Esai 24:16 - Maktub gə́ To gə Kəmee

¹⁶ Jeḛ j’ooje ndu pa gwɔi naŋg’d pana: Rɔnduba nai gə njera né gə́ gə dɔ najee! Nɛ ma ndá m’pana: Siŋgam godo, siŋgam godo! Meeko̰ oso dɔm’g ya! Njékun dɔ looje ra né Gə goo kun dɔ loo lə dee ləm, D’aar njaŋg dɔ kun dɔ loo’g lə dee ləm tɔ.

Esai 24:16 ပူးပေါင်းရင်းမြစ်များ

Pakɔsje 106:15

Né gə́ deḛ dəjee lé yeḛ ar dee ya Nɛ yeḛ ar darɔ dee wəi ne njururu tɔ.

Pakɔsje 119:158

Njékun dɔ mar deeje Gə́ d’aa dɔ ta ləi kər-kər el lé to kḛji kəm’g.

Pakɔsje 2:8

Maji karm m’dəji neḛ ndá N’a kwa ginkoji dəwje gə raŋg karm gə́ nédɔji ləm, Ɓeeje gə́ d’ɔr rudu naŋg nee rɔd lé kara N’a karm gə́ ɓeeko̰ ləm ya ləm tɔ.

Pakɔsje 58:10

Ɓad ɓa kar ŋgoroje lə sí d’oo ŋgəw kag gə́ təb əsé yeḛ gə́ taa pər lé Lel-mal a sa dee rəw.

Pakɔsje 65:8

Kaa kula lə baa-boo-kad gə́ ɓar ujuju-ujuju ləm, Gə kaa paŋgəm manee gə́ turu tuma̰-tuma̰ ləma, Gə ndu koso-dəwje gə́ ɓar u-u-u ləm tɔ lé Yeḛ ɔg ar loo to ndiŋ.

Pakɔsje 67:7

Naŋg lé kinja gə nésɔje ɓagəsa ya, Ala gə́ to Ala lə sí lé tɔr ndia dɔ sí’g.

Pakɔsje 98:3

Yeḛ ar mée olé dɔ meemaji’g ləa gə dɔ meenda londoŋ’g ləa Gə́ wɔji dɔ gel-bɔje lə Israɛlje ləm, Kaji gə́ Ala lə sí aji sí ne lé D’oo gə loo lai-lai d’ɔr rudu naŋg nee njal ləm tɔ.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Esai 10:16

Gelee gə́ nee ɓa Mbaidɔmbaije, Gə́ to Mbaidɔmbaije gə́ njeboo-néje lé A kula gə né gə́ a kar njérɔje ləa Gə́ rɔ dee to kɔgərɔ-kɔgərɔ lé D’a kəŋg ne kəŋ-kəŋ, Tɔɓəi gin boo-ronduba ləa lé Né a nduba gə́ raga keneŋ To gə́ pər gə́ o̰ bèe.

Esai 11:12

Yeḛ a kun nétɔji gə́ tar kar ginkoji dəwje gə raŋg neelé d’oo To gə́ yeḛ a gə mbo̰ Israɛlje gə́ d’wa dee gə́ ɓər lé ləm, Yeḛ a mbo̰ Judaje gə́ sanéna̰ ləm tɔ Kar dee d’ḭ dɔ kum naŋg gə́ sɔ lé tel ree.

Esai 17:4

Mee ndəa’g neelé rɔnduba lə Jakob a tel keḭ el ləm, Dakasrea gə́ ər ndɔl-ndɔl lé a tel kəŋ kəŋ-kəŋ ləm tɔ.

Esai 21:2

Némḭdi gə́ to ɓəl kədm-kədm inja kəm’g. Njekula kəm loo ndòo ula kəm loo ndòo ləm, Njetujiloo tuji loo ləm tɔ. Seḭje gə́ Elam, ɔrje rɔ rɔje! Seḭje gə́ Médi, aḭje dɔ ɓee-boo sub gə rɔ! M’a kar tuma̰ rɔ ŋgururu-ŋgururu lə dəwje godo lai.

Esai 26:15

Ǝi Njesigənea̰, I ar bula lə koso-dəwje ḭ dɔ maree’d gə́ kédé-kédé, Ar bula lə koso-dəwje ḭ dɔ maree’d gə́ kédé-kédé, Riba ne dɔ rɔnduba ləi gə́ raga ləm, Ar rəw-nim-ɓee aw gə́ kédé ləm tɔ.

Esai 28:5

Mee ndəa’g neelé Njesigənea̰ gə́ njeboo-néje a to gə́ dɔgugu-ronduba Gə néɗɔi-rɔ mbata lə ges koso-dəwje ləa gə́ nai lé ləm,

Esai 33:1

Meeko̰ a koso dɔi-i gə́ njetujilooje lai’g Nɛ deḛ tujii el ɓəi ləm, I gə́ njekun dɔ loo Nɛ deḛ d’un dɔi el ɓəi ləm tɔ! Loo gə́ i a kunda ŋgaŋ tuji looje lai ndá D’a tujii ləm, Loo gə́ i a kunda ŋgaŋ kun dɔ loo lé ndá D’a kun dɔi ləm tɔ!

Esai 42:10

Ɔsje pa gə́ sigi arje Njesigənea̰, Ɔsje pa pideeje ne Areeje ɔr gwɔi naŋg nee njal, Seḭ gə́ awje dɔ baa-boo-kad’g Gə seḭ gə́ síje ta’g ləm, Seḭ dɔgoré-looje gə dəwje lai gə́ d’isi keneŋ ləm tɔ.

