Esai 24:21 - Maktub gə́ To gə Kəmee

²¹ Mee ndəa’g neelé Njesigənea̰ a gaŋgta dɔ boo-néje gə́ dara’g ləm, gə dɔ mbaije gə́ dɔ naŋg nee ləm tɔ.

Esai 24:21 ပူးပေါင်းရင်းမြစ်များ

Pakɔsje 76:12

Maji kar sí unje ndu sí arje Ala lə sí gə́ Njesigənea̰ lé Ndá tɔlje ne təa bém ya. Deḛ lai gə́ gugu dəa sub lé Maji kar dee ree gə nénojije d’ar Ala gə́ to ɓəl kədm-kədm lé.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 2:12

Mbata ndɔ lə Njesigənea̰ lə bao-rɔje to keneŋ Gə mba karee gaŋg ne ta dɔ dəw gə́ rara’g Gə́ to njebeelé gə njeti rəa ləm, Mba karee gaŋg ne ta dɔ dəw gə́ rara’d Gə́ unda dəa tar lé karee ula dəa ləm tɔ,

Esai 24:4

Ɓee lé si dan ndòo’g ləm, Siŋgá godo ləm, Dəwje gə́ d’isi keneŋ d’unda ndolè ləm, Siŋga dee yɔ ləma, Mbaije lə koso-dəwje kara siŋga dee godo ləm tɔ.

Esai 60:11

Tarəwkɔgje ləi d’a to tag bə̰dəŋ ya Ɓó d’a kudu dan kàrá əsé loondul’g el Gə mba kya̰ loo kar ginkoji dəwje gə raŋg Ree gə nébaoje lə dee mee kəi’g ləi ləm, Kar mbaije lə dee gə njé’g lə dee d’a ree ne ləm tɔ.

Ejekel 39:1

I ŋgon-dəw lé maji kari tegginta wɔji ne dɔ Gɔg! A pana: Mbaidɔmbaije gə́ Njesigənea̰ pa togə́bè pana: Aa oo, i Gɔg, mbai gə́ njekaa dɔ dəb ɓeeko̰ gə́ Ros, gə Mesek, gə Tubal lé neḛ n’aw səi gə ta.

Ejekel 39:5

I a kwəi mee wala’g mbata neḛ Mbaidɔmbaije gə́ Njesigənea̰ ɓa n’pa taree,

Soponi 1:8

Ndɔ kinja néməs kar Njesigənea̰ lé N’a kar bo̰ néra dəwje gə́ boo Gə ŋgalə mbaije ɔs ta dee’g ləm, Gə deḛ lai gə́ d’ula kubu kula dəw-dɔ-ɓeeje rɔ dee’g ləm tɔ.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 18:9

Mbaije gə́ dɔ naŋg nee lai gə́ ndal səa mɔdkaiya ləm, d’uru səa na̰’d dan némajije gə́ d’al dɔ loo sula ləm tɔ lé d’a no̰ gə mán-no̰ kəm dee’g sii ne mbigi-mbigi mbata ləa loo gə́ d’a koo sa pər gə́ rée lé.