoo lə dəw gə́ siŋgá godo gə yeḛ gə́ daŋ’d ləm, Yeḛ a kaji njéndooje ya ləm tɔ.

Pakɔsje 72:4

Yeḛ a ra gə ta lə njénékəmndooje mbuna dəwje’g gə goo rəbee ləm, Yeḛ a kaji ŋgalə njéndooje ləma, Yeḛ a kḭ tal njekula kəmloondoo lé naŋg ras-ras ləm tɔ.

Pakɔsje 9:10

Njesigənea̰ lé to njo̰loo lə dee gə́ d’orè dɔ dee naŋg ləm, Yeḛ to njo̰loo lə deḛ gə́ néurti teḛ dɔ dee’g ləm tɔ.

Pakɔsje 91:1

Yeḛ gə́ loo-siée to ndil Njekurdɔloo’g lé Ndil Bao-siŋgamoŋ ɓa yeḛ wa rəa keneŋ.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Esai 14:32

See ta ɗi ɓa d’a kila dəwje gə́ d’ula dee’g lé wa. Ta gə́ kəm kula dee ɓa nee: Njesigənea̰ tum gel Sio̰ Ar koso-dəwje ləa gə́ to njénékəmndooje D’iŋga loo mba kula dɔ dee keneŋ.

Esai 16:3

Maji kar sí wɔji síje ta kəmkàr ləm, Raje sə sí né gə́ to gə dɔ najee ləm, Loo gə́ kàr aar daŋdɔ lé Ɔmje ndil sí dɔ sí’g areeje to asəna gə loondul bèe ləm, Iyaje dɔ deḛ gə́ jeḛ n’korə deeje ləma, Maji kar sí unje dɔ njeteḛ ta-rɔ’g el ləm tɔ

Esai 17:10

Mbata seḭ Israɛlje, seḭ arje meḛ sí wəi Dɔ Ala gə́ njekaji sí’g ləm, Seḭ arje meḛ sí olé Dɔ kɔr mbal gə́ to njo̰loo-kula-dɔ sí’g el ləm tɔ. Togə́bè seḭ dubuje né Gə́ to rɔlel lə sí ləm, Seḭ ma̰aje kag-nduúje Gə́ d’ḭ ne dɔ ɓee’g ləm tɔ.

Esai 27:5

Nɛ deḛ gə́ d’oom gə́ njo̰loo-kula-dɔ lə dee Gə́ d’ɔm səm na̰’d gə meekulɔm lé Oiyo! deḛ gə́ d’ɔm səm na̰’d gə meekulɔm lé Ndá m’a ra sə dee bèe el.

Esai 28:6

Yeḛ a kar takə̰ji néra gə́ gə dɔ najee Wa meḛ deḛ gə́ d’isi loo-gaŋg-rəwta’g ləma, Yeḛ a to siŋgamoŋ mbata lə deḛ Gə́ d’ɔs njéba̰je rəw saar d’unda dee tarəwɓee’g ləa ləm tɔ.

Esai 29:19

Njénékəmndooje d’a kal rɔ dee gə́ kédé-kédé gə mbata lə Njesigənea̰ ləm, Njéndooje d’a kar Njerɔkunda lə Israɛlje to gin boo-rɔkal lə dee ləm tɔ.

Esai 29:20

Mbata njéra né kərm-kərmje gə njékula sul dɔ loo’gje lé D’a godo ləm, Deḛ gə́ d’isi kəmba dɔ néra gə́ majel’g lé kara D’a kar dee d’udu guduru ləm tɔ.

Esai 29:5

Njéba̰je ləi gə́ bula digi-digi lé D’a to kasəna gə nduji naŋg ləm, Njérɔje nee gə́ bula digi-digi lé kara D’a to tana gə tisa kó gə́ lel ula ne bèe ləm tɔ. Ndá léegəneeya! asəna gə né gə́ teḛ wai bèe,

Esai 32:2

Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Esai 33:16

Ndá debee neelé a si dɔ looje gə́ tar, Loo-kula-dɔ ləa a to dɔ biri mbalje gə́ to kəmba’g, D’a karee muru ləm, Man a lalee el ləm tɔ.

Esai 33:2

Njesigənea̰, maji kari oo kəmtondoo lə sí ya kari! Jeḛ j’undaje meḛ sí yel gə́ dɔi’g. Maji kari la sə sí teḛ gə ndɔ gə ndɔje kára-kára lai ləm, Gə taa dɔ sí ndɔ néurti’g ləm tɔ.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 49:25

Njesigənea̰ pana: Tɔgərɔ ya, ɓər gə́ bao-rɔ wá lé Dəw a naree jia’g taa ləm, Néba̰rɔ lə njekorè dɔ dəwje naŋg lé A teḛ jia’g ləm tɔ, Ma nja m’a rɔ gə njéba̰je lə sí Ndá m’a kaji ne ŋgan síje kar sí.

Esai 57:13

Loo gə́ seḭ a no̰je wəl lé See boo-magpoleje lə sí d’a taa sí kila sí tar wa. Lel gə́ ula lé a kodo deḛ lai kaw sə dee ləm, Kəmə gə́ kila pugudu lé a kodo dee ləm tɔ. Nɛ yeḛ gə́ ɔm mée dɔm’g ndá A kiŋga ɓee lé gə́ né kea̰ ləm, A kiŋga mbal ləm gə́ to gə kəmee gə́ né kea̰ ləm tɔ.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Esai 8:14

Ndá yeḛ a to kəi gə́ to gə kəmee Nɛ yeḛ a to pil mbal gə́ a tuga gɔl dee ləm, Gə kɔr mbal gə́ a kar gel ka Israɛlje gə́ joo d’ɔr d’oso ne ləma, Yeḛ a to gum gə ba̰də Gə mba kwa ne njé gə́ Jerusalem ləm tɔ.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Ejekel 38:9

I a kḭ kaw ndá i a teḛ asəna gə lel-boo ləm, i a to asəna gə mum gə́ a gə dəb dɔ ɓee’g bèe ləm tɔ, i gə kudu-njérɔje ləi lai ləm, gə koso-dəwje gə́ bula digi-digi gə́ d’isi səi lé ləm tɔ.

Soponi 3:12

N’a kya̰ koso-dəwje gə́ d’ula dɔ dee ləm, Gə njénékəmndooje ləm tɔ mbuna sí’g, Deḛ gə́ d’a saŋg njo̰loo kula dɔ lə dee gin ri Njesigənea̰’g lé.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.