Esai 48:8

Seḭ ooje taree el ləm, Seḭ gərje el ləma, Ləw ba lé taree kara oso mbi sí’g el ləm tɔ, Mbata ma m’gər gao, Seḭ a gə toje njédɔkədərəje ləm, Un kudee gə kas sí ba lé Deḛ ɓar sí njékaltaje ləm tɔ.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Jeremi 12:1

Njesigənea̰, nérai gə́ gə dɔ najee dum dɔ loo Ɓó ma m’askəm maḭ səi ta el, Nɛ lé bèe kara M’a kwɔji səi ta dɔ rəwta-gaŋgje’g ləi ya: See gelee ban ɓa Rəw-kaw njémeeyèrje teḛ sə dee dan maji’g wa. See gelee ban ɓa Deḛ lai gə́ to majikojielje lé kara d’isi lɔm wa.

Jeremi 12:6

Mbata ŋgakɔḭje gə njémeekəije lə bɔbije ya kara d’un dɔi ləm, deḛ ra né gooi’g wəl-wəl ləm tɔ, lé d’a gə kulai ta gə ndu gwɔs noji ya kara maji kari ndigi sə dee el.

Jeremi 3:20

Nɛ to gə́ dené to majikoji el no̰ ŋgabeeje’g lé Seḭ gel-bɔje lə Israɛl kara Toje majikojije el nɔm’g togə́bè tɔ, Njesigənea̰ ɓa pa bèe.

Jeremi 5:11

Njesigənea̰ pana: Mbata gel-bɔje lə Israɛl Gə gel-bɔje lə Juda to majikojije el ya.

Nɔ̰-ndôo gə́ wɔji dɔ Jerusalem 1:2

Yee no̰ loondul’g Ar mán-no̰ tɔ kəmee wə-wə, Nɛ mbuna deḛ gə́ ndigee’g kédé lé Dəw kára bèe gə́ njegɔl mée godo, Baokuraje ləa lai tel d’ubá d’yá̰ Ndá deḛ tel to njéba̰je ləa.

Ojee 5:7

D’ila ŋgonkoji dɔ Njesigənea̰’g el Mbata deḛ d’oji ŋganje gə́ to baukoréje, Ɓasinè lé naḭ gə́ kára ba ya a kas Kar dee tuji gə némajije lə dee na̰’d.

Ojee 6:7

Deḛ d’ya̰ goo ta manrɔ lə dee To gə́ dəwje gə́ kari ba bèe, Yee gə́ bèe ɓa deḛ d’ubam d’ya̰’m ne.

Ləbije 26:39

Deḛ gə́ mbuna sí’d gə́ d’isi kəmba ɓəi lé d’a kunda ndolé mbata lə néra kori-korije lə dee-deḛ ləm, gə ka̰ bɔ deeje-je ləm tɔ.

Misee 5:4

To yeḛ nja ɓa a ree gə meekulɔm. Loo gə́ dəw gə́ Asiri a ree mee ɓee’g lə sí ləm, A kandə mee kəi-mbaije’g lə sí ləm tɔ ndá J’a rɔ səa gə njékulbadje siri ləm, Gə njékaa dɔ koso-dəwje jinaijoo ləm tɔ.

Habakuk 1:13

Kəmi àr ŋgad-ŋgad kəm kila dɔ né gə́ majel’g el ləm, I un kəmi rəw dɔ néra gə́ kori-kori’g lé ləm tɔ. See gelee ban ɓa i aa njéndɔji pɔdɔdɔje gərərə Ndá ila tai maree’g ndag Loo gə́ njemeeyèr aar busu yeḛ gə́ nérea to gə dɔ najee undá-yeḛ lé ɓəi wa.

Habakuk 1:3

See gelee ban ɓa i am m’oo néra kori-kori ləm, I kara aa né gə́ gə dɔ najee el lé gə́ kaa ya bèe wa. See gelee ban ɓa kula kəm loo ndòo Gə néra gə́ kərm-kərm ɓa to nɔm’g bèe wa. Ta kɔl na̰ gə ta tḭ-na̰ ɓa to keneŋ.

Mark 13:27

Tɔɓəi yeḛ a kula kuraje ləa gə́ dara mba kar dee mbo̰ dəwje gə́ yeḛ ɔr dee unda dee gə kəmee, deḛ gə́ d’isi bər gə dɔ-gó ləm, dɔkɔl gə dɔgel ləma, gə rudu naŋg’d gə dara ləm tɔ.

Néra Njékaḭkulaje 13:47

Mbata Mbaidɔmbaije un ndia ar sí togə́bè pana: Neḛ n’undai gə́ lookàr lə ginkoji dəwje gə raŋg Mba kari un ta kaji lé aw ne saar teḛ ne gwɔi naŋg’d.

Loo gə́ killa rea kəm Ja̰’g 15:3

Deḛ d’ɔs pa lə Moyis, yeḛ gə́ to kura lə Ala ləm, gə pa lə Ŋgonbad lé ləm tɔ pana: Mbaidɔmbaije Ala, i gə́ to Bao-siŋgamoŋ lé Néraije to gə́ boo ləm, to ɓəl kədm-kədm ləm tɔ. I gə́ to mbai dɔ ginkoji dəwje gə raŋg lé Né gə́ i wɔji-kwɔji ra lé to gə dɔ najee ləm, Ta ləi to gə́ kankəmta ləm tɔ,