Esai 25:11 - Maktub gə́ To gə Kəmee

¹¹ Dan mán’g neelé deḛ teḛ ji dee keneŋ To gə́ njekalè mán teḛ ne jia Gə mba kalè ne mán bèe, Nɛ Njesigənea̰ tuji beelé lə dee Na̰’d gə goso kula gə́ ji dee ɓa ra lé.

Esai 25:11 ပူးပေါင်းရင်းမြစ်များ

Maktub gə́ wɔji dɔ Jɔb 40:11

Maji kari kila oŋg ləi gə́ o̰ to gə́ pər bèe lé gə́ raga ləm, Maji kari aa njédɔkədərəje gərərə ar dee d’ula dɔ dee ləm tɔ.

Pakɔsje 2:5

Tɔɓəi oŋg ḭ səa aree pa ne sə dee ləm, Meekḭ jugugu ləa kara ar dee ndəb ne pəd-pəd ləm tɔ.

Esai 10:33

Aa ooje, Mbaidɔmbaije gə́ to Njesigənea̰ gə́ njeboo-néje lé Riba barkəm kagje gə siŋgamoŋgee: Njé gə́ boo d’ur dɔ mar deeje lé Yeḛ gaŋg dee ləm, Njé gə́ ŋgal d’unda mar deeje lé kara Yeḛ guru dee rug-rug ləm tɔ.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 14:26

Aa ooje, yee ɓa gə́ né gə́ m’wɔji-kwɔji ra Gə njé gə́ naŋg nee lai ləm, Aa ooje, yee ɓa gə́ jim gə́ m’tɔji ginkoji dəwje gə raŋg lai dɔ naŋg nee ləm tɔ.

Esai 16:14

Nɛ ɓasinè Njesigənea̰ pa taje nee pana: Mee ləbje gə́ munda gə́ to gə́ ləbje lə njekula lar bèe lé ndá rɔnduba lə Moabje gə koso-dəwje lə dee gə́ bula digi-digi lé d’a tel to né gə́ to kḛji. Ges dee gə́ nai lé d’a tel to gə́ né el asəna gə né gə́ godo bèe ya.

Esai 16:6

Jeḛ j’ooje sor beelé lə Moabje gə́ to beelé gə́ ur dɔ loo ləm, Gə kəsta, gə beelé, gə ti rɔ lə dee, Gə tapa deeje gə́ gə mḭdé-mḭdé ba ləm tɔ.

Esai 2:10

Aḭje awje mbuna biri mbalje’g ləm, Iyaje rɔ sí dan babur’g ləm tɔ Mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé tibi mbɔr sí el.

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:15

Gə mba karee gaŋgta dɔ kəi-kaar-kɔgərɔje’g lai Gə́ duu dɔ loo ləm, Gə dɔ ndògo-bɔrɔje’g lai Gə́ siŋga dee to ləm tɔ,

Esai 25:5

To gə́ i dum ne dɔ loo gə́ nuŋga kəd-kəd Dɔ naŋg gə́ taa pər làm-làm’g bèe lé I dum dɔ ndu dəw-dɔ-ɓeeje gə́ ɓar u-u-u ləm tɔ, To gə́ ndil kil-lə-ndi ar loo nuŋga godo ne bèe lé I ar pa kun baŋgaje lə njékorè dɔ dəwje naŋgje lé kara to togə́bè tɔ.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 53:12

Gelee gə́ nee ɓa m’a karee ne né gə́ wɔji dəa Gə dəwje gə́ boo-boo na̰’d, Yeḛ lé a kai nébanrɔ kar njésiŋgamoŋje Mbata yeḛ ḭ gə mée ya̰ rəa ar yoo ləm, Deḛ turá na̰’d gə njéramajelje ləm, Mbata yeḛ odo kaiya lə dəwje bula ɔm dəa’g ləma, Yeḛ ra tamaji mbata lə dəwje gə́ ta wa dɔ dee ləm tɔ.

Esai 65:2

M’duu jim gə ndɔje kára-kára lai Par gə́ rɔ koso-dəwje gə́ njékɔsta-rəwje’g Gə́ njaa rəw gə́ majel’g Gə goo takə̰jije lə dee ləm,

Jeremi 48:29

Jeḛ n’gərje beelé lə Moab Gə́ majidum lé gao, Gə beelé ləa gə́ dum dɔ loo ləm, Gə ti-rɔ ləa ləm, Gə kəsta ləa ləma, Gə takə̰ji ti-rɔ ləm tɔ.

Jeremi 48:42

Moab a tuji pugudu, Yee a to ginkoji dəwje el ŋga, Mbata yeḛ oo rəa gə́ njekur dɔ Njesigənea̰’g.

Jeremi 48:47

Nɛ mee ndəa gə́ gogo ndá M’a tel gə Moabje Gə́ d’aw sə dee ɓee-ɓər’g lé Ree sə dee. Njesigənea̰ ɓa pa bèe. Yee nee ɓa gə́ ta gə́ gaŋg dɔ Moab’g ya.

Jeremi 51:44

M’a kar bo̰ néra mag-Bel Ɔs təa’g mee ɓee gə́ Babilɔn ləm, M’a kwa né gə́ yee uru lé təa’g kɔr Ndá ginkoji dəwje gə raŋg D’a kaw budu-budu gə́ rəa’g el ŋga. Ndògo-bɔrɔ gə́ Babilɔn kara Təd oso ya tɔ.

Njé gə́ Kolosə 2:15

Yeḛ tusu dəw-dɔ-looje gə njésiŋgamoŋje ŋgəw-ŋgəw ləm, yeḛ rab dee raga kəm dəwje’g ndəgəsə loo gə́ yeḛ dum dɔ dee gə kag-dəs ləa ləm tɔ.

Maktub gə́ Jak ula ne ar ngan-Allaje 4:6

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.