Esai 24:23 - Maktub gə́ To gə Kəmee

²³ Naḭ a tel ndul njudu-njudu ləm, Kàr a kɔs el ləm tɔ, Mbata Njesigənea̰ gə́ njeboo-néje a ko̰ɓee Mee ɓee gə́ Jerusalem gə́ to dɔ mbal gə́ Sio̰ Kar rɔnduba ləa ndogó kəm ŋgatɔgje’g ləa ya.

Esai 24:23 ပူးပေါင်းရင်းမြစ်များ

Pakɔsje 97:1

Njesigənea̰ lé o̰ ɓee, Maji kar dɔ naŋg nee to dan boo-rɔkal’g ləm, Maji kar dɔgoré-looje gə́ bula lé d’al rɔ dee ya ləm tɔ.

Teḛ-Raga 15:21

Miriam lé ila Israɛlje keneŋ pana: Ɔsje pa arje Njesigənea̰ Mbata yeḛ ar rɔnduba ləa kila rəa kɔd. Yeḛ wa kundaje gə njékal deeje na̰’d Ɓugu dee dan mán baa-boo’g.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 13:10

Mbata kéréméje gə́ boi Gə ŋgan kéréméje gə́ gugu dɔ dee lé D’a kar rɔndɔḭ lə dee ndogó el ləm, Léegəneeya kàr gə́ a kuba bər lé a tel ndul njudu-njudu ləma, Naḭ kara a kar ndá ləa ndogó el ləm tɔ.

Esai 30:26

Ndogó lə naḭ a tel to to gə́ ka̰ kàr bèe ləm, Kɔs lə kàr lé siŋgá a kur dɔ kɔs’g ləa gə́ ndɔ kára as gɔl siri ləm tɔ Loo gə́ Njesigənea̰ a tɔ ta doo lə koso-dəwje ləa Kar ta dooje gə́ d’iŋga loo gə́ yeḛ kunda dee lé ər kəmsə.

Esai 33:17

Kəm sí a koo mbai Loo boo-ronduba’g ləa ləm, D’a kaa dɔ naŋg ɓee lai Gə́ tad rəg-rəg lé gərərə ləm tɔ.

Esai 33:22

Mbata Njesigənea̰ lé to njégaŋ-rəwtaje lə sí ləm, Njesigənea̰ lé to njekar sí godndu ləm, Njesigənea̰ to mbai lə sí ləma, Yeḛ nja ɓa gə́ njekaji sí ləm tɔ.

Esai 52:7

Dəw gə́ ḭ dɔ sém mbal’g ree ula sí tagə́maji ləm, Gə́ ila mber ta gə́ wɔji dɔ meekulɔm ləm, Yeḛ gə́ ula sí tagə́maji ləm, Gə́ ila mber ta gə́ wɔji dɔ kaji ləma, Yeḛ gə́ ula njé gə́ Sio̰ pana: Ala lə sí lé o̰ ɓee ləm tɔ lé Gɔlee to njam-njam.

Esai 60:1

I ɓee-boo gə́ Jerusalem lé ḭta! Ar ndogó ləi nduba rəa Mbata lookàr ləi ree ləm, Rɔnduba lə Njesigənea̰ ndogó dɔi’g ləm tɔ.

Esai 60:19

Kàr ɓa a to néndogó ləi dan kàrá el ləm, Naḭ ɓa a kar loo àr ŋgad-ŋgad dɔi’g loondul’g el ləm tɔ, Nɛ Njesigənea̰ ɓa a to lookàr ləi saar-saar gə no̰ ləm, Ala ləi ɓa a to gə́ nérɔnduba ləi ləm tɔ.

Esai 60:20

Kàr ləi a kur naŋg el ŋga ləm, Naḭ ləi kara a kwa til el ŋga ləm tɔ. Mbata Njesigənea̰ ɓa a to lookàr ləi saar-saar gə no̰ ləm, Ndɔ-kwa-ndòo-yoo ləi a dəs ŋga ləm tɔ.

Ejekel 48:35

Loo gə́ gugu dəa as kəmkil dəw tɔl-dɔg-loo dɔg giree-jinaijoo (18000). Bèe ɓa un kudee mee ndəa’g neelé, ɓee-boo neelé d’a ɓaree pana: Njesigənea̰ si loo gə́ nee ya.

