Esai 24:10 - Maktub gə́ To gə Kəmee

¹⁰ Ɓee-boo gə́ tuji pugudu lé Tel to dɔ nduba ləm, Takəije lai to gə loo kudee Ɓó dəw andə keneŋ el ləm tɔ.

Esai 24:10 ပူးပေါင်းရင်းမြစ်များ

Gḭ-Néje 11:9

Gelee gə́ nee ɓa deḛ ɓaree ne Babel mbata lé neelé ɓa Njesigənea̰ tel gwɔs dəwje lai gə́ dɔ naŋg nee lé ɓəd-ɓəd keneŋ ləm, lé neelé ɓa Njesigənea̰ sané dee ne dɔ naŋg nee gə looje lai ləm tɔ.

2 Mbaije 25:4

Bèe ɓa deḛ mbudu kəm ndògo-bɔrɔ gə́ gugu dɔ ɓee-boo lé ndá mbai gə njérɔje d’ḭ til’g teḛ gə rəw gə́ aw teḛ tarəw ɓee gə́ to mbuna ndògo-bɔrɔje gə́ joo gə́ to mbɔr loo-kamnaḭ’g lə mbai lé, loo gə́ Kaldeje d’aḭ dɔ ɓee-boo sub lé. Njékaḭje neelé d’aḭ gə rəw gə́ ndag-mbo’g.

Esai 23:1

Ndərta gə́ pa wɔji dɔ ɓee gə́ Tir. Seḭ batoje gə́ Tarsis, no̰je siije mbigi-mbigi Mbata ɓee gə́ Tir lé tuji: Kəije godo ləm, Loo-Kandə keneŋ godo ləm tɔ! Sorta neelé d’ḭ ne ɓee gə́ Kitim Ɓa ree d’ula dee.

Esai 24:12

Tuji-boo nai mee ɓee-boo’g Ar tarəwkɔgje gə́ tɔs dee lé tuji pugudu-pugudu.

Esai 25:2

Mbata i ar ɓee-boo tel to To gə́ kɔr mbalje gə́ to dɔ na̰’d bèe ləm, Ɓee-boo gə́ siŋgá to lé I aree tel to loo-tuji ləm tɔ, Kəi-kaar-kɔgərɔ lə dəw-dɔ-ɓeeje kara tuji pugudu Askəm kar dee tel gɔlee gogo el ŋga.

Esai 26:5

Yeḛ tɔs dəwje gə́ d’isi dɔ mbalje’g tar lé tila dee ləm, Ɓee-boo gə́ to tar ur dɔ mareeje’g lé Yeḛ rəm səa ləm tɔ. Yeḛ aw səa aree oso naŋg ləm, Yeḛ aw səa saar ilá babur’g pal ləm tɔ.

Esai 27:10

Mbata ɓee-boo gə́ siŋgá ŋgəŋ lé Tel to dɔ nduba, Tel to gə́ loo-si gə́ d’uba d’ya̰ D’aree to gə́ dɔdilaloo bèe, Loo-kaar-nékulje lé ŋgon maŋg ɓa a to keneŋ Mba sɔ barkəm kagje.

Esai 32:14

Kəi-mbai lé d’uba d’ya̰ ləm, Ɓee-boo kunda bula lé tel to dɔ nduba ləm tɔ, Dɔdərloo gə kəi-kaar-kɔgərɔ gə́ duu dɔ loo lé Tel to duu-loo si gayim-dəwje saar gə no̰, Loo neelé a tel to gə́ loo-ndam lə mulayḛ̀je-je gə́ wala ləm, Gə loo-ko̰-mu lə koso-nékulje ləm tɔ.

Esai 32:19

Nɛ ndi-kwɔji gə́ ər bai-bai A təd kagje gə́ mee kag-kɔr’g ləm, A kar ɓee-boo oso naŋg pal ləm tɔ.

Esai 34:11

Dogəro gə nduru d’a kwa gə́ loo-si dee ləm, Kwɔi gə ga̰-ga̰ d’a si keneŋ ləm, D’a kila kúla-kwɔji-né gə́ wɔji dɔ loo-némeeko̰ keneŋ ləma, Nékwɔji-né gə́ ka̰ tuji loo a to keneŋ ləm tɔ.

Jeremi 39:4

Loo gə́ Sedesias, mbai gə́ Juda gə njérɔje lai d’oo dee ndá deḛ d’unda loo mee ɓee-boo’g loondul’g teḛ d’aḭ gə rəw gə́ loo-kamnaḭ’g lə mbai, par gə́ tarəw gə́ to mbuna ndògo-bɔrɔje gə́ joo ndá deḛ d’un rəw gə́ aw gə́ ndaa-loo’g.

Jeremi 39:8

Kaldeje roo kəi lə mbai gə kəije lə koso-dəwje ləm, deḛ təd ndògo-bɔrɔ gə́ Jerusalem kərm-kərm ləm tɔ.

Jeremi 52:7

Yen ŋga njérɔje gə́ Babilɔn tɔs ndògo-bɔrɔ lə ɓee-boo mbudu. Ndá njérɔje lai d’unda loo mee ɓee-boo’g loondul’g teḛ d’aḭ gə tarəw gə́ to mbuna ndògo-bɔrɔje gə́ joo mbɔr loo-ndɔ’g lə mbai, loo gə́ Kaldeje d’aḭ dɔ ɓee-boo sub gə rɔ lé. Njékaḭje d’aḭ gə rəw gə́ aw ndag-loo’g.

Misee 2:13

Yeḛ gə́ a kɔs kəm loo mbudu teḛ lé A kaw no̰ dee’g. D’a kɔs kəm loo mbudu ləm, D’a dəs tarəwkɔg’d ləma, D’a teḛ kaw ləm tɔ. Mbai lə dee a njaa no̰ dee’g ləm, Njesigənea̰ a to njekɔrno̰ dee ya ləm tɔ.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Lugu 19:43

Mbata ndɔje gə́ njéba̰je ləi d’a teḛ dɔi’g kuru bwa gugu ne dɔi sub ləm, d’a gugu giri sub ləma, d’a kudu dɔi jigi-jigi ləm tɔ lé kàree a teḛ ndá d’a tujii pugudu gə ŋganije gə́ d’isi səi lé na̰’d.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Loo gə́ killa rea kəm Ja̰’g 18:2

Yeḛ pata gə ndia gə́ boi wəl pana: Babilɔn, ɓee-boo lé tuji oso dəa’g aree tuji pugudu ya. Yee nja tel to loo-si ndilje gə́ majel ləm, gə ndilje gə́ mina̰ jɔmri-jɔmri gə́ rara kara ləma, yelje gə́ rara gə́ to ramielje gə́ to kḛji kara deḛ ra ɓee keneŋ ləm tɔ.