Esai 22:4 - Maktub gə́ To gə Kəmee

⁴ Yee gə́ bèe ɓa ma m’pa ne m’pana: Unje kəm sí dɔm’d gə́ raŋg, Ya̰’mje amje m’no̰ gə meeko̰, Saŋje loo gə mba gɔl məəm Wɔji dɔ tuji-boo gə́ teḛ dɔ ŋgon gə́ dené’g lə koso-dəwje ləm lé el.

Esai 22:4 ပူးပေါင်းရင်းမြစ်များ

Este 4:1

Loo gə́ Mardose oo néje lai gə́ deḛ ra lé ndá yeḛ til kubuje rəa’g hao̰-hao̰, ya̰ ula kubu-kwa-ndòo rəa’g ləm, sa bu ɔm dəa’g ləm tɔ. Tɔɓəi yeḛ aw dan mee ɓee-boo’g ɔr ndia wəl no̰ ne gə meeko̰ tɔ.

Pakɔsje 77:2

M’ɔr ndum gə́ tar gə́ rɔ Ala’g lé m’ra ne né wəl, M’ɔr ndum gə́ tar gə́ rɔ Ala’g lé ndá yeḛ a koo ndum ya tɔ.

Esai 15:3

Kila-rəwje ləa lai lé d’ula kubu-kwa-ndòo rɔ dee’g ɓa d’aw ne keneŋ, Nana kara no̰ tuma̰ ŋgururu-ŋgururu Gə mán-no̰ kəmee’g Dɔ kəije’g ləm, gə ndaa-looje’g ləm tɔ.

Esai 33:7

Aa ooje, bao-rɔje Gə́ ndu dee ɓar raga, Njékaḭkula meelɔmje no̰ gə meeko̰.

Jeremi 13:17

Ɓó lé seḭ ooje ta el ndá N’a no̰ gə goo ŋgəḭ mbata beelé lə sí, Man no̰ a ruba kəm neḛ’g pɔ-pɔ, Mbata koso-dəwje gə́ to nékulje Le Njesigənea̰ lé d’a kaw sə dee ɓee-ɓər’g.

Jeremi 31:15

Njesigənea̰ pa togə́bè pana: Ndu no̰ gə kii ɓar gèr-gèr Mee ɓee gə́ Rama, Deḛ no̰ gə mán-no̰ kəm dee’g Sii ne mbigi-mbigi, Rasel no̰ no̰ ŋganeeje. Yeḛ ndigi kar dee gɔlee el, Mbata ŋganeeje gə́ godo mbad-mbad lé.

Jeremi 4:19

Wurm ɓòo! Wurm ɓòo! Dɔ ɓəŋgərəm ndiri njigi-njigi, Dɔ ɓəŋgərəm unda bala, Loo kam m’isi lɔm godo. Mbata ma m’oo ndu to̰to̰ ləm, Gə ndu kò-rɔ ləm tɔ.

Jeremi 6:26

Seḭ koso-dəwje ləm, Ulaje kubu-kwa-ndòo rɔ sí’g Rogoje ne babur’g, Waje ne ndòo to gə́ dəw Gə́ wa ne ndòo ŋgon kára bèe ləm, No̰je gə mán kəm sí’g Siije ne mbigi-mbigi ləm tɔ, Mbata njetujiloo a gə kuba sí naŋg bus.

Jeremi 8:18

Ma m’ndiŋga rɔm Gə mba kar meeko̰ ləm tel kul lɔm, Dɔ ɓəŋgərəm ndiri njigi-njigi.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Jeremi 9:18

Mbata ndu no̰ sii mbigi-mbigi Ɓar par gə́ Sio̰ pana: Ɗi togə́bè wa, jeḛ n’tuji! Rɔkul dəb dɔ sí’g! Ar sí j’ubaje ɓee lé j’ya̰je! Deḛ tɔs kəi-sije lə sí tila dee.

Nɔ̰-ndôo gə́ wɔji dɔ Jerusalem 2:11

Man-no̰ tɔ kəm wə-wə ləm, Ŋgan siḭm mbirim mba̰-mba̰ ləma, Siŋgam teḛ rɔm’g wɔndə ləm tɔ. Mbata tuji gə́ oso dɔ dəwje’g ləm ləm, Gə mbata ŋganje gə ŋganje gə́ ta mbà’d Gə́ d’aw d’ila mbir-mbir mee ɓee’g lé ləm tɔ.

Ejekel 21:11

I ŋgon-dəw lé gə́ tuma̰ ŋgururu-ŋgururu ya, ar ɓəri tɔ kɔrəm ləm, tuma̰ ŋgururu-ŋgururu kəm dee’g gə meekad mbag-mbag ləm tɔ.

Ejekel 27:31

D’a ndisa dɔ dee ŋgori-ŋgori mbata ləi ləm, D’a kula kubu-kwa-ndòo rɔ dee’g ləma, Meḛ dee gə́ adə dee mbag-mbag lé Deḛ d’a nɔḭ ne gə meeko̰ yoo ləm tɔ.

Misee 1:8

Gelee gə́ nee ɓa ma Mise M’a no̰ ne gə mán-no̰ kəm’g ləm, M’a sii ne mbigi-mbigi ləm, M’a njaa ne gɔlm kari ba ləm, M’a kɔr ne ndum wəl no̰ ne to gə́ tàl bèe ləma, M’a tuma̰ ne ŋgururu-ŋgururu to gə́ yel miru bèe ləm tɔ.

Matiyo 2:18

Ndu no̰ gə kii ɓar gèr-gèr mee ɓee gə́ Rama, Dəwje no̰ gə mán-no̰ kəm dee’g d’isi ne ndan ndòo-yoo’g. Rasel no̰ no̰ ŋganeeje, Yeḛ ɔs dee-deḛ gə́ d’aw gə mba gɔlee lé rəw Mbata ŋganeeje lé godo mbad-mbad ya.

Matiyo 26:75

Léegəneeya kona no̰ wəl ndá mee Piɛrə aḭ har teḛ dɔ ta gə́ Jeju ulá kédé pana: Kona a no̰ el nja ɓəi ndá i a maḭ dɔm’g gɔl munda ya. Yen ŋga, yeḛ unda loo teḛ raga no̰ ɓugudu-ɓugudu.

Lugu 1:2

Deḛ d’ɔr goo taree d’ar sí gə goo tapa deḛ gə́ njékoo tareeje gə kəm dee, un kudee ndəa gə́ dɔtar’g lé ləm, d’ɔm taree ta dee’g mba kar dee d’ɔr gée ləm tɔ.

Lugu 19:41

Loo gə́ nai tḛ́ bèe gə mba kar dee teḛ mee ɓee’g lé ndá Jeju ila kəmee dɔ ɓee-boo’g neelé ndá no̰ gə mán kəmee dəa’g pana: