Esai 24:15 - Maktub gə́ To gə Kəmee

¹⁵ Ulaje rɔnduba dɔ Njesigənea̰’g Mee looje gə́ bər lé Arje ri Njesigənea̰, Ala lə Israɛlje ɓar dɔ dɔgoré-looje gə́ mee baa-boo-kad’g tɔ.

Esai 24:15 ပူးပေါင်းရင်းမြစ်များ

Este 10:1

Mbai Asuerus gaŋg nékoga-dɔ-rɔ dɔ deḛ gə́ d’isi mee ɓee’g ləm, gə dɔ deḛ gə́ d’isi dɔgoré-looje’g to dan baa-boo-kad’g ləm tɔ.

Esai 12:4

Mee ndəa’g neelé seḭ a pajena: Pidije Njesigənea̰ ɓarje ne ria ləm, Ilaje mbər néreaje mbuna koso-dəwje’g Arje meḛ dee olé ne dɔ riɓar’g ləa ləm tɔ!

Esai 25:3

Gelee gə́ bèe ɓa koso-dəwje gə́ to njésiŋgamoŋje D’ula ne rɔnduba dɔi’g ləm, Ɓee-booje lə ginkoji dəwje gə raŋg gə́ to njésiŋgamoŋje Ɓəli ne ləm tɔ.

Esai 26:8

Gelee gə́ nee ɓa, əi Njesigənea̰, Jeḛ ŋginai ne dɔ rəwta-gaŋgje’g ləi, Jeḛ ndiŋgaje rɔ sí gə mba ɓar rii ləm, J’ar meḛ sí olé ne dɔi’g ləm tɔ.

Esai 41:5

Deḛ gə́ d’isi dɔgoré-looje’g d’ée Ndá d’isi ne dan ɓəl’g ləm, Deḛ gə́ d’isi gwɔi naŋg’d kara D’unda bala ləm tɔ, Deḛ rəm pər ree nee ya.

Esai 42:10

Ɔsje pa gə́ sigi arje Njesigənea̰, Ɔsje pa pideeje ne Areeje ɔr gwɔi naŋg nee njal, Seḭ gə́ awje dɔ baa-boo-kad’g Gə seḭ gə́ síje ta’g ləm, Seḭ dɔgoré-looje gə dəwje lai gə́ d’isi keneŋ ləm tɔ.

Esai 42:12

Maji kar dee d’ula rɔnduba dɔ Njesigənea̰’g ləm, Maji kar dee d’ila mber pidee dɔgoré-looje’g ləm tɔ.

Esai 42:4

Mée a kila kas el ləm, Yeḛ a kya̰ gée yɔgɔ el ləm tɔ Saar karee tum gin né gə́ gə dɔ najee dɔ naŋg nee ləm, Saar kar koso-dəwje gə́ d’isi dɔgoré-looje’g D’unda meḛ dee yel dɔ godndia’g ləm tɔ.

Esai 49:1

Seḭ gə́ síje dɔgoré-looje’g lé Ooje ta ləm! Seḭ koso-dəwje gə́ síje əw lé Urje mbi sí gèŋ! Njesigənea̰ ɓarm mee ndəa gə́ d’ojim ne ləm, Yeḛ unda rim mee ndɔ gə́ ma m’teḛ ne mee kɔm’g ya ləm tɔ.

Esai 51:5

Néra gə́ gə dɔ najee ləm nai dəb ba ləm, Kaji ləm a gə teḛ ləm tɔ. Kag jim ɓa m’a gaŋg ne rəwta dɔ koso-dəwje’g ya. Deḛ gə́ d’isi dɔgoré-looje’g lé D’a kunda meḛ dee yel dɔm’g ləm, D’a kɔm meḛ dee dɔ kag-jim gə́ ɓar mèr-mèr’g ləm tɔ.

Esai 60:9

Mbata dɔgoré-looje d’unda meḛ dee yel dɔm’g ləm, Batoje gə́ Tarsis ɓa to gə́ ŋgaw ta deeje Gə mba kaw kodo ŋganije gə́ loo gə́ əw’g ree sə dee Gə larnda gə larlɔr lə dee ləm tɔ Gə mbata ri Njesigənea̰, Ala ləi, Yeḛ gə́ to Njerɔkunda lə Israɛlje gə́ ula rɔnduba dɔi’g lé.

Esai 66:19

m’a kar nétɔji to mbuna dee’g ndá m’a kula njé’g lə dee gə́ nai lé rɔ ginkoji dəwje gə raŋg’g: deḛ gə́ to njérɔ-ɓandaŋgje lé d’a kaw Tarsis, gə Pul, gə Lud ləm, deḛ gə́ ta ləm oso mbi dee’g el saar ar dee d’oo rɔnduba ləm el ləm tɔ lé ndá d’a kaw Tubal, gə Jaban gə dɔgoré-looje gə́ to əw ləm tɔ, d’a kila mber rɔnduba ləm mbuna ginkoji dəwje gə raŋg’g.

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Néra Njékaḭkulaje 16:25

Loo gə́ dan loo bab ndá Pool gə Silas d’isi ra tamaji ləm, d’ɔs pa d’ula ne rɔnduba dɔ Ala’g ləm tɔ tɔɓəi daŋgai mar deeje d’oo ndu dee tɔ.

2 Njé gə́ Tesalonikə 1:12

Togə́bè ɓa, seḭ a kulaje ne rɔnduba dɔ ri Mbaidɔmbaije Jeju’g ləm, yeḛ kara a kula ne rɔnduba dɔ sí’g ləm tɔ, gə goo noji gə́ Ala gə Mbaidɔmbaije Jeju Kristi d’wa sə sí lé tɔ.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

1 Piɛrə 3:15

Nɛ waje Kristi dɔɓəŋgərə sí’g gə kəmee, éeje ne gə́ Mbaidɔmbaije tɔ. Waje dɔ gɔl rɔ sí mba kar nana ɓa gə́ a dəji sí ta dɔ né gə́ seḭ undaje meḛ sí yel dɔ’g ndá seḭ a kila deeje keneŋ gə kəmkàree ləm, gə ndu gwɔs sí gə́ kul yururu ləm tɔ.