Esai 24:20 - Maktub gə́ To gə Kəmee

²⁰ Dɔ naŋg ləŋg təji-təji To gə́ dəw gə́ kido tɔlee bèe ləm, Yee ləŋg to gə́ kəi-ləw bèe ləm tɔ, Kaiya ləa wɔi dəa’g Ndá yee oso nɛ tel ḭ tar gogo el.

Esai 24:20 ပူးပေါင်းရင်းမြစ်များ

Gḭ-Néje 41:31

D’a koo kəm kó gə́ unda yaa̰ kédé el ŋga mbata ɓoo-boo gə́ a korè gée lé a kunda dee naŋg rə̰dəŋ-rə̰dəŋ ya.

Maktub gə́ wɔji dɔ Jɔb 12:25

Deḛ mam loo bab-bab dan loondul’g ɓó d’oo loo njai el, Yeḛ ar dee d’ila mbir-mbir to gə́ dəwje gə́ kido ra dee bèe.

Pakɔsje 107:27

Dɔ dee tel ne wagəsa ar dee d’unda ne ndolé Asəna gə dəw gə́ kido tɔlee bèe ləm, Goso-kwa-bato lə dee lé Tel udu ne bo̰ rɔ dee’g ləm tɔ.

Pakɔsje 38:4

Loo gə́ məəi oḭ ndá Darɔm si gə́ majee gə́ tḛ́-tḛ́ bèe el ləm, Kaiya ramje ɓa ar siŋgarɔmje yɔr ne yɔg-yɔg ləm tɔ.

Esai 1:28

Nɛ tuji a koso dɔ deḛ lai Gə́ to njékɔsta-rəwje gə njékaiyaje ləm, Deḛ gə́ d’uba Njesigənea̰ d’yá̰ lé D’a kudu guduru ləm tɔ.

Esai 1:8

Ndá ɓee-boo gə́ Jerusalem ɓa nai Asəna gə kəi-ləw gə́ to mee ndɔ-nduú’g bèe ləm, Asəna gə kəi-kubu gə́ to mee loo-ndɔ-kosoje’g ləma, Asəna gə ɓee-boo gə́ d’aḭ dəa sub gə rɔ bèe ləm tɔ.

Esai 19:14

Njesigənea̰ ar ndil gə́ ka̰ dɔ kila oso dɔ dee’g Gə mba kar dee d’ar Ejiptəje ləŋg dɔ néra deeje’g lai Asəna gə dəw gə́ kido tɔsee naŋg aree tɔmé ne bèe.

Esai 24:1

Aa ooje, Njesigənea̰ a gə tuji ɓee karee tel to dɔ nduba ləm, Yeḛ a kar dɔ naŋg tel wagəsa ləma, A sané dəwje gə́ d’isi keneŋ kad-kad ləm tɔ.

Esai 28:7

Nɛ deḛ nja kara d’ai mán-nduú d’aw ne jogè-jogè ləm, Nékai gə́ mḭ ar dɔ dee tel ne wagəsa ləm tɔ, Njékinjanéməsje gə njéteggintaje d’aw jogè-jogè dan nékai gə́ mḭ’g ləm, Man-nduú taa rɔ dee pəl-pəl ləm tɔ. Nékai gə́ mḭ ar dɔ dee tel wagəsa ləm, Deḛ d’aw jogè-jogè loo gə́ deḛ tegginta ləm, Deḛ ləŋg dɔ gaŋg rəwta’g ləm tɔ.

Esai 29:9

Sije jim arje kaar sí wa sí paḭ ləm, Nibije kəm sí to gə́ seḭ toje njékəmtɔje Gə́ d’oo loo el ləm tɔ! Deḛ lé kido tɔl dee Nɛ to mán-nduú ɓa ra dee el ləm, Deḛ ləŋg Nɛ to kido gə́ mḭ ɓa oso kəm dee’g el ləm tɔ.

Esai 38:12

Kəi-sim lé d’un d’aw ne əw səm Asəna gə kəi-kubu lə njékulbadje bèe, Ma m’oo to gə́ kúla si kəmba ləm lé gaŋg Asəna gə kúla kubu Gə́ njekṵjee wa ta’g gaŋg bèe. Un kudee gə ndɔ saar loondul lé I a tɔl səm ŋgaŋ ndɔ ləm bém ya!

