Esai 23:6 - Maktub gə́ To gə Kəmee

⁶ Awje par gə́ Tarsis, No̰je siije mbigi-mbigi, Seḭ dəwje gə́ síje ta baa’g lé!

Esai 23:6 ပူးပေါင်းရင်းမြစ်များ

Esai 16:7

Gelee gə́ nee ɓa Moabje tuma̰ ne ŋgururu-ŋgururu dɔ rɔ dee’g, Ar dee-deḛ lai ya no̰ ne togə́bè tɔ. Seḭ imje rɔ sí dɔ tuji gə́ oso dɔ Kir-Hareset’g Areeje al dɔ sí sula.

Esai 21:15

Mbata deḛ d’aḭ no̰ kiambas’g, No̰ kiambasje gə́ tɔr sɔl dee’g ləm, Gə no̰ ɓandaŋg gə́ d’ɔr kagee léréré ləma, Gə no̰ rɔ gə́ nuŋga kəd-kəd’g ləm tɔ.

Esai 23:10

Ŋgon dené gə́ Tarsis, gə́ dəs mee ɓee’g ləi tar To gə́ baa-boo gə́ Nil gə́ ula bèe! Né gə́ njekɔgi godo ŋga!

Esai 23:12

Yeḛ pana: Seḭ a raje rɔlel pai godo, Seḭ njéɓeeje gə́ Sido̰ gə́ d’ila rɔkul dɔ sí’g! Ḭje ta awje ɓee gə́ Kitim! Lée neelé kara seḭ a kiŋgaje loo-kwa-rɔ sí keneŋ el tɔ.

Jeremi 10:9

Deḛ d’ḭ gə larnda gə́ d’unda gə mo̰ Ɓee gə́ Tarsis ləm, Gə larlɔr gə́ Upaj ləm tɔ ɓa ree ne. Njékulaje gə njégər goso kula larje ɓa Ra kula keneŋ gə ji dee, Kubu kula rɔ magəje neelé To kubuje gə́ deḛ ndiri gə́ ndul piro-piro ləm, Gə kas njir-njir ləm tɔ. Néje lai neelé to kula gə́ njégərgoseje Ɓa ra gə ji dee.

Ejekel 27:35

Dəwje lai gə́ dɔgoré-looje’g lé D’wa dɔ dee jiim mbata ləi ləm, Ɓəl-boo unda mbaije lə dee badə gaŋg dee ləma, Kəm dee tel wagəsa ləm tɔ.

Junas 1:3

Nɛ Junas lé uba naŋg ḭ gə mba kaḭ kaw Tarsis gə mba kisi əw kar kəm Njesigənea̰ oso dəa’g el. Yeḛ aw Japo ndá yeḛ iŋga bato gə́ aw gə́ Tarsis. Yeḛ uga bato neelé gə lar ɓa uru mée’g gə mba kaw gə deḛ gə́ d’odo dee d’aw sə dee gə́ Tarsis gə mba kisi ne əw kar kəm Njesigənea̰ oso dəa’g el tɔ.