Esai 24:18 - Maktub gə́ To gə Kəmee

¹⁸ Yeḛ gə́ aḭ no̰ kaa ɓəl-boo’g neelé ndá Oso mee bwa’g. Yeḛ gə́ unda loo mee bwa’g teḛ ndá Oso gum’g tɔ, Mbata kəm dara ɔr wuyum gə mán ləm, Gel naŋg nee yə ɓugu-ɓugu ləm tɔ.

Esai 24:18 ပူးပေါင်းရင်းမြစ်များ

Gḭ-Néje 19:24

Ndá Njesigənea̰ ar pər gə kṵji pər gə́ kas ḭ dara rɔ Njesigənea̰’g ɓugu dɔ Sɔdɔm gə Gɔmɔr’g tɔ.

Gḭ-Néje 7:11

Mee ndəa gə́ ləb Noe aḭ tɔl misa̰ (600) mee naḭ gə́ njekɔm’g joo, gə ndɔ dɔg-giree-siri lé mán bélm ḭ bwa gə́ naŋg teḛ budu-budu ləm, kəm dara ɔr wuyum gə mán ləm tɔ.

2 Mbaije 7:2

Ɓé-njérɔje gə́ mbai gəd rəa dɔ jia’g lé ila dəw lə Ala keneŋ pana: Lée Njesigənea̰ ra kəmbolèje dan dara’g ya kara see né gə́ bèe lé a teḛ ya wa. Ndá Elije pana: I a koo né neelé gə kəmi ya nɛ sɔ ɓa i a sɔ el tɔ.

Maktub gə́ wɔji dɔ Jɔb 20:24

Ɓó lé yeḛ teḛ ta nérɔje gə́ to larndul ndá Ɓandaŋ larkas a mbudee ya.

Pakɔsje 18:15

Yeḛ rɔ ɓandaŋgje ləa sané ne njéba̰je ləm kad-kad, Yeḛ ar ndu ndaŋg lə ndi lé ɔs goo na̰ ŋgɔg-ŋgɔg Sané dee ar dee d’aw ne dɔ na̰’d pum-pum.

Pakɔsje 18:7

Dan néurti gə́ m’isi keneŋ lé Ma m’no̰ m’ɓar ne ri Njesigənea̰, M’no̰ gə ndum gə́ ɓar wəl gə́ rɔ Ala’g lé, Loo-siée gə́ to gə kəmee doi lé Yeḛ oo ndum keneŋ ləm, Ndu no̰ ləm lé aw saar oso mbia’g pad ya ləm tɔ.

Pakɔsje 18:8

Naŋg yə bura ɓugu-ɓugu Ar gin mbalje kara ɓar bura ɗigi-ɗigi tɔ. Néje neelé yə mbata mee Ala gə́ ḭ səa pu lé.

Njekillamber 9:12

Dəw lé gər kàree gə́ wɔji dəa lé el To gə́ ka̰jije gə́ d’wa dee gə bura Gə́ to néyoo lé kara gər bèe el ləm, To gə́ yelje gə́ d’wa dee gə jàm gər bèe ləm tɔ. To gə́ deḛ bèe lé dəwje kara Némeeko̰ uba dee wa dee rès Mee ndəa gə́ teḛ dɔ dee’g wai lé tɔ.

Esai 13:13

Gelee gə́ nee ɓa n’a yə dara ɓugu-ɓugu ləm, Gel naŋg kara a yə ləm tɔ Gə goo oŋg lə Njesigənea̰ gə́ njeboo-néje Mee ndɔ boo-oŋg’d ləa gə́ a kḭ səa jugugu lé tɔ.

Esai 2:19

Dəwje d’a kiya rɔ dee mee bolè mbalje’g Gə mee bwaje gə́ naŋg Mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl dɔ njé gə́ naŋg nee.

Esai 2:21

Ndá d’a kandə kəmbolè mbalje’g Gə kəm kɔr mbalje gə́ ta̰’g Gə mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl-boo dɔ njé gə́ naŋg nee’g.

Esai 42:22

Nɛ deḛ to dəwje Gə́ d’unda dee banrɔ taa néje lə dee! Deḛ tɔ deḛ lai gə kúla larje D’ɔm dee mee bolè mbalje’g ləm, D’ula dee mee duu-looje’g ləm tɔ. Deḛ d’unda dee banrɔ Ar dəw kára kara gə́ njetaa dɔ dee godo!

Esai 8:14

Ndá yeḛ a to kəi gə́ to gə kəmee Nɛ yeḛ a to pil mbal gə́ a tuga gɔl dee ləm, Gə kɔr mbal gə́ a kar gel ka Israɛlje gə́ joo d’ɔr d’oso ne ləma, Yeḛ a to gum gə ba̰də Gə mba kwa ne njé gə́ Jerusalem ləm tɔ.

Jeremi 48:43

I gə́ si Moab lé Ɓəl-boo, gə bwa-da, gə ba̰də to wɔji dɔi. Njesigənea̰ ɓa pa bèe.

Jeremi 48:44

Yeḛ gə́ a kaḭ no̰ ɓəl-boo’g lé A koso mee bwa-da’g ləm, Yeḛ gə́ ḭ mee bwa’g teḛ lé A koso wul ba̰də’g ləm tɔ, Mbata m’a gə kar ləb bo̰ néra Moabje teḛ ɔs ta dee’g. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 3:47

Ɓəl ləm, gə bwa-yoo ləm, Gə néurti ləma, gə tuji ləm tɔ Ɓa to néje gə́ wɔji dɔ sí.

Ejekel 11:8

Seḭ ɓəlje rɔ. Ndá n’a kila rɔ dɔ sí’g, Mbaidɔmbaije gə́ Njesigənea̰ ɓa pa bèe!

Ejekel 12:13

13 N’a kila ba̰də gugu ne dəa sub ndá yeḛ a koso gum’g lə neḛ. N’a kaw səa Babilɔn mee ɓee’g lə Kaldeje nɛ yeḛ a koo ɓee neelé gə kəmee el ndá yeḛ a kwəi keneŋ.

Ejekel 15:7

N’a tel gir neḛ kila k’ar dee, deḛ d’unda loo dan pər’d teḛ nɛ pər a roo dee dula-dula. Bèe ɓa seḭ a gərje ne to gə́ neḛ n’to Njesigənea̰ loo gə́ n’a tel gir neḛ kila k’ar dee lé.

Amɔs 5:18

Meeko̰ a koso dɔ deḛ gə́ ndiŋga ndɔ lə Njesigənea̰. See ɗi ɓa meḛ sí to yel gə mba kiŋga mee ndɔ’g lə Njesigənea̰ lé wa. Ndɔ neelé loo a ndul kɔl-kɔl keneŋ ɓó lookàr a to el.

Amɔs 5:19

Seḭ a toje asəna gə dəw gə́ aḭ no̰ toboḭ’g bèe Ndá da-urs ɓa iŋgá, Esé yeḛ andə mee kəi’g ləa Ndá ila jia kaar bɔrɔ’g ar li tea̰ lé tɔ.