Esai 43:27

Bɔ síje gə́ dɔtar ra kaiya ləm, Njékun dɔ taje lə sí lai gə́ ŋgɔm lé d’ḭ səm d’ɔs ta ləm rəw ləm tɔ.

Esai 66:24

Loo gə́ d’a kunda loo teḛ raga ndá D’a koo nin dəwje gə́ to njékalta kɔs ne ta ləm rəwje, Mbata kuruje gə́ njésɔ deeje lé D’a kwəi nda̰ el ləm, Pər gə́ njeko̰ dee lé kara A kwəi nda̰ el ləm tɔ. Dəwje lai d’a koo dee gə́ né gə́ to ɓəl Gə́ to kḛji kəm dee’g ya.

Jeremi 25:27

M’a kula dee pana: Njesigənea̰ gə́ njeboo-néje, Ala lə Israɛlje pa togə́bè pana: Aije areeje tɔl sí ar sí tɔméje tululu-tululu ndá tosoje ne lal kuba loo kḭ tar loo gə́ seḭ ooje kiambas gə́ n’a gə kula ne mbuna sí’g lé!

Jeremi 4:24

M’aa dɔ mbalje ndá Aa oo, deḛ yə ɓugu-ɓugu ləm, Dɔdərlooje d’ula déréré-dèrèrè ləm tɔ.

Jeremi 51:29

Dɔ naŋg yə ɓugu-ɓugu ləm, Unda bala ləm tɔ, Mbata né gə́ Njesigənea̰ wɔji gə mba ra Gə Babilɔn lé aw lée’g béréré. Yeḛ a kar ɓee gə́ Babilɔn Tel to dɔdilaloo Gə́ dəw kára kara godo keneŋ.

Jeremi 8:4

Maji kari ula dee pana: Njesigənea̰ ɓa dəji sí ta nee pana: See dəw oso ndá a lal kuba naŋg kḭ tar wa! Esé see dəw ɔs rəw-kabee lal ndá A tel ree keneŋ gogo el wa.

Nɔ̰-ndôo gə́ wɔji dɔ Jerusalem 1:14

Yeḛ tɔs dɔ néramje gə́ majel lé na̰’d lai Aree to gə́ nékodo gə́ wɔi dɔm’g, Yeḛ ar siŋgam kara yɔ tɔ. Njesigənea̰ ya̰’m ji njéba̰je’g Gə́ m’askəm nar rɔm ji dee’g el.

Loo gə́ killa rea kəm Daniel’g 11:19

Gée gə́ gogo, yeḛ a tel kəmee par gə́ kəi-kaar-kɔgərɔje gə́ mee ɓee’g ləa. Gɔlee a kunda ndolé karee oso ndá dəw a kiŋgá gogo el ŋga.

Amɔs 8:14

Deḛ gə́ d’ubu rɔ dee dɔ kaiya’g lə Samari lé, Deḛ gə́ pana: Dan, maji kar magə ləi si gə ləbee-ləbee gə no̰, Maji kar rəw lə Beer-Seba to gə no̰ lé D’a t’oso nɛ d’a kḭ tar el tɔ.

Nahum 1:5

Mbalje yə ɓugu-ɓugu nea̰’g ləm, Dɔdərlooje ləŋg təji-təji ləm tɔ: Naŋg kara ula déréré-dèrèrè nea̰’g ləm, Dɔ naŋg gə dəwje lai gə́ d’isi keneŋ ləm tɔ.

Loo gə́ killa rea kəm Ja̰’g 18:21

Yen ŋga kura gə́ dara gə́ to njesiŋgamoŋ lé un kɔr mbal gə́ to asəna gə mbal gə́ d’usu ne kó bèe ndá yeḛ unda piriŋ ila dan baa-boo-kad’g pana: Togə́bè ya ɓa, d’a kun ne Babilɔn, ɓee-boo gə́ garee godo neelé kila ne mán poŋgm bèe ya tɔ. D’a kiŋgá gogo el ŋga.