Loo gə́ killa rea kəm Daniel’g 7:18

Nɛ njémeendaje lə Njekurdɔloo ɓa d’a taa ɓeeko̰ ləm, ɓeeko̰ lé a to ka̰ dee-deḛ ya saar-saar gə́ kédé-kédé gə no̰ ləm tɔ.

Loo gə́ killa rea kəm Daniel’g 7:27

Ko̰ɓee ləm, gə dum dɔ loo ləma, gə boo-ronduba lə ɓeeko̰je gə́ dɔ naŋg neelé ləm tɔ lé d’a kar koso-dəwje gə́ to njémeendaje lə Njekurdɔloo lé tɔ. Ko̰ɓee ləa to ko̰ɓee gə́ to gə no̰ ləm, njédumdɔlooje lai d’a ra né karee ləma, d’a kila ne ŋgonkoji dəa’g ləm tɔ.

Abdias 1:21

Njétaa dee kɔm dee tarje lé d’a tuga loo kaw dɔ mbal gə́ Sio̰ gə mba gaŋg rəwta dɔ mbal’g lə Esawu. Ndá loo ko̰ɓee lé a to ka̰ Njesigənea̰ ya.

Misee 4:7

Njémədje lé n’a kar dee tel to ges deḛ gə́ nai ləm, Deḛ gə́ n’tuba dee lé n’a tel dee gə́ ginkoji dəwje gə́ njésiŋgamoŋje ləm tɔ, Njesigənea̰ a ko̰ɓee dɔ dee’g dɔ mbal gə́ Sio̰ Un kudee mee ndəa’g neelé saar gə no̰.

Jakari 14:6

Mee ndəa’g neelé loo a ndogó el ləm, Kul gə kwɔji ɓa a to ləm tɔ.

Jakari 14:7

A to ndɔ gə́ kára ba gə́ Njesigənea̰ ɓa gər Gə́ a to lookàr el ləm, gə loondul el ləm tɔ, Nɛ loo gə́ kàrkemetag ndá lookàr ɓa a teḛ wai.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 24:29

Waga gə́ a korè goo ndɔ némeeko̰ lé ndá né a dəb kəm kàr’g rigim ləm, naḭ a ndogó el ləm, kéréméje d’a toso naŋg dib-dib ləma, nésiŋgamoŋje lə dara kara d’a yə bura ɓugu-ɓugu ləm tɔ.

Matiyo 6:10

Maji kar ɓeeko̰ ləi taa naŋg nee pəl-pəl ləma, Maji kar deḛ gə́ dɔ naŋg nee ra torndui d’aree ɔr rɔd to gə́ deḛ ra dara ləm tɔ.

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.

Loo gə́ killa rea kəm Ja̰’g 14:1

Ma m’aa loo gərərə m’oo Ŋgonbad gə́ aar dɔ mbal gə́ Sio̰’g, deḛ gə́ d’aar səa lé d’as tɔl-dɔg-loo-tɔl gə dɔ dee 44, ri Ŋgonbad gə ri Bɔbeeje lé to ŋgo no̰ dee’g.

Loo gə́ killa rea kəm Ja̰’g 19:4

Ŋgatɔgje rɔ-joo-gir-dee-sɔ gə nékundaje lə Ala gə́ d’aw kəmba sɔ lé d’ula dɔ dee naŋg d’wa Ala gə́ si kalimbai’g lé meḛ dee’g, deḛ pana: Amen! Aleluia!

Loo gə́ killa rea kəm Ja̰’g 19:6

Tɔɓəi ma m’oo ndu ɓar asəna gə ndu boo-dəwje gə́ bula digi-digi gə́ ɓar asəna gə mán gə́ ula u-u-u bèe ləm, asəna gə ndi gə́ ndaŋg paḭ-paḭ bèe ləm tɔ pana: Aleluia! Mbata Mbaidɔmbaije Ala lə sí gə́ to Bao-siŋgamoŋ lé yeḛ nja o̰ ɓee mba̰.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.

Loo gə́ killa rea kəm Ja̰’g 22:5

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.