Esai 24:4 - Maktub gə́ To gə Kəmee

⁴ Ɓee lé si dan ndòo’g ləm, Siŋgá godo ləm, Dəwje gə́ d’isi keneŋ d’unda ndolè ləm, Siŋga dee yɔ ləma, Mbaije lə koso-dəwje kara siŋga dee godo ləm tɔ.

Esai 24:4 ပူးပေါင်းရင်းမြစ်များ

Esai 24:21

Mee ndəa’g neelé Njesigənea̰ a gaŋgta dɔ boo-néje gə́ dara’g ləm, gə dɔ mbaije gə́ dɔ naŋg nee ləm tɔ.

Esai 24:3

Ɓee a tel to dɔ nduba gə́ d’undá banrɔ, Mbata Njesigənea̰ wɔji togə́bè mba̰.

Esai 28:1

Meeko̰ a koso dɔ ɓee-boo gə́ Samari Gə́ to dɔgugu-beelé lə Eprayimje Gə́ to njéra ɓər lə kidoje lé ləm, Gə pudu gə́ to néɗɔi-rɔ dɔ wəl-loo gə́ aar kó’g Gə́ wɔji dɔ deḛ gə́ d’ar kido tɔs dee ndəgərə naŋg lé ləm tɔ.

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 33:9

Ɓee lé si dan kəmndoo’g gə dan némeeko̰’g, Liba̰je d’isi dan rɔkul-boo’g ar siŋga dee yɔ. Saron tel to asəna gə dɔdilaloo, Basan gə Karmel lé d’ar kam dee gəḭ naŋg to gə́ kam kag bèe.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Jeremi 12:4

See saar ndɔ gə́ ra ɓa ɓee a si dan nékəmndoo’g ləm, muje gə́ mee ndɔje’g lai d’a tudu ləm tɔ wa. Gə mbata némeeyèrje lə njé gə́ d’isi keneŋ lé ɓa daje gə yelje tuji ne. Mbata njéɓeeje lé pana: Ala askəm koo né gə́ a gə teḛ dɔ neḛje’g el.

Jeremi 4:28

Gelee gə́ nee ɓa ɓee si ne dan kəmndooyoo’g ləm, Loo gə́ dara gə́ tar lé Ndul ne ndiŋ-ndiŋ ləm tɔ. Mbata ma m’pa taree ləm, M’wɔji məəm’g njaŋg ləm, M’a tel gə ndum dɔ’g el ləma, M’a kya̰ gée el ləm tɔ.

Nɔ̰-ndôo gə́ wɔji dɔ Jerusalem 1:4

Rəwje gə́ aw gə́ Sio̰ lé No̰ ndòo ɓa taa pəl-pəl ya Mbata dəw kára kara ila gɔlee loo-ra-naḭ’g el. Tarəwkɔgje ləa lai wa ŋgɔ njag-njag ləm, Njékinjanéməsje ləa tuma̰ ŋgururu-ŋgururu ləm, Ŋgama̰dje ləa lai d’isi dan ndòo’g ləma, Mee ɓee-boo lai adə mbag-mbag ləm tɔ.

Ojee 4:3

Gelee gə́ nee ɓa ɓee a si ne dan kəmndooyoo’g. Dəwje lai gə́ d’isi keneŋ lé Rɔ dee a kwəi ne sululu-sululu na̰’d gə daje gə́ wala Gə yelje gə́ d’aw pə̰ dara’g tɔ. Ka̰jije lai gə́ dan baa-boo-kad’g kara d’a sané pa.

Joɛl 1:10

Mee ndɔje wa ŋgɔ njag-njag ləm, Kəm dɔ naŋg to ndòo ləm tɔ, Mbata kó tuji ləm, Man-nduú gə́ kul yi tə-tə ləma, Ubu kara godo ləm tɔ.